Accessibility links

шимбә, 10 декабрь 2016, Казан вакыты 10:10

Pakıstan:Yaña premyer ışanıçnı yawlap, ilgä tınıçlıq qaytarırğa wäğdä itte



İslamabad – Pakıstan premyer ministrı Yosıf Raza Gilani öçen bügen parlamenttä tawış birü buldı. Parlament, küpçelek tawış belän yaña premyergä ışanıç belderde. Uzğan atna millät mäclese tarafınnañ saylanğan Gilani bügen ışanıç tawışların yawlağannan soñ xalıq aldında çığış yasadı. Premyer, ilne terrorçılıqtan arındırıp tınıçlıqnı yañadan qaytaru, yaña xakimiäteneñ töp wazifası bulaçağın belderde. Yasağan çığışında yaña premyer, xökümäteneñ qoralların taşlağan suğışçılar belän söyläşergä dä äzer buluın belderde. Gilani şulay uq Prezident Pärwäz Möşärräf tarafınnañ quılğan xaqimnärneñ yañadan wazifalarına qaytarılaçağın da xäbär itte.

XS
SM
MD
LG