Accessibility links

Кайнар хәбәр

İldä nilär bulıp yata? - 21.IV.2008


►Tatarlarnı qabat wäxşi itep kürsätmäkçelär ►Wahapov festivale Skandinaviä illärennän qayttı ►Mäskäwdä piket uzdırırğa röxsät itelmägän ►Sabantuyçılar Qazanğa cıyıla



--------------------------------------------------------------------------------------------

►Tatarlarnı qabat wäxşi itep kürsätmäkçelär

Filmnän ber özek
Tarixta tatarlarnı qırğıy, wäxşi itep kürsätü äledän-äle qabatlanıp tora. Ayırım alğanda, küptän tügel genä “Rusiä tarixı” däreslegendä tatarlarnı keşe aşawçı bularaq taswirlağannar ide. Menä küptän tügel Rusiä televideniesendä inde tatarlarğa qarşı töşerelgän film kürsätelde.

Şaqtıy sıyfatlı itep töşerelgän bu qısqa ğına film Batıy xan gäskäreneñ Kievnı basıp alıp, tar-mar itüe häm monğol tatarlarınıñ berniçä kön bäyräm itüen taswirlawdan başlanıp kitä. Anda küp kenä Rusiä şähärläreneñ tatarlar tarafınnan basıp alınuı, keşelärneñ üterelüe, çirkäwlärneñ talanuı yazıla.


--------------------------------------------------------------------------------------------

►Wahapov festivale Skandinaviä illärennän qayttı

Aygöl Xäyri häm Filüs Qahirov
Şuşı könnärdä Räşit Wahapov isemendäge xalıqara cır festivaleneñ Skandinaviä illärendä gastrolläre tögällände.

Bilgele bulğança, Räşit Wahapov isemendäge IV Xalıqara tatar cırı festivaleneñ töp çaraları bıyılnıñ martınnan Qazanda başlanıp kitkän ide. Ğömümän, bıyıl Festival qısalarında barlığı 37 mädäni çara uzdıru küzdä totıla. Bügenge köndä mondıy konsertlar 15 töbäktä ütte inde. Yaqın aralarda Festival konsertları Mordoviä başqalası Saranski şähärendä, yün ayında Kievta, yüldä - Tübän Novgorod qalasında, august-sentäber aylarında respublika şähär häm rayonnarında, üktäberdä - Äzärbäycan başqalası Baqıda, Penzada, Sarıtawda, Almatıda, nöyäberdä - Ufada, Sankt-Peterburgta häm Qazanda uzaçaq. Şuşı könnärdä isä Festivalne oyıştıruçılar Helsinki häm Stockholm şähärlärennän qayttılar. Festivalneñ citäkçese Rifat Fättaxov süzlärenä qarağanda konsert zur uñış belän uzğan.

Festival tatar moñına susağan millättäşlärebez tarafınnan yaratıp qabul itelgän. Moña dälil bulıp Festivalneñ oyıştıru komitetı Estonia tatarlarınnan Tallin şähärendä konsertlar belän çığış yasawğa çaqıru da alıp qaytqan.

Äytergä kiräk, cırçınıñ yubileye uñayınnan anıñ tuğan yağı Tübän Novgorodta şähärneñ ber uramına Räşit Wahapov isemen bireläçäk häm yaqın aralarda anıñ cırların tuplağan CD-disklar çığaru küzdä totıla, dip belderde Rifat Fättaxov.

-------------------------------------------------------------------------------------------

►Mäskäwdä piket uzdırırğa röxsät itelmägän

Möxämmät Minaçev häm Näzifä Kärimova
Mäskäwdäge Möxämmät Minaçev citäkçelegendäge «Watan» partiase 22 äpreldä Tverskoy uramı, 11 yort - Mäğärif ministrlığı qarşında piket ütkärmäkçe bulğan ide.

Läkin soñğı köndä genä merianeñ piketlar öçen cawaplı bülege röxsät birmägän. Çınlıqta andıy piketlar ayırım röxsätsez uzdırıla. Barı tik «Bez şundıy piket uzdıraçaqbız» dip belderü genä şart. Läkin biredä piketnı uzdırtmaw öçen «säbäplär» tabılğan.

Läkin Möxämmät Minaçev bu kire qağular belän dä, mäxkämä qararları belän dä hiç tä kileşergä telämi. Bu eşlär miña ğına tügel, barlıq tatar xalqına qağıla di, Möxämmät Minaçev.
kiräklege xaqında uylanırğa täqdim itte.


--------------------------------------------------------------------------------------------

►Sabantuyçılar Qazanğa cıyıla

Rusiäneñ 45 töbägennän häm çit illärdän 150-gä yaqın keşe Saban tuyı serlären öyränergä kilä.

Tatar milli bäyräme Sabantuy
Bötendönya tatar kongressı başqarma komitetınıñ Rusiä töbäkläre belän eşläw bülege başlığı Mars Tuqayıv belderüençä, bıyılğı oçraşu ütkännärennän nıq ayırılıp toraçaq.

Bötendönya tatar kongressı häm Tatarstannıñ mädäniät ministrlığı Sabantuy uquların 5 yıl ütkärä inde. Uzğan oçraşular waqıtında şul uq keşelärneñ kilüe häm haman ber ük närsä turında, yäğni quş tırnaqlar eçendä äytkändä “bıltırğı “a” xärefen qabat öyränü” turında süzlärne işetkälärgä turı kilgän ide.

Sabantuy saban bäyräme genä tuğel!

Tatarlarnı ällä kimsetergä teläpme, ällä Sabantuynıñ ni ikänen añlamıyçamı bu xaqta döres söylämäwçelär oçraştırğalıy. Äle küptän tügel genä ber telewizion qanalda “federal'nıy prazdnik pluğa v etom ğodu proydet v Astraxane” (“federal' saban bäyräme Ästerxan şähärendä bulaçaq”) dip tä äyttelär.



--------------------------------------------------------------------------------------------
>> Xäbärlärne tulıraq itep audio yazmadan tıñlıy alasız
XS
SM
MD
LG