Accessibility links

шимбә, 3 декабрь 2016, Казан вакыты 22:55

Rusiä yaña prezidentın saylıy


Mäskäw – Rusiädä bügen il prezidentın saylaw öçen xalıq tawış birä. Şulay da saylawda kemnen ciñäçäge saylawdan elek bilgele ide. Prezidentlıq möddäte tämamlanğan Vladimir Putinnen üzenä waris bularaq kürsätkän Dmitri Medvedev, bu saylawda küpçelek tawış belän ciñep çığaçaq dip farazlana.

Saylaw aldı fiker beleşü näticälärendä, Gaznı üz qulında totqan Gazprom şirkäteneñ başlığı häm premyer urınbasarı Medvedevnen, 60 prosenttan kübräk tawış belän saylawnı qazanaçağın kürsätkän ide.

Prezident saylawında Medvedevkä köndäş tağın 3 namzät bar. Alar Komunist partiäse citäkçese Gennadi Zuganov, Demokrat partiä başlığı Andrey Bogdanov häm liberal demokratlar partiäse başlığı, ütä milliätçe Vladimir Jirinovski. Läkin bu öç namzätmnen ciñü mömkinçelege yuq däräcäsendä bik äz.

Rusiädäge qaysı ber oppozisiä başlıqları bu saylawda xärämläşü buluın, Kremlingä qarşı bäysez namzätlärnen xaqimiät tarafınnan saylawğa qatnaşırğa röxsät itelmäwen beldergän ide.

Könbatışlı küzätüçelärnen kübese bu saylawğa boykot belderä.

Medvedev, Putinnen 8 yıl däwamında alıp barğan säyäsäten däwam itäräçägen belderä. Medvedev saylanğannan oçraqta, Putinne premyer itep bilgeläyäçäk digän qaraş xaqim.

XS
SM
MD
LG