Accessibility links

Кайнар хәбәр

Ğiraqta äs-Sadrğa qarşı xöcüm däwam itä


Bäğdad – Ğiraq xakimiäteneñ radikal şiğı ruxi citäkçese Muqtada äs-Sadrnıñ Mähdi armiäsenä qarşı, Basra şähärendä alıp barğan xärbi çaraları bügen dä däwam itä. Höcümnär başlanğan sişämbe könnän birle kiçä berençe tapqır bu çarağa koalisiädäge Britan häm AQŞ xärbiläre dä quşıldı. Alar Basra häm Bäğdatnıñ Sadr rayonlarındağı suğışçı urınnarına hawa höcüme yasadı. Britan ğaskärläre Basra şähärendä yasağan hawa höcümenen 2. könendä ülgännär sanıñ 50gä artuın belderä.

Basradağı Britan xärbi süzçese kaptan Chris Ford, radiobızğa bügenge höcümnär turında bolay belderde:

"Basradağı xällär bik çiterekle. Ber niçä zur suğışçı törkem bar. Häm alar üz eçendä dä keçkenä törkemnärgä bülengän. Bez höcümgä qarar birep çıqqanda, xällär kinät üzgärde. Häm ul gel üzgärep tora. Läkin eşneñ yaxşı tarafı üzgärü waqıtında Ğiraq köçlärenen waqıtında anda buluı.”

Bäğdäd şähärendä uramğa çığu bügen dä tıyıla. Bäreleşlär şiğılärneñ izge şähärlärennän berse bulğan Kärbälağa da cäyelgän. Kiç belän bulğan bäreleştä 12läp keşe üterelgän. Könyaqtağı Nasiriä häm şähär teräsendäge cirlärdä qatı bäreleşlär başlanuı xäbär itelä. Polisiä belderüençä Qut şähärenen üzendä genä 50läp keşe hälaq bulgan.
XS
SM
MD
LG