Accessibility links

пәнҗешәмбе, 8 декабрь 2016, Казан вакыты 07:00

*M.Şäymiev: tatar tele säğätlären kimetergä cıyınmıybız | *Qazanda urtaça eş xaqı 12 meñ sumğa citkän | *Qazan däwlät universitetı binasında yañalıq | *Rusiä olimpiadalarında Qazanlılar yuğarı urınnarnı yawlıy

M.Şäymiev: tatar tele säğätlären kimetergä cıyınmıybız

Qazan şähär Dumasınıñ 18 febräl cıyılışında kübesençä xucalıq eşläre tikşerelsä dä, milli-regionäl komponentınıñ beterelüe säbäple, tatar tele däresläreneñ kimü ixtimallığı turında da süz çıqqan bulğan. Tatarstan prezidentı Mintimer Şäymiev, däreslärne kimetergä cıyınmıybız, xalıq üzebezdä, mäktäplär dä üzebezdä, konstitusiabez bar, bezdä ike däwlät tele, tatar tele häm rus tele, qalğanı tikşerelmi, digän anda.

Tatarstan Däwlät Şurasınıñ wäkilläre añlatqança, töp qanunnıñ 68 mätdäse nigezendä milli-regionäl komponent nigezendä uqu-uqıtu Federal üzäk belän Tatarstan üz ara xäl itä torğan urtaq wäkälät bulıp tora. Tatarstan deputatlarınıñ "Mäğärif" turındağı federal' qanunğa tözätmä ezerläwe, bu yünäleştä köräş alıp barığa teläwe turında xäbär itkän idek. Qazan Duması utırışında sıynıftağı balalar sanın kimendä 25 itü standartı turında äytelde. Milli sıynflar öçen bu ütälerlek şart tügel.Şuña kürä deputatlar älege mäğärif qanunına tözätmä kertergä täqdim itte. Ul oçraqta mäktäptä tatar telen uqıtu kimergä mömkin. Bu xaqta İnterfaqs agentlığı xäbär itte. Qazan gäzitläre bu turıda ber süz dä yazmadı. Matbuğat Qazan xucalığına, sosial' tormışına qarağan sannarnı yazıp çıqtı.

----------------------------------------------------------------------------------------------

Qazanda urtaça eş xaqı 12 meñ sumğa citkän

Qazan başlığı İlsur Metşin Qazanda urtaça eş xaqı 12 meñ sumğa citkän dip söyläde. Ämma budjet ölkäsendä eşläwçelärneñ keremnäre, bigräktä mäğärif ölkäsendä eşläwçelärneñ eş xaqları bu 12 meñgä citmi, bik tübän bulıp qala. Tögäl san kiterelmi, ämma Qazan kebek millionnan artıq xalqı bulğan şähärlär belän çağıştırğanda, budjet ölkäsendä bulğan eş xaqı yağınnan Tatarstan başqalası 10nçı urında dip äytelä.

Şulay uq bu çığıştan, Qazanda yäşäw minimuınıñ 6 meñ sum tiräsendä buluı açıqlandı. Qazanda, şuşı sannan da azraq kerem aluçı eşçelärneñ sanı kimetü yünäleşendä eş alıp barıluı turında äytelde. Älegä, yäşäw minimunnan azraq külämdä eş xaqın aluçı 72 meñ keşe bar dip isäplänä. Ämma şähär başlığı, eşkä yallawçılar salımnarnı azraq töläw öçen eş xaqların tübän itep kürsätä, ä qalğanın isä konvertta birä, dip añlata. Läkin pensionerlarnıñ keremnäre, 6 meñlek yäşäw minimumınnan 2 tapqırğa diärlek tübänräk bulıp qala. Alarğa konvertta aqça birüçe yuq.

----------------------------------------------------------------------------------------------

Qazan däwlät universitetında uqu däräcäme?

Tatarstandağı yuğarı uqu yortları, ayırım alğanda Qazan däwlät Universitetı Rusiädä berençe 3lektä tora dip äytelä ide. Düşämbe cıyılışında Qazan şähär başlığı İlsur Metşin, Qazan ğıylem yortlarınıñ däräcäse, dönya uqu yörtları belän çağıştırğanda bik tübän dide. Qazan ğömümän, xalıqara däräcädäge belem alu sistemasınnan çittä qalırğa mömkin, dip belderde ul. Şähär başlığı Dönya bankı belgeçläre ütkärgän tikşerenügä tayanıp söyli. Çit il belgeçläre Qazanğa kilep, başqalanıñ belem birü mömkinleklärenä üz bäyälärn birep kitkän ide. Şuşı tikşerenü näticälärenä kürsätkänçä, Qazan ğälimnären dönya däräcäsendä belmilär, alarnıñ eşlärennän misallar qullanmıylar. Yuğarı uqu yortları üzläreneñ finanslaw çığanaqların, alarnıñ niçek totıluı turında mäglümatnı açıq itep internet säxifälärgä kürsätmi, dip söylägän Qazan şähär başlığı.

----------------------------------------------------------------------------------------------

Rusiä olimpiadalarında Qazanlılar yuğarı urınnarnı yawlıy

Mäktäptäge belem turında uñışlar xaqına xäbär itkändä, İlsur Metşin yuğarı kürsätkeçlärne atadı. Rusiä olimpiadalarında Qazanlılar yuğarı urınnarnı yawlıy, 100-läp uqıtuçı häm uquçı Rusiä xakimiatlärennän zur grantlar alğan. Berdäm däwlät imtixanın 90-100 ballğa yazğan 130 uquçı bar ikän Qazanda. Metşin äytkänçä, fizika häm ximia fänen Qazanda naçar uqıtalar. Bu fännärdän, berdäm däwlät imtixanın, urtaça
XS
SM
MD
LG