Accessibility links

җомга, 9 декабрь 2016, Казан вакыты 01:04

Üzlären sörgendäge Tibät xökümäte bularaq atağan Hindistandağı tibätlilär, Tibät başqalası Lhasada, Qıtay xökümätenä qarşı bulğan protest çaralarında çıqqan çualışta kimendä 80 keşeneñ ülüen belderä.


Lhasa uramnarında protest çaraları atna başında başlanğan ide.

Hindstannıñ tönyağındağı xökümät, ülgän keşelär sanı törle çığanaqlar tarafınnañ da raslanuın belderä. Läkin Qıtay räsmiläre ülüçelär sanıñ 10 keşe buluın däğwä itä.

Tibätneñ ruxani citäkçese Dalai Lama Qıtaynı, töbäktä “terrorçılıq tudıruda” häm “mädäni yaqtan urıw” yasawda ğayepläp çıqtı.

Başqala Lhasanıñ bügen tınıç buluı, Qıtay ğaskärilärenen uramnı küzätep toruları xäbär itelä.

Lhasada, soñgı 2 distä yıl eçendä bulğan zur qarşılıqlarda, Qıtaylılarnıñ kibetlärenä xöcümnär bulğan ide.

Tibättä waqiyğalar arta barğanda, Brüsseldä oçraşqan Yewropa Berlege citäkçeläre, waqıyğalarnı borçılu belän küzätülären belderep, Qıtaynı tınıçlanırğa çaqırdı.AQŞ tışqı eşlär ministrlığı da Qıtayğa Dalai Lama belän söyläşergä kiñäş itte.

Oşbu waqıyğalar Tibätneñ Qıtayğa qarşı uñışsız tämamlanğan baş kütärü tırışlıqlarınıñ 49 yıllığına turı kilä. Pekin xökümäte Tibätneñ üz xaqimiäte astında buluına isä härwaqıt basım yasıy.

20 ğasırğa qadär törle waqıtlarda bäysez qalğan Tibätlelär, üzlären ruxi citäkçe Dalai Lamanı üzlärenä citäkçe bularaq kürä. 1959 yılda töbäktän ayrılğan Dalai Lama, xäzerge waqıtta Hindstanda yäşi.
XS
SM
MD
LG