Kievta urnaşqan "Yaqın Könçığış tikşerenüläre" isemle bäysez oyışma Çexiädäge "Moxtac keşelär" oyışması belän bergä Qırımda jurnalistlar häm xakimiät wäkilläre öçen millätara mönäsäbätlär turında uqular täqdim itäçäk.
Qırımda millätara näfrät probleması – ser tügel, cämğiät anıñ barlığın tanıy. Törle mädäniät, törle din wäkilläre ğömer kiçergän töbäklär tınıç yäşäsen öçen idarä itüneñ maxsus ısulları bar. Xakimiät tä wazğiätkä döres bäyä birmäskä mömkin, monıñ säbäbe ike törle bula ala, berse – säyäsi säbäplär bulsa, ikençese – xakimiättä utıruçılarnıñ täcribäsezlege.
"Bezneñ maqsatıbız – cirle xakimiätlärneñ qayber xataların açıqlaw. Ul xatalarnı alar Kievqa barıp üzäk xökümättä çişergä mäcbür bula, menä şularnı buldırmaw. Bez üzebezneñ seminarlarda ber qayçan da – bolay eşlägez, tegeläy eşlägez dip äytmibez. Anda qatnaşuçılar xatalarnı üzläre taba häm şulay öyränä", - di oyışmanıñ başqarma direktorı İgor Semyvolos.
Qırımda iñ küp qarşılıqlar tudırğan mäsälä bulıp – cir mäsäläse tora. Cir bülüne näq cirle üzidarä xäl itä, häm "Yaqın Könçığış tikşerenüläre" oyışması üz seminarlarına jurnalistlar belän bergä cirle üzidarä wäkillären çaqıra.
Qırım tatarları – äle küptän tügel genä zur faciğa kiçergän ber xalıq, di oyışma prezidentı Aleksandr Bogomolov. Tarix öçen 6 distä yıl ul ber ni tügel häm bu yara äle dä qırım xalqınıñ küñelendä.
"Qırımda qaywaqıt – deportasiädän şul quılğan keşelär genä ziyan kürgän, dip sanıylar. Bu döres tügel. Şulay uq holokosttan konslagerlarda hälak bulğannar ğına ziyan kürgän dip sanaw - döres tügel. Bu istälek, qayğılı istälek buınnan buınğa küçep kilä. Watannarın qaytaru qırım tatarları öçen ul - su häm gaz ğına ütkärü tügel, şulay uq elek torğan yortların, mäçetlären kire qaytarunı añlata," - di Bogomolov.
Bu ike belgeçneñ Qırımdağı wazğiätne Yaqın Könçığış belän çağıştıruı – oçraqlı xäl tügel. İgor Semyvolos – yähüd tele , Aleksandr Bogomolov isä – ğaräp tele häm ädäbiatı belgeçläre. Alar ikese dä İzrail häm fälestin cirlärendä säyäsi tärräqiätne yaqınnan küzätep, anda saylawlarda küzätüçelär bularaq qatnaşıp näq Yaqın Könçığışta täcribä tuplağan keşelär. Alar ikese dä – ğaräp-yähüd nizağında – çınbarlıqta doşmannıñ kem ikänen, ğaräplärneñ, yähüdlärneñ qaraşın tirännän fänni häm ğamäli öyrängän belgeçlär. 1994nçı yıldan birle alar alğan täcribälären Qırımda qullanırğa tırışa.
Berençe seminar-uqular gazeta möxarrirläre öçen yün ayında Aqmäçet şähärendä ütäçäk, cirle xakimiät wäkilläre öçen ike seminarnı Feodosiä şähärendä uzdıru planlaştırıla.
Älege proyekt Çexiädäge "Moxtac keşelär" oyışması belän berlektä başqarıla. Oyışma nizaqlı töbäklärdä keşe xoquqların yaqlaw häm humanitar mäsälälärdä yardäm kürsätüçe oyışma bulıp tora... Şulay uq alarnıñ maqsatı – dönyanıñ törle poçmaqlarında bulğan xoquq bozular häm keşelärneñ ğadellekne taba almıyça cafa çigüe turında mäğlümatne – kiñ cämäğätçelekkä citkerü. "Kievta Yaqın Könçığış tikşerenüläre" oyışması belän Çexiädäge "Moxtac keşelär" adlı humanitar oyışma tırışlığı belän xäzer cämäğätçelek iğtibarı qırım tatarlarına da yünäldereläçäk.
