Accessibility links

сишәмбе, 6 декабрь 2016, Казан вакыты 08:54

►Ana tele köne - uram cıyınında ►Dmitriy Medvedev Qazanğa kilde ►“Aq bars” awır könnär kiçerä. ►Räşit Äxmätov: Tatarstan möstäqıyllekkä Kosovoğa qarağanda da layıgraq



Ana tele köne - uram cıyınında

21 fevraldä bar dönyada Xalıqara Ana tele köne bilgeläp ütelä. Cir şarında 6 meñgä yaqın tel bar. UNESCO sannarına qarağanda, şularnıñ yartısı - yuqqa çığu aldında tora.

Sannar tağın şunı kürsätä - här ay sayın ike tel yuqqa çığıp bara. Tatarstanda da ike däwlät teleneñ berse tatar tele dä bügen saqlawğa, yaqlawğa, öyränügä häm üsterügä moxtac, di tel belgeçläre. Älbättä Tatarstanda älege bäyrämne iğtibarsız qaldırmıylar. Tuqay muzeyında, Tatar Däwlät humanitar pedagogika universitetında, urta mäktäplärdä, kitapxanälärdä Ana telenä bağışlap räsmi çaralar da ütkärelde.

Piketnı tıyarğa tırışıp qarağannar...

Tuğan tel yazmışı bügen ictimağıy oyışmalarnı da bitaraf qaldırmadı. Tatar ictimağıy üzägeneñ Xalıqara Ana tele köne uñayınnan Qazan kirmäne qarşında uram cıyını yasayaçağı aldan uq bilgele ide inde. Tik pänceşämbe könne uramda tärtip saqlawçılar Qazanda ana tele könennän bitär ere qunaqnı kötä ide. Rusiä prezidentı bulaçaq dip farazlanğan Dmitiriy Medvedev kilüe Qazanda xoquq saqlawçılarnı borçuğa salğan. Alar Medvedev kilüenä qırıs iminlek çaraları kürelde.

----------------------------------------------------------------------------------------------

Dmitriy Medvedev Qazanğa kilde

Pänceşämbe Qazan hawa alanına Mäskäwdän maxsus oçqıç belän Rusiä xökümäte räiseneñ berençe urınbasarı Dmitriy Medvedev kilde.

Medvedevnı Tatarstan prezidentı Miñtimer Şäymiev, Rusiä prezidentınıñ İdel buyındağı wäkile Aleksandr Konovalov, Tatarstan premer-ministrı Röstäm Miñnexanov, Qazan merı İlsur Metşin qarşı aldı.

Dmitriy Medvedev 19nçı gimnaziadä buldı. Anda Väçeslav Fetisov häm Sergey Makarov Tatarstannıñ yäş hokkeyçıları belän täcribä urtaqlaştı. Annarı “Rusiä alğa!” digän isem astında ütüçe Bötenrusiä sport forumında qatnaştı.

----------------------------------------------------------------------------------------------

İbrahimov institutında yomğaqlaw konferensiase

Ğälimnär tel, ädäbiät häm sänğät mäsälälären genä tügel, eş urınındağı texnik çaralar, eş xaqı, toraq problemaların da kütärde.

Bu könne institutnıñ törle büleklärendä eşläwçe ğälimnär tel, folklor häm sänğät, ädäbiät beleme, tekstologia häm qulyäzmalarnı öyränü mäsäläläre seksialärenä bülenep, anda fänni çığışlar yasadı.

Ğälimnär çığışında küp tomlı süzleklär basılu turında süz barğan ide. Rüzäl äfände bu xaqta, bälki bulğan süzleklär belän qullanıp torırğa häm basılğan xezmätlärgä dä ekspert komissialäre tözep, älege kitaplarnıñ xalıqqa xezmät itüen tikşerergä kiräkter, dip belderde.

----------------------------------------------------------------------------------------------

Räşit Äxmätov: Tatarstan möstäqıyllekkä Kosovoga qarağanda da layıgraq

Kosovonıñ Serbiädän ayırılıp çığuı federal' matbuğatta atna buyı iñ aktual' mäsälälärneñ berse bulıp tordı. Bilgele bu temağa “Azatlıq” radiosı da härdaim iğtibar birde, älege problemağa qarata Tatarstan säyäsätçeläreneñ fikerlären işetterde. Kosovo-Serbiä mäsäläsenä Tatarstan bitaraf tügel, çönki distä yıl elek respublika üze dä şundıy xäldä ide. Kosovodağı xällär Tatarstan cämäğätçelegen yänä möstäqıyllekkä ruxlandırdı. Respublikanıñ ütken telle “Zvezda Povoljä» gazetasında jurnalist Räşit Äxmätov bu temağa qarata üz fikerlären täqdim itä.

Putin waqıtında buldırılğan şartnamä, Medvedev idarä itkän waqıtta tağın da üz köçen arttırıp, Tatarstannıñ möstäqıyllegenä ötärergä mömkin. Ägär dä Rusiädä xäzerge unitar däwlät buldıru säyäsäte alğa taba däwam itsä, respublika şulay uq möstäqıyllekkä aşqınaçaq. Xäzer küräbez, tatar şriftları buyınça, tatar tele däresläre buyınça küp kenä qarşılıqlı eşlär alıp barıla. Bolay däwam itsä Tatarstan hiçşiksez möstäqıyl' bulırğa teliaçäk, dip uylıy “Zvezda Povoljä” möxärrire Räşit Äxmätov.

----------------------------------------------------------------------------------------------

“Aq bars” awır könnär kiçerä…

20 febräldä Qazannıñ “Aq bars”ı Ufanıñ “Salawat Yulayıv” xoqkey qomandasına 2:4 isäbe belän ciñelde. Uyın başında berençe alqanı “Bars” kertep canatarların ruxlandırıp alsa da, Başqortstan qunaqları ciñüçe bulıp qala.

Başqortstan belän Tatarstan arasında ütkän soñğı boz östendäge köräş xaqında söylägänçe, Ufada “Domo” kibetlär çeltärendäge reklam taqtaları öçen “Aq bars” xoqkey törkeme äğzaları Aleksey Morozov belän Sergey Zinovevnıñ fotoğa töşüe häm şular arqasında Başqortstan başqalasında 15 reklam taqtasınıñ alınıp atuın iskä töşerü kiräkter.

Tatarstan belän Başqorstannıñ köndäşlege sport ölkäsendä genä tügel, iqtisad ölkäsendä, energia almaşında da sizelä. Bu xaqta ike respublikanıñ citäkçelege dä belä inde, kiläçäktä elemtälärne caylarbız dip beldergän ide matbuğat bitlärendä Miñtimer Şäymiev.
XS
SM
MD
LG