Accessibility links

чәршәмбе, 7 декабрь 2016, Казан вакыты 17:38

►Yazuçı Qawi Latıyp wafat buldı ►"Fänsar-Bäräkät" tormışqa aşırmı? ►Tatar räsmi gazetaları yañadan sata başlıy ►Tatnet gazetaları ni xäldä? ►“Berdäm Rusiä”neñ Qazan komponentı


--------------------------------------------------------------------------------------------

►Yazuçı Qawi Latıyp wafat buldı


Yazuçı Qawi Latıyp
Qazanda 80 yäşendä yazuçı, frontovik şağıyr Tatarstannıñ atqazanğan sänğät eşleklese, Çuwaşstannıñ İvan Yakovlev isemendäge Däwlät büläge iäse Qäwi Latıyp wafat buldı.


Ädäbiätqa ul front şiğıyrläre autorı bularaq kerep kitte. Qawi Latıyp “Soldat ezläre”, “Xäter yomğağı”, “İrken sulış”, “Yefäk ärem” kebek şiğri cıyıntıqları, “Mizgel” isemle xikäyälär cıyıntığı, küp kenä cırlar, publitsistik mäqalälär autorı bilgele ide.


Cenaza möräsime düşämbe könne irtän ädipneñ Qazandağı fatirında ütte. Qäwi Latıyp tuğan awılında, Çuwaşstannıñ Batır rayonı Qızıl Çişmä awılında cirlände.


--------------------------------------------------------------------------------------------

►"Fänsar-Bäräkät" tormışqa aşırmı?


"Fänsar-Bäräkät" isemle turizm üzäge tözeläse cir inde satılğan. Tatarstanda xalıqara säyäxät üzägen buldırırğa teläwçelär problem xäl iteler dip ömetlänä.


Qazannan yıraq bulmağan cirdä Yuğarı Oslan rayonında xalıqara turistlar üzäge “Fänsar-Bäräkät”ne bügen ük tözi başlarğa bez äzer dip belderde, “Äl-Barro” säyäxät şirkäte başlığı Älmir Sabitov. “Sälät” yäşlär fondı häm Tatarstannıñ yäşlär eşläre sport häm turistlıq ministrlığı belän bergä äzerlägän bu üzäk äle yaña ğına Qazanda uzğan “Turizm industriase” yärminkäsendä dä täqdim itelde.

Qazanğa kilgäç çit illärneñ kürenekle säyäxät belgeçläre xuplağan, Tatarstan xökümäteneñ 2008-2010 yılğa turizmnı üsterü programmasına häm şulay uq Rusiä turizmı üseşe programmasına da kergän, diniä idaräse üz fatixasın birgän, keçe biznesnı üsterü assosiasiase teläktäşlegen beldergän, berniçä xalıqara kürgäzmädä qatnaşıp yuğarı bäyä alğan “Fänsar-Bäräkät” üzägeneñ yazmışı älegä qädär xäl itelmägän.
--------------------------------------------------------------------------------------------

►Gorpeçat räsmi gazetalarnı yañadan sata başlıy


Mäğlümat çaraları alıp barğan kampanianeñ tä’sire buldı. “Ğorpeçat” kiosklar çeltäre, räsmi tatar gazetaların üz kiştäläränä qaytarırğa buldı.

“Watanım Tatarstan” gazetası, üzeneñ şimbä sanında, basmanıñ satuğa kire qaytarıluı turında xäbär itte.

Räsmi matbuğatnıñ satudan alınuı turında, respublika gazetaları da, televideniese dä xäbärlär birep bardı. Bu xällär, Qazanda tatar gazetalarına ixtiäc barlığın häm cämäğätçelek fikereneñ nindider täesire barlığın kürsätte, dip äytep bula.

--------------------------------------------------------------------------------------------


►Käyef niçek", Tatnet gazetaları?


Möxärrir Elvira Garipova, “Tatar radiosı” saytında bulğanda uñaysız ide, di.

“Çayan”, “Tatarstan”, “Mäğrifät”, “Watanım Tatarstan” tuqtap tora. Ä “Käyef niçek?” yañadan açıldı. Qabattan başlanğan häm taşlanğan bulmasmı?

Tatnetnıñ tatartelle öleşendä däwlätneke bulmağan «Käyef niçek?» gazetası yaña domenda, yaña formatta açıldı

--------------------------------------------------------------------------------------------

►“Berdäm Rusiä”neñ Qazan komponentı

Berdäm Rusiä partiä mäclese açılışı
Düşämbe könozın mäğlümat çaraları “Berdäm Rusiä” qorıltayında 2020 yılğa Rusiäneñ törle yaqlap üseşe turında süz baraçaq, dip söyläde. Tatarstan säyäsätçeläre isä, bu çaranıñ töp maqsatı başqadan ğıybarät, di. Alar fikerençä, Medwedevneñ inaugurasia waqıtı citkänçe, Putin ildä iñ köçle firqäneñ liderı bulıp qalırğa teli.

Qayber säyäsät belgeçlären “Berdäm Rusiä”neñ tözeleşe , anıñ Tatarstan säyäsätenä täsire turındağı sorawlar borçısa, ikençelärne, bu firqädä milli mäsälälärneñ quyılışı qızıqsındıra. Yış qına milli säyäsätçelärdän şundıy fiker işetergä bula – yänäse “Berdäm Rusiäneñ” Tatarstannan saylanğan deputatları bu çaralarda eş kürsätü öçen genä qatnaşa, çınlıqta berni eşlämi, milli qomponent turında süz çıqqanda da berse dä bu qanunğa qarata qarşılıq belderep çıqmağan

15 äpreldä “Berdäm Rusiä”neñ 9nçı qorıltayı däwam itäçäk. Älege firqäneñ Tatarstan bülegendä zur cıyılışnıñ näticälären berniçä atnadan soñ töbäk cıyılışında tikşerergä uylıylar.
XS
SM
MD
LG