Qırımda millätara näfrät probleması – ser tügel, cämğiät anıñ barlığın tanıy. Törle mädäniät, törle din wäkilläre ğömer kiçergän töbäklär tınıç yäşäsen öçen idarä itüneñ maxsus ısulları bar. Xakimiät tä wazğiätkä döres bäyä birmäskä mömkin, monıñ säbäbe ike törle bula ala, berse – säyäsi säbäplär bulsa, ikençese – xakimiättä utıruçılarnıñ täcribäsezlege.
"Bezneñ maqsatıbız – cirle xakimiätlärneñ qayber xataların açıqlaw. Ul xatalarnı alar Kievqa barıp üzäk xökümättä çişergä mäcbür bula, menä şularnı buldırmaw. Bez üzebezneñ seminarlarda ber qayçan da – bolay eşlägez, tegeläy eşlägez dip äytmibez. Anda qatnaşuçılar xatalarnı üzläre taba häm şulay öyränä", - di oyışmanıñ başqarma direktorı İgor Semyvolos.
Qırımda iñ küp qarşılıqlar tudırğan mäsälä bulıp – cir mäsäläse tora. Cir bülüne näq cirle üzidarä xäl itä, häm "Yaqın Könçığış tikşerenüläre" oyışması üz seminarlarına jurnalistlar belän bergä cirle üzidarä wäkillären çaqıra.
Qırım tatarları – äle küptän tügel genä zur faciğa kiçergän ber xalıq, di oyışma prezidentı Aleksandr Bogomolov. Tarix öçen 6 distä yıl ul ber ni tügel häm bu yara äle dä qırım xalqınıñ küñelendä.
"Qırımda qaywaqıt – deportasiädän şul quılğan keşelär genä ziyan kürgän, dip sanıylar. Bu döres tügel. Şulay uq holokosttan konslagerlarda hälak bulğannar ğına ziyan kürgän dip sanaw - döres tügel. Bu istälek, qayğılı istälek buınnan buınğa küçep kilä. Watannarın qaytaru qırım tatarları öçen ul - su häm gaz ğına ütkärü tügel, şulay uq elek torğan yortların, mäçetlären kire qaytarunı añlata," - di Bogomolov.
Bu ike belgeçneñ Qırımdağı wazğiätne Yaqın Könçığış belän çağıştıruı – oçraqlı xäl tügel. İgor Semyvolos – yähüd tele , Aleksandr Bogomolov isä – ğaräp tele häm ädäbiatı belgeçläre. Alar ikese dä İzrail häm fälestin cirlärendä säyäsi tärräqiätne yaqınnan küzätep, anda saylawlarda küzätüçelär bularaq qatnaşıp näq Yaqın Könçığışta täcribä tuplağan keşelär. Alar ikese dä – ğaräp-yähüd nizağında – çınbarlıqta doşmannıñ kem ikänen, ğaräplärneñ, yähüdlärneñ qaraşın tirännän fänni häm ğamäli öyrängän belgeçlär. 1994nçı yıldan birle alar alğan täcribälären Qırımda qullanırğa tırışa.
Berençe seminar-uqular gazeta möxarrirläre öçen yün ayında Aqmäçet şähärendä ütäçäk, cirle xakimiät wäkilläre öçen ike seminarnı Feodosiä şähärendä uzdıru planlaştırıla.
Älege proyekt Çexiädäge "Moxtac keşelär" oyışması belän berlektä başqarıla. Oyışma nizaqlı töbäklärdä keşe xoquqların yaqlaw häm humanitar mäsälälärdä yardäm kürsätüçe oyışma bulıp tora... Şulay uq alarnıñ maqsatı – dönyanıñ törle poçmaqlarında bulğan xoquq bozular häm keşelärneñ ğadellekne taba almıyça cafa çigüe turında mäğlümatne – kiñ cämäğätçelekkä citkerü. "Kievta Yaqın Könçığış tikşerenüläre" oyışması belän Çexiädäge "Moxtac keşelär" adlı humanitar oyışma tırışlığı belän xäzer cämäğätçelek iğtibarı qırım tatarlarına da yünäldereläçäk.