Accessibility links

чәршәмбе, 7 декабрь 2016, Казан вакыты 13:32

►Vladimir ölkäsendä tatarlar niçek yäşi? ►Putin belän Kabaevanı öyläneşterü kemgä kiräk? ►Möfti belän urınbasarına kitärgä quşalar ►Qazan qunaqxanäläre aqçaların yäşerä ►Mäçetlär çınlap ta buşmı?



►Vladimir ölkäsendä tatarlar niçek yäşi?

12 äpreldä Vladimir şähäre tatarlarınıñ Milli Avtonomiäse häm Tatarstan mädäniät ministrlığı tarafınnan oyıştırılğan tatarça konsert uzdı.

Vladimir şähäreneñ mädäniät sarayına cıyılğan tatarlar, Qazannan kilgän cırçılarnı : Tatarstannıñ xalıq artistı Firdinant Säläxovnı , bayançı- cırçı Säwbän Zaqirovnı , Azatlıq radiosı xäbärçese, cırçı Mälikä Basıyrnı , häm yäş cırçı Räzif Käbirovnı, Vladimir şähäre tamaşaçısı zur alqışlar belän qarşıladı häm konsertttan bik känağät qaldı.

Vladimir ölkäsendä yäşäwçe tatarlar bu şähärdä törle säbäplär arqasında yäşäp qalğan tatarlar. Alar Penza ölkäsennän dä, Tübän -Novğorov, Samara ölkäse belän Tatarstan çigennän dä, Serğaç yaqlarınnnan küçep kilgän tatarlar buluı açıqlandı.

Vladmimr ölkäse tatarları matdi yaqtan yärdämgä moxtac tügel, Autonomiä äğzaları arasında da eşquarlar, eşmäkärlär bar. Vladimir şähäreneñ Autonomiä şurası äğzaları isemlege buyınça ğına da başqa töbäklärgä ürnäk bulırday, xälle keşelär. Läkin alar ruxi yaqtan, tatarlar turındağı mäğlümatqa, cırğa- moñğa susap yäşilär, mädäniät- sänğät törlärenä Tatarstannan yärdäm sorıylar.

--------------------------------------------------------------------------------------------

►Putin belän Kabaevanı öyläneşterü kemgä kiräk?


Vladimir Putin belän Alinä Kabaeva
Vladimir Putinnıñ “Berdäm Rusiä” firqäsen citäkli başlawın qayberäwlär äle belmi qalğan bulsa da, Putin belän Kabaeva mönäsäbäte turındağı imeş-mimeşlär bügen härkemneñ telendä.

“Azatlıq”qa bu xäl “döres mikän, yuq mikän”, dip çit illärdän dä şaltırata başladılar inde.

Bügen küp kenä elektron säxifälärdä şundıy ğaybät taratıldı. İmeş Putin ike ay elek xatını Lyüdmila belän ayırılğan da, xäzer gimnastika buyınça dönya çempionı, Däwlät Duması deputat Alinä Kabaevağa öylänergä uylıy ikän. Biredä äytelgännärdän kürengänçä, tuy yaqınça 15 yündä, Peterburda, Konstantinovo sarayında bulırğa tora. Bu xäbär berençe bulıp “Moskovskiy korrespondent” basmasında kürende.

Bu turıda küp kenä matbuğat çaraları yazsa da, älege xäbärgä ışanuçılar bik az. Küplär monı çirattağı PR alımı dip sanıy, bigräk tä ildä “Berdäm rusiä” qorıltayı barğan könnärdä, bu tağın da aktualläşä. Tatar qızı Alinäneñ Rusiä citäkçelege dairälärendä kem belän nişläp yörüe beräwgä dä bilgele tügel, şul isäptän “Azatlıq”qa da.

