Accessibility links

сишәмбе, 6 декабрь 2016, Казан вакыты 15:21

Qıtay Dalai Lama wäkilläre belän oçraşaçaq


Pekin – Qıtay xökümät räsmiläre sörgendäge Tibet ruxi başlığı Dalai Lama wäkilläre belän oçraşırğa äzerlänä. Qıtay xäbär agentlığı XinHua xäbär itüençä, oçraşu aldıbızdağı könnärdä bulaçaq. Oçraşu turında täfsille mäğlümät isä sonınnan citkereläçäk diyelä.

Dalai Lamanıñ süzçese Tenzin Taxla, ruxi citäkçe Dalai Lamanın Qıtaynın söyläşü taqdimen xuplawın belderde. Süzçe Qıtaynıñ söyläşü taqdimenen uñay ber adım buluın, küzgä-küz söyläşüneñ Tibet mäsäläsendä ber çişeleş bula alaçağın belderde.

İke taraf arasında söyläşülär 2002 yılda däwam itterelgän ide. Läkin yäşeren uzdırılğan älege oçraşudan soñ üzgäreş bulmadı. İñ soñgı oçraşu isä 2007 yılnıñ yün häm yül aylarında bulğan ide.

Pekin Dalai Lamanı Tibettä Qıtay xaqimiätenä qarşı bulğan protest çaraların qotırtuda ğayepli. Sörgendäge Tibet xökümäte isä Qıtay xaqimiäten tınıç barğan protest çaraların bastıru öçen köç qullanuda ğayepli.

XS
SM
MD
LG