Mäskäw - Rusiä däwlät duması bügen matbuğatta yala yağuga qarşı çikläwlär kertkän taqdimne küpçelek tawış belän xuplap qabul itte. Älege qanun buyınça, mäxkämälärgä keşelärgä yala yaqqan yazmalarnı yabarğa röxsät itelä. Bu taqdim parlamenttağı küpçelek urınnı alğan Prezident Vladimir Putinneñ Berdäm Rusiä partiäsendäge qanun çığaruçı deputatlar tarafınnan alğa sörelgän ide. Kertelgän üzgäreşlär belän monnan arı, belä torıp keşeğä maxsus yala yaqqan däwlät serlären yazğan yäisä ekstrimist fikerlär taratqan yazmalar mäxkämä tarafınnan yabıla alaçaq.
