Accessibility links

пәнҗешәмбе, 8 декабрь 2016, Казан вакыты 03:22

Rusiädä ictimaği tormış? İnternetta!


Yabılğan universitet studentları yanğın sünderü tamaşasın kürsätä

Yabılğan universitet studentları yanğın sünderü tamaşasın kürsätä

Piterburda Yewropa universitetın yabılğan. Yañğın qurqınıçı sıltawı belän. Tänqitçelär çın säbäpne anıñ xökümättän bäysez buluı belän añlata. Professorlar häm studentlar internetta qarşılıq kampaniäse başlağan.


Yewropa universitetı Piterburda iñ abruylı uqu yortlarnıñ berse sanala. İnternet säxifäsendä äytelgänçä, ul 1994 yılda oyışqan, sotsial häm humanitar ölkädä östämä belem birä, yağni aspirantura räweşendäge tikşerenü üzäge.

Professorlar häm studentlar uqu yortın saqlap qalu öçen internetta qarşılıq çarası başlağan.

"Bezgä xäzer çınlap ta qıyın, litsenziä tuñdırılğan, bülmälär möherlängän. Läkin universitet ul möherle qäğäz, uqıtu bülmäse genä tügel, ä berençe çiratta ğilmi cämäğätçelek. Bülmälärne möherläp bula, milärne möherläp bulmıy" Vladimir Gelman, säyäsi fännär häm sotsiologiä professorı.

Gelmannıñ bu çığışı, başqa qarşılıq çaraları belän bergä internetta urnaştırılğan, şul uq universitet professorı İlya Utexinnıñ şäxsi blogında.

"İnternet keşelärneñ oyışu urınına äylände. Studentlar, abiturientlar berläşmäse oyıştı. Alar internetta cämğiät tözep, şunda aralaşa başladı" di İlya Utexin.

Räsmilär uqu yortın yabu öçen töp säbäp itep anda yanğın çığu qurqınıçın kitergän.

"İñ ğäсäyep säbäp: imeş bez çığış yulında bormalı basqıç urnaştırğanbız ikän. Bu basqıç isä 1881 yılda tözelgän" di universitetnıñ rektorı Boris Vaxtin.

Uqu yortınıñ yabılu säbäpläre töğäl mäğlüm tügel.

Beräwlär äytüenä qarağanda, räsmilär şähär urtasında urnaşqan 19 ğasırda tözelgän saraynı üz qulına töşerergä teli.

Başqalar, yabılunıñ säbäben säyäsät, anıñ Britaniä häm Amerika universitetları belän tığız elemtädä buluı belän añlata.

Niçek kenä bulmasın, däwlät televideniese mondıy waqiğalar turında läm-mim. Näticädä Rusiädä ictimaği tormış internetqa küçä bara.

2006 yılda internet cämäğätçelege Altay gubernatorı belän bäreleşkän öçen törmägä utırtılğan yörtüçene qotqardı.

Küptän tügel, şul uq cämäğätçek internetta tawış quptarıp Tarusa qalasında ğayepsezgä yabılğan xastaxanä açtıra alğan.

Rusiädä internet qullanu däräcäse älegä tübän, 20% çaması. Şuña da qaramastan, bu misallar anıñ şaqtıy quätle bula aluın kürsätä.
XS
SM
MD
LG