Мәскәү – Русия президенты Владимир Путин, НАТОны Берләшкән Милләтләр Оешмасы урынын алу ниятендә гаепләде. Бу турыда ул шимбә көнне Германия канцлеры Ангела Меркель белән булган очрашуда әйтте:
"Бүген, ике көндәш системның каршылыгы булмаган шартларда, хәрби-сәяси блокның чиксез киңәюен без зыянлы дип саныйбыз. Чөнки бу Берләшкән Милләтләр урынына яңа оешма төзелә дигән хис калдыра",- диде Русия президенты.
Путин, шулай ук, Көнбатыш илләре яңа президент Дмитрий Медведев белән эш итү җиңелрәк булачак дип өметләнмәсен, дигән кисәтү ясады.