Accessibility links

якшәмбе, 4 декабрь 2016, Казан вакыты 21:30

Tibättä ülgännär sanı arta



Dharamsala - Üzlären sörgendäge Tibät xökümäte bularaq atağan Hindistandağı tibätle törkem, Tibät başqalası Lhasada, Qıtay xökümätenä qarşı bulğan protest çaralarında çıqqan çualışta kimendä 80 keşeneñ ülüen belderä.

Qıtay -- Budistlärnen Xiahe, Gansu wilayätendä protest çaraları
Lhasa uramnarında protest çaraları atna başında başlanğan ide.

Hindstannıñ tönyağındağı xökümät, ülgän keşelär sanı törle çığanaqlar tarafınnañ da raslanuın belderä. Läkin Qıtay räsmiläre ülüçelär sanıñ 10 keşe buluın däğwä itä.

Tibätneñ ruxani citäkçese Dalai Lama Qıtaynı, töbäktä “terrorçılıq tudıruda” häm “mädäni yaqtan orım” yasawda ğayepläp çıqtı.

Başqala Lhasanıñ bügen tınıç buluı, Qıtay ğaskäriläreneñ uramnı küzätep toruları xäbär itelä.

Lhasada, soñgı 2 distä yıl eçendä bulğan zur qarşılıq çaralarında, Qıtaylılarnıñ kibetlärenä höcümnär bulğan ide.

Tibättä waqiyğalar qıza barğanda, Brüsseldä oçraşqan Yewropa Berlege citäkçeläre, waqıyğalarnı borçılu belän küzätülären belderep, Qıtaynı tınıçlanırğa çaqırdı. AQŞ tışqı eşlär ministrlığı da Qıtayğa Dalai Lama belän söyläşergä kiñäş itte.

Oşbu waqıyğalar Tibätneñ Qıtayğa qarşı uñışsız tämamlanğan baş kütärü tırışlıqlarınıñ 49 yıllığına turı kilä. Pekin xökümäte isä härwaqıt Tibätneñ üz xaqimiäte astında buluına basım yasıy.

20 ğasırğa qadär törle waqıtlarda bäysez bulıp yäşägän Tibätlelär, ruxi citäkçe Dalai Lamanı üzlärenä citäkçe bularaq kürä. 1959 yılda töbäktän qaçıp kitärgä mäcbür bulğan Dalai Lama, xäzerge waqıtta Hindstanda yäşi.

XS
SM
MD
LG