Accessibility links

шимбә, 10 декабрь 2016, Казан вакыты 04:19

Zimbabwedä prezident häm parlament saylawı


Harare- Zibabwedä bügen saylawlar bara. Xalıq, prezident häm parlament äğzälären saylaw öçen tawış birä. Saylawğa xalıqnıñ küpçeklegeneñ qatnaşuı xäbär itelä.

Zimbabwe digäç tä iñ küp telgä alınğan şäxes prezident Robert Mugabe. Ul ilne 1980 yılda Britaniädän bäysezlek yawlağannan birle citäkli. 84 yäşkä citkän Mugabe, qabat saylanırğa teli. Bäysezlek atası dip tanılğan Mugabe 1980 yıldan birle böten kontrolnı üz qulında tota, oppoziägä qarşı tora. Ber waqıtlar töbäkneñ iñ mul igen uñışına iä bulğan ildä xäzer infilasiä yılına 100.000 %tän arta. Aşamlıq citmägän ildä spid/aids belän awrığan keşelär sanı şaqtıy küp.

Yaqınça 5 million 900 meñ saylawçı bügen il prezidentı belän bergä Parlament äğzälären dä saylıyaçaq. Prezident saylawı Mugabegä köndäş ike namzät tä yarışa. Läkin köndäş namzätlär, 28 yıldan birle xaqimiättä bulğan Mugabeneñ saylawga xärämläşü kertäçägen däğwä itä.
Mugabe saylawnıñ irekle häm ğadil uzaçağına ışandıra häm ul ildäge iqtisadi kiyerenkelektä, üz xaqimiäten cimerergä telägän Britaniä häm AQŞnın ğayepli buluın däğwä itä.

Saylawdan soñ kiyerenkeleknen artaçağı qurqınıçına qarşı ildä iminlek bermä-ber arttırıldı. Dekabr ayında Afrika illärennän Kenyada qarşılıqlı parlament saylawınnan soñ çıqqan çualışlarda, kimendä 15.000 keşe hälaq bulğan ide.

XS
SM
MD
LG