Accessibility links

пәнҗешәмбе, 8 декабрь 2016, Казан вакыты 05:10

►Qazanda saban tuyı uquları bara ►Qazanlılar Amurdan quıla ►Başqortostanda quraysılar bäygehe ütä ►Omskida “yoldızlar yañğırı”






--------------------------------------------------------------------------------------------

►Qazanda saban tuyı uquları bara

Fäwziä Bäyrämova saban tuyların yasawçılar belän aralaştı.
Fäwziä Bäyrämova saban tuyların yasawçılar qarşında Tatarstan eşmäkärlären tänqıytläde.

Mädäniät ministrlığı häm Bötendönya tatar kongressı Qazanda saban tuyı uquların biş yıl ütkärä inde. Bıyıl da töbäklärdä milli bäyrämnärne oyıştıruçılar öçen oyıştırılğan seminärğa däreslär birer öçen uqıtuçılar kilgän ide.

Rusiäneñ qırıqtan artıq töbägennän häm Qazaqstannan kilgän yözdän artıq keşe saban tuyı serlären öyränergä Qazanda uzuçı maxsus seminärğa kilgän. Anı mädäniät ministrlığı häm Tatar kongressı inde biş yıl ütkärä.

Şulay uq säyäsätçe häm yazuçı Fäwziä Bäyrämova da alar belän aralaştı. Ul da uzğan yıl töbäklärdä saban tuylarında qatnaşqan bulğan. Xätirälären yañartuçı Bäyrämova töbäklärdäge saban tuylar ğädättä ayıq formada oyıştırıla, di. Satuda araqı, sıra da bulmıy di. Tik şul uq waqıtta Tatarstan rayonnarınnan kilgän eşmäkärlär millättäşlärneñ ayıq bäyrämendä araqı sata ikän. Mondıy xäl Qurğanda, Semberdä dä bulğan.

Seminärda qatnaşuçılar Qazan häm Tatarstanda uzuçı milli bäyrämnär dä ayıq itep yasalırğa tieş dip sanıy.

--------------------------------------------------------------------------------------------

►Qazanlılar Amurdan quıla

Amur ölkäse başlığı Nikolay Kolesov
Amurda yäşäwçelärneñ töp iğtibarı bügen säyäsi xällärgä yünälgän. Cirle xalıq töbäk citäkçese Nikolay Kolesovnıñ kitüen sorap uram cıyınnarın ütkärde.

Gazetalarda yazılğannarğa qarağanda, Kolesov yış qına anıñ qızı Anastasiä citäklägän Qazandağı “Elekon” şirkätenä zur aqçalar küçerep barğan. Gubernator üze isä monı kire qağa häm “Elekon” şirkätenä barlıq keremnärne qäğäzgä bastırıp jurnalistlarğa kürsätergä wäğdä itä. Anıñça küp oçraqta aqçalar kiresençä Qazannan Amurğa ğına kilä.

Amur xakimiatendäge Tatarstan törkeme axırğaça köräşergä uylıy. Ä bügen isä, tikşerü idaräläre tarafınnan Kolesov häm anıñ Tatarstannan kilgän xezmättäşlärennän Amur ölkäse çiklärennän çitkä çığu xoquqı alınğan.


--------------------------------------------------------------------------------------------

►Başqortostanda quraysılar bäygehe ütä


Bäyge bildäle pedagog häm quraysı Äzyehäm İsqujindıñ 80 yıllığına bağışlana.

Başqortostanda quraysılar bäygehe ütä. Ul bildäle pedagog häm quraysı Äzyehäm İsqujindıñ 80 yıllığına bağışlana häm unıñ isemen yörötä. Äzyehäm İsqujin ozaq yıldar Rämi Ğarípov isemendäge gimnaziala uqıtıusılaq menän ber qatarzan quray uynarğa la öyrätä.

Quray- respublikala iñ taralğan uyın qoralı isäplänä. Ayırım awıldarza unı härkem ğıjıldata belä. Mäsälän Baymaqta quray tarta belmägän keşe yeget hanalmay tizär. Respublika quraysılar berlege räyese tanılğan quraysı Azat Ayıtqolov äyteüensä, bıyılğı bäygelä qatnaşıusılarzıñ küplege lä oşonoñ menän añlatıla. Bäygelä qatnaşıusılar ike törkömgä bülenep 2 kön barışında iñ yäqşı quraysılarzı asıqlayasaq.Bötä donya başqorttarı qoroltayı bäyge oyoştorousılarzı ruxi yaqtan därtländerewzän arı kitmägän.

--------------------------------------------------------------------------------------------

►Omskida “yoldızlar yañğırı”

Aydar Ğälimov
Omski ölkäsendä Tatarstannıñ Däwlät cır häm biü ansamble häm Başqortstan artistlarınıñ konsertları zur uñış belän ütte.

Ural häm Seber yaqlarına gastrollärgä çıqqan Tatarstannıñ Däwlät cır häm biü ansamble şimbä könne zur konsert belän Omski ölkäseneñ Tara şähärendä bulıp kitte.

Tatarstan artistlarınıñ talantlı çığışları, cır-biüläre tamaşaçını soqlandırdı da, şatlandırdı da. Zalda ber genä keşe dä bitaraf qalmağandır.

Omskida soñğı waqıtlarda tatar konsertları yış bulıp, mart ayında ğına Salawatnıñ häm Zäynäp Färxetdinova belän Zöfär Bilalovnıñ konsertları uzğan bulsa da, Başqortstan artistları konsertına da tamaşaçı küpläp kilgän ide.
XS
SM
MD
LG