Accessibility links

якшәмбе, 4 декабрь 2016, Казан вакыты 23:23

BMO: Dönyadağı bozlarnıñ erü tizlege arttı


Zurix - Boz tawlarınıñ soñgı ike yılda başqa yıllar belän çağıştırğanda ike tapqır tizräk eri başlawı küzätelä. Bolay barsa alarnıñ ber niçä distä yıl eçendä yuqqa çığuı ixtimal. Bu farazlar, BMOnıñ tabiğat programı tikşerenülärennän alınğan soñğı xisabında yazılğan. Belgeçlär dönyadağı iñ zur boz massalarında alıp barğan tikşerenülärendä, 2006 yıldağı xisapqa qarağanda bügenge köndä bozlarnıñ küberek tizlektä eri başlawın rasladı. BMO agentlığı äytüençä dönyada millionlağan keşe eçärgä su, qullanırğa energiä tämin itü öçen turıdan turı yä bulmasa başqa yullardan bozlarğa moxtaç yäşi. Xäzergä qadär bozlardağı iñ zur yuğaltu Norvegiädäge Breidalblikkbrea bozınıñ 2006 yılda 3 metrğa erüe dip isäplänä.

XS
SM
MD
LG