Accessibility links

дүшәмбе, 5 декабрь 2016, Казан вакыты 03:31

►Möxämmätşin: "Şartnamäneñ eçtälege älegä say" ►“Cisem" festivalı eşen başlıy ►Tatarlar Tunista Tatarstan ruxın kürsätä ►Çallıda milli mäğärifne öyränälär

--------------------------------------------------------------------------------------------

►Möxämmätşin: "Şartnamäneñ eçtälege älegä say"

Tatarstan Däwlät Şurası räise Färit Möxämmätşin
Premer-ministrnıñ berençe urınbasarı Boris Pavlov Däwlät Şurası utırışında Rusiä belän Tatarstan arasındağı şartnamä näticäläre turında süz tottı.

Ber yıl elek çaması Rusiä belän Tatarstan arasındağı waqälätlärne büleşü şartnamäse Tatarstan säyäsätendä iñ aktual mäsälälärneñ berse ide. Respublika citäkçelege bu dokumentnı buldıru öçen il citäkçelege belän küp kenä söyläşülär alıp bardı.


--------------------------------------------------------------------------------------------

►“Cisem" festivalı eşen başlıy


Tatarstan -- "Cisem" Film Festivalı
26 äprel könne Tatar däwlät gumanitar-pedagogia universitetı binasında sälätle balalar häm yäşlärneñ berençe "Cisem" kinofestivalı uzaçaq.

Bu festival başlanır aldınnan, comğa könne Tatmedia agentlığında matbuğat oçraşuı uzdı. Älege matbuğat oçraşuında Tatarstan xökümäteneñ mädäniät häm tellär üserü bülege citäkçese, “Tatarstan-sinemä” kino sänğäteneñ üseş fondı räise Ramil Töxwatullin, “Sälät” ictimağıy fondınıñ citäkçese Cäwdät Söläymanov, älege proektnıñ autorı Fayzraxman Kamalov häm Germanianeñ “Tatarlar Deutchland” oyışmasınıñ bülek räise Nasur Yuruşbayev qatnaştı.

Festivaldä Tatarstan yäşläre töşergän barlığı yegermedän artıq qısqa metrajlı filmnar kürsäteläçäk. Monnan qala bäygedän tış alman balaları töşergän film da täqdim iteläçäk. Älege bäyge qısalarında qatnaşuçılar ber-berse belän täcribä urtaqlaşa, tatar kinorejisserları häm artistları belän aralaşa alaçaq. Ä uñışlı dip tabılğan eşlär “İñ yaxşı yumoristik film”, “İñ yaxşı operator xezmäte”, “İñ yaxşı animasia filmı”, “İñ yaxşı akter häm aktrisa” häm başqa nomianasialär buyınça bilgelänäçäk.

Qatnaşuçılarnıñ xezmätlären yuğarı däräcädäge jüri tikşeräçäk. Balalar iñ yaxşı dip tapqan filmğa “Azatlıq” radiosı isemennän maxsus büläk tapşırılaçaq.

--------------------------------------------------------------------------------------------

►Tatarlar Tunista Tatarstan ruxın kürsätä

Yazuçı Zölfät Xäkim tatar folklor anssamble qızları belän. Tunista Tatarstan könnäre. 24 äprel 2008 yıl.
Tunista Tatarstan könnäre däwam itä. 24 äprel kiçendä artislar Rusiäneñ fän häm mädäniät üzägendä konsert quyğan. Anı Rusiäneñ Tışqı eşlär Ministrlığı, törle däwläreneñ ilçelekläre xezmätkärläre, anda uquçı Rusiä studentları qarağan.

Kiçädä Tatarstannıñ folklor anssamble häm “Pantera” baletı çığış yasağan. Tatarstan könnärendä, mädäniät ministrı Zilä Wälieva dä qatnaşa.

--------------------------------------------------------------------------------------------

►Çallıda milli mäğärifne öyränälär


25 apreldä BTK wäkilläre Çallığa kilde häm biredä tatar telen saqlaw, öyränü buyınça küçmä utırış ütkärde.

Qayber matbuğat çaralarına küz salsaq, Çallıda häm Tatarstanda tatar teleneñ torışı ayanıç xäldä. Tatar tele balada, ğailädä, baqçada häm mäktäptä formalaşa. “Milli mäcles” deputatı F.Taciev “Çallı yäşläre” gazetasında: “Çallıda uqıtu sisteması 20 elek ni räweşle bulsa, bügen dä şuña qaytıp qaldı. Xäzer tatar balasınıñ ata-anası urısça tärbiäläner öçen, ğafu itegez, tere çimal äzerläwçelär. Yäşäwneñ ni mägnäse qala?”- dip borçıla F.Taciev.

BTK kongressınıñ Rinat Zaqirov räislegendäge komissia küçmä utırışın başlağançı Çallıdağı tatar mäktäplärendä, balalar baqçalarında buldı.
XS
SM
MD
LG