Çit il basmalarında Kabaevanı kübesençä qazaq qızı disälär dä, çınlıqta ul tatar. Anıñ äbi-babası, ata-anası çığışı belän Tatarstannıñ Älki rayonınnan. Ätise Marat Kabayev, 80 yıllarda Taşkentnıñ “Paxtakor” futbol qomandası törkeme uyınçısı, änise tanılğan basketbolçı, babası milli köräş buyınça federasia citäkçese bulğan. Äytergä kiräk, yış qına alar Bötendönya tatar kongressı oyıştırğan cıyılışlarda da qatnaşıp kilä. Alinä üze dä Tatarstannı tuğan yağı bularaq kürä, bulsa kiräk. Rusiä Däwlät Dumasına deputatı bulıp ta Kabaeva Tatarstan aşa saylandı.


--------------------------------------------------------------------------------------------

►Möfti belän urınbasarına kitärgä quşalar


İske kitaplarnı saqlawçı häm satuçı
Marat Wälişin tıyıluçı kitaplarnı yuq itmäskä çaqıra.
Möxtäsiblär häm uramğa çığuçı milli xäräkät “kitap yandırtuçı”nı sügä. Möftiät plenumı da şul eşne qarayaçaq. Ä kitap söyüçe isä xäzrätne yaqlıy.

Qazanda möfti urınbasarı Wäliulla Yağqubnıñ kitaplarnı yağu turındağı fikerenä milli häm dini cämäğätçelek qarşılıq eşen alıp bara. İmam-möxtäsiblär Wäliulla xäzrätkä möftiättän kitärgä täqdim itä. Bu eş pänceşämbe könne maxsus plenumnarında qaralaçaq. Qazanda TİÜ isä ğömümän barlıq möftiätkä dä, şul isäptän möftigä dä eşen qaldırırğa quşa.



--------------------------------------------------------------------------------------------

►Qazan qunaqxanäläre aqçaların yäşerä


Federal salım xezmäteneñ Tatarstan idaräse yıl axırına qädär restoran häm qunaqxanälärne tikşeräçäk.

Qazan qunaqxanälärendäge bäyälär Mäskäw häm Peterburdan ğına qalışa. Ä çığımnar alar belän çağıştırğanda berniçä tapqır kim. Belgeçlär isä, zınğa eşläwçelär qayda da bar, ämma Rusiädäge qunaqxanälärneñ 75 prosentı, restorannarnıñ 90 prosentı “keremle” buluın äytä.

--------------------------------------------------------------------------------------------

►Mäçetlär çınlap ta buşmı?


Ätnä rayonı Moqşı awılı mäçete
"Nezavisimäya gazeta" yazuınça, Tatarstanda mäçetlär çirkäwlärgä qarağanda un tapqır kübräk, alarnıñ sanı 1500-dän artıq. Şul uq waqıtta bu mäçetlärneñ kübese buş, dip yaza basma.

Basmada Tatarstan möselmannarı Diniä Näzaräte räise urınbasarı Wäliulla Yağqubnıñ süzläre kiterelä: “Respublikada 8% möselman ğına çın şäriğät quşqança yäşi, yäğni namaz uqıy, uraza tota, ä qalğannarı barı dingä yola räweşendä genä qarıy”.

Möfti urınbasarı Wäliulla Yağqub bu süzlär ike yıl elek äytelgän ide häm xäzer üzgäreşlär bar, di.

Anıñ äytüençä, “Nezavisimäya gazeta”nıñ meñ yarım mäçetneñ kübese buş tora dip yazuı döreslekkä turı kilep betmi. Şulay uq möfti urınbasarınıñ mäçetlärneñ çirkäwlärgä qarağanda kübräk buluına da üz qaraşı.

Ber çirkäw urınına bilele 10 mäçet tözep bula, çönki alar zur urınnı bilämi häm çığımnar da küp totılmıy. Tatarstan awıllarınıñ härqaysında mäçet tözelüe dä şunıñ belän bäyle.

XS
SM
MD
LG