Accessibility links

дүшәмбе, 5 декабрь 2016, Казан вакыты 01:33

Iranda bügen parlament saylawı uza. Reformaçı namzätlärneñ küpçelegeneñ terkälä almawı säbäble, bügenge saylawda konservativlärnıñ ciñep mäclestäge küpçelekne saqlar dip isäplänä.


İran citäkçeläre, Tährannıñ atom programı säbäble İranğa basımnarnıñ artqan şuşı könnärdä, İranlılarnıñ dönyağa berdäm xalıq buluların kürsätü öçen saylawğa äwzem qatnaşırğa çaqıra. Läkin saylawçılar küzlegennäñ qarağanda mäclestäge 290 urın öçen barğan saylawda ällä ni saylaw mömkinçelege küp bulmağan xalıqnıñ, bu çaqıruğa ni qadär qolaq salaçağı soraw bulıp tora.

Ğadättä saylawğa namzät bulu öçen 4.500 keşe möracäğat itkän ide. Läkin küpçelegen konservativlär täşkil itkän namzätlär isemlegennäñ reformaçılar töşerelep qaldı. Çönki İnqilap saqçıları alarnıñ inqilapqa tuğrılıqlı buluın raslıy almadı.

İsemlektä qalğan reformaçı namzätlär isä bik äz tanılğan keşelär häm alarnıñ sanı bik az. Şulay da şura namzät bulaçaq keşelärneñ kem buluına qarap isemlekkkä kertelüe turındağı ğayepläwne inqar itä. Reformaçılar isä hiç yuğı mäclestäge ellekke 40 urınnı saqlap qalırğa ömetlänä.

Yuğarı citäkçe Ayatullah Ali Xamaney, tawış birgännän soñ yasağan çığışında tağın ber qat xalıqnı saylawğa tulısınça qatnaşırğa çaqırdı.

“Min qaderle watandaşlarıma, tağın ber qat aldıbızdağı 4 yıl öçen İrannıñ kiläçägen bilgelägän saylawda biräçäge tawışlarınıñ, nindi mäğnägä iä buluın häm anıñ ähämmiäten añlarğa kiñäş itäm.”

Konservativlärne yaqlağan Xamaney, İranlılarnı tawış birgändä, AQŞqa qarşı – ä ğadellekkä häm dingä tuğrılıqlı bulğan namzätlärne saylarğa çaqırdı.

Äxmädinicat säyäsäten tänqitläw belän pragmatik konservativçelärdän sanalğan elekke prezident Ali Axbar Xaşimi Rafsancani dä, bu çaqıruğa awazdaş çığış yasadı.

“Bezneñ çittäge doşmannarıbız bezneñ zäğif ber mäcleskä iä buluıbıznı häm saylawda äzräk keşeneñ qatnaşuın teli. Çönki bu ike äyber xalıq belän sistem arasında zur ayırma buluın kürsätü dä rol uynıy.”

Saylawğa 44 million keşe qatnaşa ala. Häm saylawda küpçeleknen qatnaşuı möhim ber mäsälä bulıp qala. 2004 yılda bulğan saylawda xalıqnıñ 51 % ğına saylawğa qatnaştı. 4 yıl elek bulğan saylawda da İnqilap saqçıları namzätlek isemlegenä äz sanda reformaçı kerüenä röxsät itkän ide.
XS
SM
MD
LG