Accessibility links

BMO başlığı Äfğanstandağı höcümne xökem itte



BMO – Berläşkän Millätlär Oyışması general sekretare Ban Ki Moon, Xamid Qarzai citäkçelegendäge xärbi paradta bulğan höcümnı “qabul itelgesez” dip atap, waqıyğanı xökem itte.

Xamit Qarzai raketa häm utlı höcümnän sälämät qotıldı. Läkin höcümdä aralarında ber deputatnıñ da bulğan 3 keşe hälaq buldı, distälägän keşe yaralandı.

Taliban xäräkäte höcümdä cäwaplılıqnı üz östenä aldı. Taliban höcümneñ 6 keşe tarafınnan oyıştırıluın, alarnıñ öçesenen isä ülüen belderde.

Xärbi parad, kiçä sovet taraflı xökümätnen bärep töşerelüenä 16 yıl tulı uñayınnan ütkärelde.

Ban Ki Moon, bügen höcümne xökem itep yasağan belderüendä, Äfğan xaqimiäten yaqlarğa häm ilne tözekländerü eşen däwam itterü öçen xalıqara yärdämnärneñ däwam itäçägen wağdä itte.

Fransiä prezidentı Nicolas Sarkozy dä, höcümne “näfrät tudırğan qurqaqlar” höcüme dip atap anı läğnätläde. Fransia tağın ber tapqır Qarzai xaqimiäten yaqlawın belderde.

Älege höcümne şulay uq, Germaniä, Pakıstan, Hindistan häm Kanada kebek çit illär dä xökem itte.
XS
SM
MD
LG