Accessibility links

пәнҗешәмбе, 8 декабрь 2016, Казан вакыты 01:22

Dönya Bankı aşamlıq bäyäläre mäsäläsen söyläşä


Waşiñton – Dönya Bankı, dönyada arta barğan aşamlıq bäyäläre belän barlıqqa kiläçäk açlıq problemına qarşı xalıqara çaralar kürü isäbennän bügen Waşiñtonda cıyılış ütkärä. Bu cıyılış Dönya Bankına bäyle Dönya aqça fondı oyışması İMFneñ xökümätlärne artqan aşamlıq bäyälärenä qarşı çaralar kürergä çaqırğan belderüe waqıtına turı kilä.

İMFneñ idari citäkçese Dominique Strauss-Khan, kiçä mäğlümat çaraları aldında yasağan çığışında ägär dä bäyälärnen artuı mäsäläsenä qarşı çaralar kürelmi ikän, bu kiyerenkelek uzğan 5 yäisä 10 yıl eçendä dönyada qazanılğan barlıq täraqqiätne bötenläy yuqqa çığaraçaq dip belderde. Ul şulay uq bu problemnıñ ictimağiy problemnärgä häm xättä suğışlarğa etärä alaçağı turında kisätte.

XS
SM
MD
LG