Accessibility links

якшәмбе, 11 декабрь 2016, Казан вакыты 03:24

►Tatenergo” Çubays belän satulaşa ►Tunista Tatarstan mädäniäte könnäre uza ►Dinara erotika qorbanımı?






►Tatenergo” Çubays belän satulaşa

"Tatenergo" şirkäte
“Tatenergo” şirkäte “Federal çeltär kampaniase”nä Tatarstannıqı sanalğan 2 meñ killometr çeltärne häm dispetçer üzäklären Rusiä şirkäte qaramağına tapşıraçaq. Küplär monı respublika şirkäteneñ Federal üzäkkä tapşırıla başlawı, dip qabul itte.

Bügenge köndä “Tatenergo”nıñ töp aksialäre “Svzinvestneftexim” şirkäteneke, 49% aksiase Tatarstannıñ cir häm milek mönäsäbätläre ministrlığına turı kilä. Belgeçlär fikerençä, xäzer aksialärneñ bernikadär öleşe federallarğa kitü säbäple, “Tatenergo” xoldinğı elekke kebek tulayım ber şirkät bula almıy, tarqalırğa mäcbür.

--------------------------------------------------------------------------------------------

►Tunista Tatarstan mädäniäte könnäre uza


Mädäniät ministrlığınıñ matbuğat xezmäte xäbär itüençä, tantananıñ açılışında Rusiäneñ Tunistağı ilçese Andrey Polyakov, Tunis mädäniät ministrı Möxämmäd Äl Ğäziz Ben Äşür, Tatarstan prezidentı qarşındağı xalıqara mäsälälär buyınça däwlät kiñäşçese, tışqı elemtälär departamentı citäkçese Timur Aqulov, mädäniät ministrınıñ berençe urınbasarı Aydar Ğaynetdinov qatnaştı. Aqulov üz çığışında beldergänçä, Tatarstan mädäniäte könnäre tunislılarnı tatar xalqınıñ mädäni üzençälekläre häm milli ğöref-ğädätläre belän tanıştıraçaq. Häm älege çaralar ike respublika arasında mädäniät ölkäsendä genä tügel, ä başqa tarmaqlarda da tığız xezmättäşlek buluına ışanıçın beldergän Timur Aqulov.

Tunista Tatarstan mädäniäte könnäre 27 äpreldä qädär däwam itep, mädäni çaralar Monastir, Beja, Suss häm Keyruan şähärlärendä uzaçaq.

--------------------------------------------------------------------------------------------

►Dinara erotika qorbanımı?

Tatarstan -- Dinara Saläxova,
“Komsomolskaya pravda” gazetası ütkärgän foto bäygelärendä qatnaşqan öçen Tatarstan eş berlekläre federasiase Dinara Säläxovanı eşennän kitergä mäcbür itte. Ul bügen eş ezli.

İnternetta Dinara Säläxovanıñ eş ezläwe turında rezyüme elenep tora. Ul üzen cämäğätçelek belän elemtä belgeçe itep täqdim itä. Rezümene 525 meñnän artıq keşe qarağan inde. Ämma, bügengä qädär ber genä täqdim dä bulmağan.

Tatarstannıñ eş berlekläre federasiasendä Dinara yıl yarımlap mäğlümat bülegendä eşli. Aña qädär “Tatspirtprom” şirkätendä maxsus jurnal çığarğan bula. Annan aqçası az, mäşäqäte bik küp bulu arqasında eş berlekläre federasiasenä küçä. Anda 7 meñ xezmät xaqı ala.


Xezmättägelärneñ xoquqların yaqlaw öçen buldırılğan eş berlekläre federasiasennän kitergä mäcbür itelgän Dinara Säläxova qanunnarnı ütätüçelär şul uq qanunnarnı bozğaç mäxkämägä möräcäğät itep waqıt äräm itergä dä telämägän.
XS
SM
MD
LG