Accessibility links

якшәмбе, 4 декабрь 2016, Казан вакыты 19:29

Pakıstan oppozisiäse Möşärräfkä qarşı berläşte


Pakıstan -- Asif Ali Zardari (U) belän elekke premyer Nawaz Şärif (S) koalisiä turında kileşte, 09Mart2008

Pakıstan -- Asif Ali Zardari (U) belän elekke premyer Nawaz Şärif (S) koalisiä turında kileşte, 09Mart2008

Uzğan ay Pakıstanda bulğan parlament saylawında ciñep çıqqan oppozisiädäge partiä başlıqları, üzaralarında urtaq koalisiä buldıru öçen kileşte.

Citäkçelär şul uq waqıtta, Pärwäz Möşärräf üzgärtkän äyberlärne asılına qaytarırğa häm eşlärennän quılğan xaqimnärne kire wazifağa qaytarırğa wäğdä birde. Parlament yañadan cıyılğan oçraqta, oppozisiä öçen urtaq koalisiä prezidentkä qarşı köräşüdä zur mömkinçelek biräçäk.

Oppozisiä partiäläre arasındağı koalsiä, yıllar buyına ike zur sekulär partiä arasında barğan qarşılıqqa noqta quya. Yäkşämbe könne iğlan itelgän kileşü nigezendä, koalisä saylawda küpçelek tawışnı alğan Pakıstan Xalıq partiäse başlığı märxümä Binäzer Bhuttonıñ ire Asif Ali Zardari tarafınnañ citäklänäçäk.

Saylawda Pakıstan Xalıq partiäsennän soñ ikençe rättä ciñgän, elekke premyerlärdän Nawaz Şärifneñ partiäse koalisiäne yaqlıyaçaqı. İke partiäne berläştergän maqsat, Pärwäz Möşärräf üzgärtkän äyberlärne asılına qaytaru omtılışı. Koalisiädäge ike partiä da ber awızdan maqsatların quştırnaqlar belän äytkändä “Demokratiä öçen kileşü” bularaq atadı.

Koalisä quyğan maqsatlar isemlegendä iñ möhim äyber, Möşärräfneñ üktäber ayında tağın prezident bulıp saylanuına ayaq çalğan öçen quılğan xaqimnärneñ yañadan üz wazifalarına qaytaru tora. Alar parlamenttäge küpçelek tawışnı bu taqdim öçen qullanaçaq.

Zäbari belän urtaq belderü yasağan Şärif bu plan turında bolay söyläde:

“Noyabrnıñ 2sendä eşlärennän quılğan xaqimnärne yañadan wazifalarına qaytaru öçen äzerlängän taqdim, parlament cıyılğannan soñ 30 kön eçendä millät mäclesenä tapşırılaçaq.”

Maqsatlar arasında Möşärräfneñ telägän waqıtta parlamentnı taratu köçen ğamäldän çığaru bar. 1999 yıldan birle xökümätne citäklägän Möşärräf, Nawaz Şärif xaqimiäten xärbi köç belän taratqan ide.

Läkin başta töp soraw bulıp Parlamentnıñ yañadan qayçan cıyıla alaçağı mäsäläse tora.

Möşärräf comğa könne yasağan belderüendä, ägär ildä tınıçlıq bulsa mäcles 10 kön eçendä cıyılaçaq dip belderde. Läkin anıñ tınıçlıq digännäñ närsä äytergä telägäne anıq añlaşılmadı. Uzğan parlament saylawı, Bhuttonıñ üterelü belän artqan qan quyular häm qulğa alınular säbäble şaqtıy ozaqqa suzılğan ide.

Yäkşämbe könne isä, Möşärräf tarafınnañ wazifadan alınğan mäşhür xaqim – Möxämmät Çaudrine wazifasına qaytarıluların sorap uram cıyını uzdırğan xalıq belän polisiä arasında çualışlar buldı.

Möşärräf eştän quılğan xaqimnärneñ yänädän wazifağa qaytarıluına qarşı buluı turında kisätte.

Parlament cıyıluğa, tağın keşelärne borçığan ber mäsälä, oppozisädäge töp ike partiäneñ üzgäreşlär kertü öçen küpçelek tawışqa iä bula almawı mäsäläse. Xäzergä ike partiä bergä berläşsä dä, üzgäreş kertü öçen kiräkle bulğan 10 keşenen tawışı citmi. Şunıñ öçen oppozisiä kiçkenä partiälärne üzlärenä cälep itärgä tiyeş bula.

Premyer ministr itep kemneñ bilgelänäçäge mäsäläse isä bu atna eçendä xäl iteläçäk.
XS
SM
MD
LG