Accessibility links

пәнҗешәмбе, 8 декабрь 2016, Казан вакыты 05:11

Dalai Lama Olimpia uyınnarının uzdırıluın yaqlıy


Tokio – Tibet ruxi başlığı Dalai Lama, uzğan ay Qıtaynıñ Tibettäge protest çaralarına qarşı kürgän qırıs möğamäläsenä qaramastan, Pekinneñ 2008 olimpia uyınnarın oyıştırırğa xaqlı buluın tağın ber qat äytep, Qıtaynı yaqladı.

Qıtay, Dalai Lamanı Tibettäge protest çaraların qotırtıp olimpia uyınnarına külägä töşerüdä ğayepläp çıqqan ide.

Dalai Lama bügen AQŞqa barır aldınnan Yaponiä başqalası Tokioda tuqtaldı. Tibettä Qıtay xaqimiätenä qarşı başlağan protest çaralarınnan birle, bu Dalai Lamanıñ çit ilgä yasağan berençe säfäre.

Avgust ayında Pekin uyınnarı başlar aldınnan Olimpia utınıñ London häm Parijdän soñ San Fransiskoga eltü tantanası Qıtay basımına qarşı protest bilgesenä äylände.

Xalıqara Olimpia komitetı başlığı Jacques Rogge, “protest çaraları olimpia uyınnarında kiyerenkelekkä etärde, şulay da olimpia utıñ başqa illärgä eltü eşe däwam itäçäk” dide.

XS
SM
MD
LG