Accessibility links

якшәмбе, 4 декабрь 2016, Казан вакыты 04:59

Pakstan prezidentı Pärwäz Möşärräf ildä demokratia çorı başlanuın häm oppozitsiä oyıştırğan yaña xökümätneñ tulı xuplaw alaçağın belderde.

Başqala Islamabadta Pakstan Könenä bağışlanğan xärbi paradta çığış yasap Möşäräf yaña xökümät säyäsi tınıçlıqnı saqlar dip ömetlänüen äytte.

"Min bu xökümätlär säyäsi tınıçlıqnı saqlar häm Pakstannıñ tiz sosial-iktisadıy üsüen täemin itär, terrorçılıqqa häm ektremizmğa qarşı köräşne şul uq köç belän däwam itär dip ömetlänäm. Yaña xökümät kemneke genä bulmasın, ul tulı yaqlaw alaçaq," - dide Möşärräf.

1999 yılda qan qoymıy ğına tüntäreleş oyıştırıp xakimiatne üz qulına alğan Möşärräf uzğan nöyäber ayında xärbi fazıyfalarınnan waz kiçte. Ämma prezident wazıyfası aña parlamentnı häm xökümätne taratu xoquqı birä.

Üterelgän elekke premyer-ministr Binäzir Bhuttonıñ oppozision Pakstan Xalıq firqäse kiçä premyer-ministr wazıyfasına üz namzäten täqdim itte. Ul firqa febräldä ütkän parlament saylawda ciñep çıqqan ide.

Pakstan Xalıq Firqäse belän elekke premer-ministr Näwaz Şärifneñ Pakstan Möselmannar Liğäsı – Nawaz dip ataluçı oppozision firqäse koalitsion xökümätne citäkliäçäk premyer urınına urtaq namzät itep Yosıf Raza Gilaninı çığardı.

Elekke parlament räise Gilani şimbä könne jurnalistlarğa il awır çor kiçerä, häm bu eştä böten il xalqınıñ qatnaşlığı kiräk bulaçaq dip äytte.

Ul şulay uq koalitsianeñ xökümät programmasın buldırası bar dide.

"Koalitsion xökümät bularaq, älbättä, anıñ programması barlıq firqälär belän kiñäşläşülärdän soñ buldırılıp il xalqına iğlan iteläçäk," – dide Gilani.

Parlamentta Gilani xökümäten raslaw mäsäläse 24 martta tawışqa quyılaçaq. İkençe könne yaña premyer-ministr prezident Möşärräfkä premyer antı birergä tieş.

Yaña koalitsion xökümät prezident Pärwäz Möşärräf xakimiaten awızlıqlarğa tırışaçaq dip kötelä.

Bu xökümät inde Möşärräf noyäber ayında ildä ğädättän tış wäzğeyät iğlan itep wazıyfalarınnan töşergän xäkimnärne kire urınnarına qaytaraçağın belderde.
XS
SM
MD
LG