Accessibility links

якшәмбе, 4 декабрь 2016, Казан вакыты 19:25

►Oppozisia piketı Şäymievne kitärgä öndi ►Matbuğat közgese açıldı, İnternetta! ►Ayrat Arslanovqa 80 yäş ►Qazanda “Turistlıq industriase-2008” xalıqara kürgäzmäse açıldı. ►“Aq bars”tan qalğan üpkälärne kemnär onıttırır?

--------------------------------------------------------------------------------------------

►Şäymievkä qarşı uzdırılğan piket

Pänceşämbe kön ozın Qazan kirmäne yanında Qämil Zartdinov citäkçelegendäge ber törkem keşe Şäymievqa qarşı piket oyıştırdı.

Tatarstan -- Oppozisiä wäkile Qamil Zartdinov oyıştırgan piket
Rusiäneñ yaña saylanğan prezidentı Dmitriy Medvedevneñ eşenä kereşüenä aydan da azraq waqıt qaldı. Annan soñ inde, belgeçlär fikerençä, zur säyäsättä şaqtıy ğına üzgäreşlär kötelä. Tatarstanda da yaqın kiläçäktä Däwlät Şurası saylawı uzaçağı kötelä.

Älege çaranı piket dip atawı da qıyınraq, ğädättägeçä, 5-6 keşe plaqatlar totıp basıp tordı. Piketqa çığuçılarnıñ töp maqsatın Berläşkän watandaşlar frontınıñ Tatarstan bülege citäkçese Qämil Zartdinov bolay añlattı:

«Bezneñ maqsat – Miñtimer Şäripowiçqa yal itärgä waqıt citte. Xäzer äle ul yalğa kitte, şunnan pensiägä dä kitsen inde. Bez annan xäzer yaxşılıqnı da, yamanlıqnı da kötmibez. Tatarstanğa üsärgä kiräk, anıñ üz yulı bar, şuña kürä Şäymiev üze bezgä problemağa äylänep bara xäzer», - di Qämil Zartdinov.

Bıltır közen Zartdinov Şäymievqa qarşı xätta açlıq iğlan itkän ide, ämma bu çarasınıñ näticäse bulmadı häm ul açlığın tiz genä tuqtattı. Respublika citäkçese qasparovçılarnıñ bu ğämällärenä bernindi dä reaksia beldermi. Tatarstan prezidentı bu könnärdä Karlove Varida çirattağı yalında.

--------------------------------------------------------------------------------------------

►Qazanda “Turistlıq industriase-2008” xalıqara kürgäzmä açıldı


Tatarstan -- "Tourism-2008" kürgäzmäse
“Kapital-tur” wäkile Alia Wäliullina äytüençä, çit ildän kilgän turistlar Rusiä qalalarına barırğa älegä aşqınıp tormıy. Mäskäw häm Peterburda qalunı xup kürä. Şuña kürä, ul Qazan kürgäzmäsendä alar aşa bulğan çit il yalların täqdim itte. Çit il turistlarınıñ Rusiä qalalarına aşqınıp tormawına kilsäk, Wäliullina äytüençä, turı oçqıç elemtäse bulmaw qulaysız. Töbäklärne bik belep tä betermilär. Qazannan turı reyslar bulu häm törle hawa alannarında ber oçqıçtan ikençesenä küçep utıruda qulaylaştırılu da soñğı waqıtta Tatarstan başqalasına kilüçelärne arttırırğa mömkinlek tudıraçaq.

“Turizm industriase” dip atalğan xalıqara kürgäzmä Qazanda 13 tapqır ütä. Anda Rusiä häm Ukrainanıñ 25 qalasınnan 100 dän artıq şirkät qatnaşa. Şulay uq Austria, Wyetnam, Gresia, Macarstan, Misır, Çexiä, Hindstan, İspania häm başqa illärdäge turistlıq şirkätläreneñ Rusiädäge wäkilläre dä kilgän.


--------------------------------------------------------------------------------------------

►Ayrat Arslanovqa 80 yäş


Tatarstan -- Ayrat Arslanov
"Tıñlağız, Qazan söyli!” digän süzläre belän berniçä buınnıñ xäterenä uyılıp kergän, sixri tawışı belän meñlägän keşene radíoalğıçlardan ayırıla almıyça totıp tora alğan näfis süz ostası Ayrat Arslanovqa bügen 80 yäş tuldı.

