Accessibility links

якшәмбе, 4 декабрь 2016, Казан вакыты 09:12

►Salawat Tuqayğa oxşağanmı? ►Çallıda buşqa eşläw turında söyläştelär ►Yawlıqlı qızlar eş taba almıy ►Açıq mikrofon: Boris Yeltsin Tatarstan öçen faydalı prezident ideme? Yawlıqlı qızlar eş taba almıy


--------------------------------------------------------------------------------------------

Salawat Tuqayğa oxşağanmı?

Salawat Fätxetdinov

Bu atna axırında Ğabdulla Tuqay isemendäge däwlät büläkläreneñ bıyıl kemgä tapşırıluı xäl iteläçäk. 26 äpreldä Qazan üzägendä ütäçäk şiğer bäyrämendä älege abruylı büläkneñ yaña laureatları xalıq aldında çığış yasayaçaq. Täqdim itelgän 11 icadi eşneñ 3se Tuqay bülägenä layıqlı dip tabılaçaq. Muzıka ölkäsendä Rezedä Äxiärovanıñ “Şağıyr mäxäbbäte” operası häm Salawat Fätxetdinovnıñ konsert programmaları Tuqay bülägenä däğwa itä. Şuşı könnärdä Salawatnıñ icadi xisabı ütte.


Kiçädä Salawat turında rusça añlatmalarnı Çallı qunağı Fänil Saläxov birep tordı. Salawat tärbiälägän yätim balalar, ul üstergän yäş artistlar, elek Başqortostanda awıl klubın citäklägän üzeşçän artistnıñ kiñ küñelle şäxes häm çın sänğät yoldızı bulıp üsüen dälilläde. Qazan mädäniät häm sänğät universitetınıñ kafedra mödire Salawat Fätxetdinov fidaqär şäxes, cırnıñ tamırların kismiçä genä yañartuçı talant bulıp gäwdälände. Anıñ qıyulığı, ixlaslığı, ğädilege, moñğa totınıp atlawı Tuqaynı xäterlätte.

Konsert «Min yaratam sine, Tatarstan!» cırı belän tämamlandı. Respublikanıñ ikençe gimnı bulıp yañğırağan bu äsärne başqaruçığa däwlät büläge bireläçäkme, yuqmı ikänlege, iñ küp digändä, ike-öç könnän açıqlanaçaq.
--------------------------------------------------------------------------------------------

►Çallıda buşqa eşläw turında söyläştelär

Çallınıñ ictimağıy palatası şähärdä tügäräk östäl oyıştırdı.

Anda yäşlär belän oçraşuğa KamAZ, Tatneft kebek şirkätlärneñ profsoyuz başlıqları, Tatarstan şähärläre wäkilläre qatnaştı.

Tügäräk östäldä mondıy fikergä kilende:
-Cämäğätçelek oyışmalarına yärdäm itü buyınça programma buldırırğa.
-Watandaşlar cämğıyäte problemalarına xalıqnı küpläp cälep itü häm başqalar. Şuşında uq, cämäğät oyışmaları eşendä xalıqnıñ sülpän qatnaşuı
--------------------------------------------------------------------------------------------

Citäkçe eşeneñ sıyfatın reyting belän bilgelämäkçelär

Kreml Rusiä töbäklärendäge citäkçelär eşen bäyälär öçen reytinglar buldırunı küzdä tota. Anıñ öçen 30ğa yaqın bilge bulaçaq.

Reyting sisteması inde bıyıldan uq (Dmitriy Medvedev prezident itep täxetkä utırğaç) kerteler dip kötelä. Başta ul şähärlärdä, annarı rayon munitsipalitetlarında bulaçaq diyelä.

--------------------------------------------------------------------------------------------

►Yawlıqlı qızlar eş taba almıy

Dini xatın-qızlar “terrorçı”, “sektant” digän süzlärne dä işetä.
Yawlıqlı möslimälärne eşkä alırğa bik telämilär. Alar şulay uq üzlärenä qarata “terrorçı”, “sektant” digän süzlärne dä işetä.

Tatarstan möselman xatnı-qızları oyışması çirattağı plenumın Qazanda oyıştırdı. Anıñ eşendä şulay uq İjaw, Çuwaşiä, Sember xanımnarı da qatnaştı. Plenumğa kilüçe abıstaylar üz problemaların açıp saldı. Eş yäşendä bulğannarnıñ eşsezlek probleması borçıy. Eşkä alğanda kiyemnärenä qarap kimsetelü oçraqları bar ikän. Dini xanımnar şulay uq üzlärenä qarata “terrorçı”, “sektant” digän naxaqlarnı da işetä.


Tik dini qızlar eşkä alınğanda ğına kimsetelmi, alarğa başqa cirlärdä dä qırın qarıylar. Näzimä Söläymanovanıñ mäktäptä uquçı qızına da “terrorçı” dip äytkännär. Bu Buadağı xäl. Anda dini üseş “çağıştırmaça yaxşıraq” dip sanala. Ä menä Kama tamağında dini uqularnı berniçä yıl elek kenä başlap cibärgännär. Andağı Baş abıstay isä möselman xatın-qızlarına üze dä belem birä, sannarı artır dip ömetlänä. Mönirä abıstay Xäliullina Kama tamağında başqa xatın qızlarğa da eş tabu qıyın di.

Yawlıq bäylägän qızlar ber eş xucaların ğına qurqıtmıy. Aqtanıştan Risälä Şäwälieva qızlarnıñ dingä kilüe yäki yawlıq bäyläwe qayçaqnı äti-änilären dä, irlären yäki tuğannarın da qurqıta di. Ul dini qızlarğa "wahhabçı", "monaşka" digän süzlärne "ıçqıdıruların" da kürgän. “Tik alarnıñ ruxı köçle. Awırlıqlar bulsa da bezneñ san arta”, - dip östi ul.
--------------------------------------------------------------------------------------------

►Açıq mikrofon: Boris Yeltsin Tatarstan öçen faydalı prezident ideme?

XS
SM
MD
LG