Accessibility links

Кайнар хәбәр

Gilaninen wazifağa kilüe belän Pakıstanda tärtip üzgärä


Kiçä, Möşärräfkä qarşı bulğan parlamenttäge koalisiäneñ tawışların yawlağannan soñ Pakıstan premyerlıq wazifasına saylanğan Yosıf Raza Gilani, bügen xalıq aldında ant itte.



“Pakıstannıñ premyer räise bularaq, barlıq wazifalarımnı tuğrılıq belän ütiyäçägenmä, köçem citkänçä, ışanıç belän, İslam Pakıstan cömhüriäte qanunları belän eş itäçägemä ant itäm.”

Şulay itep Yosıf Raza Gilani premyerlıq wazifasına başlar aldınnañ üz xalqı aldında tuğrılıqlı bulaçağına wäğdä itte.

Gilani häm yaña xökümätneñ, 1999 yılda xärbi nizaq belän xaqimiätne üz qulına alğan Möşärräfneñ köçen kimetergä tırışaçağı farazlana.

Kiçä premyerlıq wazifasına saylanuı bilgele buluğannan son Gilanineñ, xökümätkä xakimnärne tizdän irekkä çığaruı färman itäçälägenä işarä yasadı. Xakimnär, noyabr ayında Möşärräf tarafınnan ildä ğadättän tış xäl iğlan itelgännäñ soñ qulğa alınğannar ide.

Gilani üterelgän oppozisiä citäkçese märxum Binazer Bhuttonıñ Pakıstan Xalıq partiäseneñ räis urın basarı bularaq eşlägän ide. Gilani citäklägän koalisiä xökümäte eçendä şulay uq oppozisiänen tanılğan şäxeslärennän, Nawaz Şärif tä bar.

Nawaz Şärif belän Binazer Bhutto yıllar buyına ike köndäş ide. Läkin bu ike köndäşne urtaq maqsatlar berläşterde. Säyäsät belgeçläre bu urtaqlıqnıñ alğa taba Pakıstanda demokratik reformalar kertüdä möhim eşlär başqaraçağına ışana. Bigräk tä Möşäräfneñ köçen kimetep, telägän waqıtta xaqimiätne taratu köçennän mäxrüm itü belän.

Şul fikerndä torğan Qaraçidäge säyäsi belgeç Şamim er-Rahman radiobızğa farazlar turında bolay fiker bäyan itä:

“Ber waqıtlar ike köndäş zur partiäneñ Pakıstanğa demokratiä keterü maqsatında bergä berläşergä kileşte häm sonınnan Gilani äfände wazifağa kiterelde. Bu üzgäreşlär, ozaq waqıt däwam itkän xärbi xaqimiättän soñ, Pakıstandağı demokratiä omtılışnı köçländeräçäk dip ışanam. Küp kenä partiäneñ yaqlawın qazanu belän Gilani, alğa taba xalıqnıñ säyäsi, iqtisadi häm qanun xoquqların saqlap qalu öçen yaxşı ber forsat taptı.”

Möşärräf şul uq waqıtta üze dä yaña premyer belän tulı xezmättäşlek itäçägen belderde. Möşärräf ant programı axırında yasağan çığışında şulay uq, terrorçılıq dini suğışçılar häm iqtisad ölkäsendä ilgä alğa taba awır zamanalar yanawı turında kisätte. Monı iskä totıp, bu qurqınıçnıñ elekke ike säyäsi köndäş partiäne, tegez şartlarda bergä xezmät itärgä mäcbür qaluın äytte.

Xökümät belän Möşärräf arasındağı xezmättäşlekneñ artırılu mäsäläsen AQŞ bik ähämmiät belän küzätä. Ägär dä Möşärräf belän xökümät arasında nizaqlar artıp ildä totrıqsılıq bulsa, AQŞ ul çağında bu forsattan iñ başta suğışçıları faydalanaçaq dip qurqa

Uzğan yıllarda bigräk tä bıltır Möşärräfneñ ildäge danı kime başladı. Anı yaqlağan partiälar isä, fivral ayında bulğan saylawda mäclestäge urınnarın oppozisiädä partiälärgä qaldırdı.

Kiçä tönnä Pakıstan xärbi başlığı, Xärbi ölkädä üzgäreşlär buluın iğlan itte. Nawaz Şärifneñ kitkändä Xärbi başlıq bularaq bilgelägän General Aşfaq Qayani, xärbi başlıqlarnıñ alıştırıluın belderde. Bu isä, noyabr ayında Möşärräfneñ kitüe belän armiada berençe zur üzgäreş buluı küzgä çağıla. Bigräk tä Möşärräf tarafınnañ urnaştırılğan başlıqlarnıñ alıştırıluı, ällä Möşärräfneñ xärbi citäkçelektäge tä’sere yuğala başladımı digän bäxäslär tudırdı.
XS
SM
MD
LG