Ayrat Arslanov 1928 yılnıñ 10 äprelendä Başqorstannıñ Büzdäk rayonı, Axun awılında tua. 1946 yılda Qazanğa kilä häm şul yıldan birle, Tatarstan başqalasında, tatar sänğätenä xezmät itä başlıy. Ul törle yıllarda Tatar Däwlät Akademia teatrında, Filarmoniasendä, radío häm telewideniädä dä eşli. Anıñ ícatı aşa meñlägän keşe tatar telenä xörmät, mäxxäbät ruxında tärbiälände. Näfis süz ostası Ayrat Arslanov belän yübiley könendä ütkärgän söyläşüebez dä, tuğan tel, anıñ urını, qullanılışı temasına bağışlandı..



--------------------------------------------------------------------------------------------

►Matbuğat közgese açıldı, İnternetta!


Danil Säfärov matbuğat ähelläre eşen xalıqqa kiräkle, tik tieşençä bäyälänmägän xezmät, dip atıy. Matbugat.ru alarğa teräk bulırğa teli.

Tatarstan -- Danil Safarov,
Matbuğat üseşenä yärdäm itü maqsatınnan bügen Danil Säfärov Matbugat.ru portalın daimi eşlätä başlıy. Tik ul kiläçäktä aqça qıtlığına oçramasmı?

“Käyef niçek?” gazetasınnan möxärrirlektän kitkän Danil Säfärov üze yaratqan web-mäğrifät eşen tuqtatmıy İnternet turında tatarça kitap yazğan häm gazetalarda da şul turıda mäqälälär yazuçı yeget Matbugat.ru portalın açtı.

Danil Säfärov matbuğat ähelläre eşen şaqtıy awır häm tatar xalqı öçen kiräkle, tik tieşençä bäyälänmägän xezmät dip tä atıy. Ayıruça ğädellek yazuçı, döresne äytüçe jurnalistlarğa awır. Alarnı türälär dä üz itep betermi, qayçaqnı näşriät xucaları añlamasqa mömkin. Danil Säfärov üzen dä bäysez qäläm iäse dip atıy häm berençe çiratta üze kebeklärgä teräk bulırday portal qoruın söyli.

Şulay itterep, portal üzenä kiñ qatlam uquçını da tuplarğa teli. Bu maqsattan Matbugat.ru üzeneñ şäxsi xäbärlären, mäqälälären, äñgämälären dä birep baraçaq.


--------------------------------------------------------------------------------------------

►“Aq bars”tan qalğan üpkälärne kemnär onıttırır?


Xoqkey, futbol, woleybol xalıqta zur popularlıq qazana, ä respublikanıñ Rusiä küläm yarışlarda ciñüçeläre işetelmi dä qala. Nigä şulay bu?

Dönya küläm bilgele Çallı sportsmenqası - Firaya Soltanowa
Tatarstanda “Aq bars”nıñ ciñelüen yuğarı türälär ciñel genä uzdırıp cibärergä tırıştılar kebek. Alar anı respublikanıñ başqa köçle, uyınçılar öçen zur aqçalar tülängän sport qomandalarınıñ ciñüläre belän iğtibar üzägennän çitkä quydılar.

Ä bit “Salawat Yulayev” belän soñğı köräştä ciñelgäç küpme canatarlarnıñ küz yäşläre aqtı. Bu xaqta respublikanıñ törle rayonnarındağı xalıq gäcitlärgä xatlar yazdı. “Tatarstan yäşläre”ndä basılğan Zäydä yäşäwçe Ğosman Muxamovnıñ xatınnan özek:

“ Tatarstan – Yaña ğasır” qanalınnan qarağan tamaşaçı-canatar bularaq, ğıybrätle ber küreneşkä tap buldım. Translasia axırında ğına, inde Boz sarayındağı xalıq taralıp diärlek betkäç, urınnarınnan quzğalmıyça, ciñelü açısınnan yılap utıruçı ike tatar qızın kürsättelär. Küzlärennän mölder-mölder yäşlär tägäräwen ayırımaçıq kürdem.” – di xat autorı. Anda kemder yıladı, kemder uyınçılarnıñ aqçaların sanadı. “Aq bars”nıñ qıymmätle uyınçılarınan sanalğannarı da yaxşı uyın kürsätmädelär di jurnalist Niyaz Raxman.
XS
SM
MD
LG