Accessibility links

дүшәмбе, 5 декабрь 2016, Казан вакыты 15:30

Белградта митинг тәртипсезлекләргә китерде


Белград урамнарында тәртипсезлекләр

Белград урамнарында тәртипсезлекләр

Косовоның бәйсезлегенә протест белдерүчеләр Америка Кушма Штатларының Сербиядәге илчелегенә һөҗүм итте.


Белградтагы хәбәрчебез әйтүенчә, протест чарасы тәмамланганнан соң, берничә мең кеше “Косово – Сербиянең йөрәге!” дигән шигарләр кычкырып, чит ил илчелекләренә һөҗүм итә башлаган. Һөҗүмчеләрнең алгы сафында футбол җанатарлары булган.
Серб ханымы "Американы ачкан өчен ... сине, Колумб" дигән шигар тоткан

Иң киеренке вазгыят берничә илчелек урнашкан үзәк урамда килеп туган. Протестчылар АКШ илчелеге бинасыннан американ әләмен алып, аның урынына Русия әләмен урнаштырган. Соңнан полиция тарафыннан сакланмаган бу бинаның беренче ике катына ут төрткәннәр.

Моннан тыш, Төркия, Канада, Италия, Британия һәм Косовоның бәйсезлеген таныган башка илләрнең, шулай ук, күрше Хорватия һәм Босния илчелекләренә дә зыян килгән.
Белград урамнарында тәртипсезлекләр

Полиция тәртип бозучыларга каршы күздән яшь чыгара торган газ кулланган.

Шәһәрдә күп кенә кибетләр җимерелеп, таланган, банк биналарының тәрәзәләре ватылган, юл тамгалары юк ителгән, чүп савытлары яндырылган. Дистәләгән кеше яраланган, күбесе – полиция хезмәткәрләре.

Американ илчелеге бинасында янган мәет табылган. Бу турыда илчелек вәкиле белдерде. Корбан булучы – һөҗүм вакытында бинага бәреп кергән серб демонстранты дип фаразлана.

Сербия президенты Борис Тадич үз ватандашларын илчелекләргә һөҗүмнәрне туктатырга чакырды.


XS
SM
MD
LG