Accessibility links

дүшәмбе, 5 декабрь 2016, Казан вакыты 19:35

Säddamnıñ yaqtaşı Tarıq Ğaziz mäxkämä aldına basa


Säddam Xösäyen rejime waqıtında ozın yıllar Ğiraq tışqı eşlär ministrı wazifasın başqarğan Tarıq Ğaziz, bügen mäxkämä qarşına çığa.

Ğaziz, ägär Saddam rejime waqıtında qaysı ber säwdägärlärne ülemgä xökem iteüdä ğayeple tabılsa, mäxkämä tarafınnan üzenä ülem cäzası birelergä mömkin. 1992 yılda, Ğiraqnın Quwäytkä basıp kerüennän soñ, BMO tarafınnan Ğiraqqa çikläwlär kertelgän ide. İl iqtisadi yaqtan awır xäldä qalğan çağında, säwdägärlärnen bäğzı mallarnı qıybatqa sata başlawı säbäple, Saddam xaqimiäte 42 säwdägärne bu eştä ğayeple tabıp ülemgä xökem itkän ide.

Ğaziz 2003 yılda AQŞnıñ Ğıraqqa basıp kerüennäñ soñ xärbilär tarafınnan qulğa alınğan ide. Ğaziz, yış qına könbatış mäğlümät çaraları aldında Säddam säyäsäten yaqlağan ängämälär dä birde.

Mäxkämä utırışı, Säddam Xösäyen rejime äğzäların xökemgä tartu öçen maxsus tözelgän Ğiraq yuğarı mäxmäsendä bulaçaq.

XS
SM
MD
LG