Accessibility links

якшәмбе, 4 декабрь 2016, Казан вакыты 09:07

►Alabuğada 450 “ISUZU” maşinası çıqqan inde ►"Säydäş"tä "İlahilar"nı tıñladılar ►Keräşennär gazetasında yaña möxärrir ►Kredit alu sıyırsız ğına qaldırsa ikän… ►Qazanda mädäniät qaynaşuı

►Alabuğada 450 “ISUZU” maşinası çıqqan inde

“Alabuğa” maxsus iqtisad töbägendäge “Severstalavto- ISUZU” şirkätendä “ISUZU NQR75” yök maşinaları fivräl ayı axırında uq çığa başlağan. Ä berençe maşina cıyılıp betüneñ räsmi tantanası 6 äprel könne genä ütte. Älege şirkätneñ mätbuğat üzäge wäkile Yevgeni Şeloçkova äytüençä, tantanağa “ISUZU” prezidentı Susumi Xasoyenıñ Yaponiadän kilüen kötkännär. Şuña kürä tantana soñarğan.

Alabuğa çığarğan 5,5 tonna awırlıqtağı yök maşinası bügenge köndä 925 meñ sum tora. Maxsus iqtisad töbägendäge maşina citeşterüdä älegä 100-gä yaqın keşe eşli. Alar barsı da tatarstanlılar. Yaponiadän kilgän xezmättäşläre maşina çığara başlawnı cayğa salğançı Alabuğada bulaçaq. “Severstalavto- İsuzu” tulı quätenä eşli başlağaç yılğa 25 meñ maşina çığaraçaq.

Yäkşämbe uzğan tantanağa kilgän İsuzu prezidentı Alabuğadağı maşina citeşterä başlawdan qänäğät qaluın belderep, citeşterüne kiñäytü kiräklegenä basım yasağan. Bu çarada qatnaşqan Tatarstan xökümäte başlığı Röstäm Miñnexanov kiläçäktä respublikada citeşterelgän yök maşinalarına “KAMAZ” häm “ISUZU”ğa östenlek bireläçägen äytte.

--------------------------------------------------------------------------------------------

►"Säydäş"tä "İlahilar"nı tıñladılar


Şimbä könne Säydäş mädäni üzägendä Ufanıñ “İlahilar” törkeme tarfınnan Mäwlid bäyrämenä salawat äytüne tıñlarğa, Qazan möselmannarı zalnı şığrım tutırıp kilgän ide.Alar arasında imam-xatiblar, ğälimnär, möğällimnär, şäkertlär, balalar da bar ide.

Kiçäneñ ikençe bülegendä cırlar, mönäcätlärdän ayıruça, “İlahilar” törkeme kompozitor Afarin Aqçurin icat itkän
kürenkle cırçı “Xäydär Bigiçevqa bağışlanğan Requiem”ne başqardılar.

--------------------------------------------------------------------------------------------
►Kredit alu sıyırsız ğına qaldırsa ikän…

Tatarstanda awıl xucalığı tarmağın üsterü yünäleşendä iñ popular eşlärneñ berse şäxsi eşmäkärlärgä kreditlar birü, birderü. Bu könnärdä Kukmara rayonında iñ arzanlı kredit birüçe dip sanalğan “Rosselxozbank” tan aqça aluçılar qıyın xäldä qalğan.

Kredit aluçı bulğan burıçların qaplıy da, lapasın kiñäytergä niätli. Tik ber könne bolarğa salım orğannınnan keşelär kilep: “Sez abzarığıznı 2005 yılda uq tözegänsez, ä kreditnı 2006 da alğansız. Kileşüne bozğansız. Xäzer sezgä kreditnı yılına 19 prosent östämä belän tülärgä turı kiläçäk!”- dip kitälär. Xucalıq totuçını prokuraturağa da çaqırtalar, anda Ğıylmetdinovtan cinayätçe kebek sorawlar alalar. Qısqanı anı “yalğan” yul belän aqça alğan dip ğäyeplilär.

“Ä bit äle abzarımnı tözep tä beterä almadım!”- dip aptırıy İlfat Ğıylmetdinov. “Yılına 19 prosent tülise bulsa, min anı tartıp bara almayaçaqmın!” - di xucalıq totuçı. Aña ike yul qala: maşinasın satırğa, malların suyarğa. Ä ul kreditnı tülägändä ber sıyır häm ber atı belän sawbullaşa inde.
Bu xäbär kürşe - tirägä, rayon xalqına da tarala. Barsıda tizräk tege banktan alğan kreditlarınnan qotılır öçen malların suyap sata başlıy. Çönki Ğıylmetdinov kebek köçle xucalıqqa bäylängänne bezne genä tınıçlıqta totmaslar dip qurqına xalıq.

“Bit bu banktan aqça alıp toru, awıl xucalığın üsterergä yünälgän ide bit, kirese kilep çığa tügelme soñ?!” - di yazma autorı. Ä bez äytkän xucalıq totuçı abzıy inde töşenkelekkä birelgän, bulğan malların taratırğa da riza. Moña oxşaş eşlär, başqa rayonnarda da küzätelä di üzlären äytergä telämägän çığanaqlar. Qısqası şul, awıl xalqı däwlät yärdäme bulasına ışanmıy başlağan, härxäldä Quqmarada şulay kürenä.
--------------------------------------------------------------------------------------------

►Keräşennär gazetasında yaña möxärrir


Lüdmila Belousova keräşen dönyasında tanılğan şäxes. Ul 1993 yıldan başlap “Keräşen süze” gazetasınıñ 5 yıl däwamında baş möxärrire buldı. Çallı keräşennär cämğeyätendä dä aktiv eş alıp bardı. Şuşı gazeta çığudan tuqtağaç, Qazanda “Tatarstan dönyası” gazetasınıñ Tatarstandağı xäbärçese bulıp eşli. Uzğan yıl oyıştırılğan respublika keräşen oyışmasınıñ başqaruçı direktor wazıyfasın da alıp bara. Lyüdmila Danilovna küptän tügel “Tuğanaylar” gazetasınıñ baş möxärrire itep bilgelände häm ul qabat Çallığa qayttı. “

Lyüdmila Belousovanıñ “Tuğanaylar” gazetasına baş möxärrir itep bilgelänüen keräşennär niçek qabul itte? Veteran jurnalist, Çallı keräşennäreneñ aqsaqalı Petr Yemelyänov bolay di:
“Bez bu waqıyğa xaqında keräşennär cıyılğan urınnarda söyläşkälädek. L.Belousovanıñ kire qaytıp şuşı gazetanı citäkläwen xuplıybız. Äybät, uñay küreneş dip bäyälibez.”

--------------------------------------------------------------------------------------------

►Qazanda mädäniät qaynaşuı


Azatlıq radiosınıñ düşämbe tapşırularında mädäni yañalıqlarnıñ küp buluı tabiğıy. Çönki şimbä-yäkşämbe könnärendä Qazanda ütkän icadi kiçälär, ictimağıy cıyılışlar, konsert-spektakllär san yağınnan da, aktuallek häm sıyfat yağınnan da ayırılıp tora. Şimbä kiçendä Kamal teatrında ataqlı satirik aqter Rawil Şäräfievneñ 70 yäşlek yübileyenä bağışlanğan kiçä milli cämäğätçelekkä zur täesir yasadı. Säydäş mädäni üzägendä illähiät kiçäse ütte.

XS
SM
MD
LG