Accessibility links

шимбә, 3 декабрь 2016, Казан вакыты 07:46

►Nail Wäliev: Milli komponentnı qaytarmıy xälebez yuq ►Toraq milekçeläre berläşmäläre xuca ezli ►Rusiäneñ iñ popular kino şälkemendä Qazan tatarı uynıy

Nail Wäliev: Milli komponentnı qaytarmıy xälebez yuq

Tatarstannıñ mäğärif häm fän ministrı Nail Wäliev “Azatlıq” xäbärçesenä äñgämä birep, milli töbäk komponentın kire qaytarmıyça tuqtamıybız, dip belderde.

Belgänegezçä, Rusiäneñ “Mäğärif turında”ğı qanunına tözätmälär kerü säbäple, töbäklärdän tatar tele, ädäbiäte, tarixı häm başqa fännärne üz eçenä alğan milli-töbäk komponentın kertü xoquqı alınğan ide. Tatarstan Däwlät Şurası deputatları, Däwlät Dumasına töbäk komponentın kire qaytarunı täqdim itkän qanun proektın äzerläde. Bu xaqta “Azatlıq” xäbär itkän ide. Milli töbäk komponentın kire qaytaru turındağı qanun proektı Tatarstan Däwlät Şurasınıñ soñğı cıyılışında qaralmadı. Tatarstan parlamentında ul bu ayda bulası cıyında qaralır häm annan soñ Dumağa cibäreler, dip kötelä.

--------------------------------------------------------------------------------------------

►Toraq milekçeläre berläşmäläre xuca ezli

Toraq kommunäl xucalıq ölkäsendä reforma yasarğa teläwçelär, bu eşkä keçe häm urta eşmäkärlärne cälep itärgä uylıy.


Toraq milekçelere berläşhmäläre
Xökümät tarafınnan inde menä ber yıl tiräse toraq kommunäl xucalığı tarmağın üzgärtep qoru bara. Rusiädä toraq-kommunäl xucalıq reformalarına yärdäm itü fondı bu eşne başqarırğa Tatarstanğa 6,5 milliard sum birergä äzer. Tik bu aqçanı alır öçen bilgele ber şartlar ütälergä tieş. Şunıñ berse - barlıq yortlarda da toraq milekçeläre berläşmäläre bulu şart.

Citäkçelek toraq milekçeläre berläşmälären tözü küp tabış kiterä torğan eş dip aktiv räweştä eşmäkärlärne xezmättäşlekkä çaqırsa da, Qazannıñ toraq milekçeläre berlege räise Viktor Raxamov bu ölkäne şaqtıy butalçıq dip belderä.





--------------------------------------------------------------------------------------------

►Tege dönyadan “Qunaq” qayttı

Rail Sadriev

Bua teatrı citäkçese Rail Sadrievnıñ “Qunaq” filmı DVD diskta satuğa çıqtı. Bu film uzğan “Altın mönbär” III Xalıqara möselman kinosı festiwälendä bäygedän tış täqdim itelde.

Ä
Rail Sadriev
lege film uzğan “Altın mönbär” III Xalıqara möselman kinosı festiwälendä bäygedän tış täqdim itelde. “Qunaq” – berençe tatarça kinomedia ğına tügel, ä kino töşerüdä Ginnesnıñ reqordlar isemlegenä layıqlı misal da. Çönki ul ber ay eçendä töşerelgän. Şuña qaramastan, yuğarı sıyfatlı, jitdi, qatlawlı äsär. Ber utıruda qarala torğan kinonıñ sujetı mawıqtırğıç häm siskänderä. Mäcles waqıtında “tege dönyadan” Ğärif yanına dustı Cämil qayta. Ul 20 yıl elek Ğorbaçev xämer satunı tıyğaç, yalğan araqı eçep ülgän bula. Menä şunnan inde ike dus yäşäw häm ülem turında söyläşä başlıy. Bu filmda ülem tabiğıy xäl itep taswirlana, cännät häm tämuğ mäsäläse dä tiz çişelä. Filmnıñ ber geroyı: “Cännät tä, tämuğ ta yuq ul, barısı da üzeñnän tora. Küñeleñ naçar ikän, dimäk, siña – tämuğ, saf häm çista ikän, dimäk, cännät”, – di.

Tatar telendä töşerelgän kölderä dä, beraz qurqıta torğan bu kinoqömedia milli kino sänğäte tarixına kerep qalaçaq. Ä inde tege dönyadan qaytqan qunaqnıñ bügenge kisken problemalarnı açıp salırğa yärdäm itüe, äsärneñ sosial' ähämiäten arttıra.


--------------------------------------------------------------------------------------------

►Rusiäneñ iñ popular kino şälkemendä Qazan tatarı uynıy

Şamil Xamatov
Rusiäneñ 1 federal' qanalında bara torğan iñ popular kino şälkemdä, “İ vse taki, yä lyublyu” isemle serialda, töp rollärneñ bersen tatar yegete Şamil Xamatov başqara. Şamil - tanılğan aqtrisa Çulpan Xamatowanıñ bertuğan enese.

Şamil Xamatov 1985 yılda, Qazanda tuğan. Apası kebek akterlıq hönären saylağan. 2005 yılda Mäskäwdä GİTİS yuğarı mäktäben tämamlağan, xäzer “Sovremennik” teatrında eşli, kinolarda töşä.

Şamil Xamatov, Rusiä buylap apası Çulpan Xamatowa kebek kiñküläm bilgele bulmasa da, yäş sälätle aqternı teatr häm kinodağı rolläre aşa belä başladılar. Üzeneñ 23 yäşenä ul teatrında ber distägä yaqın rol başqarğan, altı näfis filmda töşkän.


XS
SM
MD
LG