Accessibility links

шимбә, 10 декабрь 2016, Казан вакыты 13:50

Bäğdad: Törkiä kürgän çaralar Ğiraq bäysezlegenä ziyan kitermi


Bäğdad – Ğiraq xökümäte bügen, Törkiäneñ tönyaq Ğiraqta PKK körd ğisyançılarına qarşı alıp barğan xärbi çaraları, Ğiraq bäysezlegenä qarşı ber höcüm tügel dip belderde. Ğiraq xökümät süzçese Ali äl-Dabbağ Törkiä alıp barğan bu xärbi çaralar, töbäkne totrıqsızlıqqa etärmäskä tiyeş dip kisätte. PKK citäkçelärennäñ ber komander, Törkiädä yäşägän kördlärne tönyaq Ğiraqta barğan çaralarga qarşı çığarga çaqırdı. AQŞ Saqlanu sekretarı Robert Gates, bügen Australiä säfäre waqıtında, Waşintonnıñ “Törkiä, bu oparasiäne bik ozaqqa suzmasqa tiyeş” digän çaqıruın qabat iskärtte. Şul uq waqıtta Ğiraqnıñ körd töbäge citäkçelege ägär ğadi xalıqqa ziyan kilä ikän, Törkiäneñ xärbi çarasına qarşı çığılaçaq dip belderde. Törkiä xökümäte isä bu höcümnärneñ barı tik PKK terrorist törkemnärenä qarşı yünälderelüen, ğadi xalıqqa ziyan kilmiyäçägen bu operasiä barışında tağın ber qat täqrarladı.

XS
SM
MD
LG