Accessibility links

дүшәмбе, 5 декабрь 2016, Казан вакыты 19:35

►"Cisem" zur kinoğa yul aça ►“Üzebez" Tatarstannı söyläşterä ►Türä kilep kürsä şaqqatır ide ►Qazan Qıtay täcribäsen öyränä ►Awılğa da barır idek, tik säxnägä sıymıybız

--------------------------------------------------------------------------------------------

►"Cisem" zur kinoğa yul aça

Atna axırında Tatar gumanitar-pedagogika universitetı binasında "Cisem" berençe sälätle balalar häm yäşlärneñ kinofestivale uzdı.

Festivaldä kürsätelgän 17 filmnı jyüri dürt törkemgä bülep bäyä birde. Äytik, “İñ yaxşı klip” isemenä İlşat Şäräfetdinovnıñ “Palatka, uçaq häm gitara” cırı layıq buldı. Ämma küplärgä İlnaz Safiullinnıñ “Şağıyr'” cırına töşerelgän klip oşadı bulsa kiräk. Çönki bu klip köçle alqışlandı. “İñ yaxşı dokumentäl film” dip Lilia İbrahimovanıñ – “Baylar Sabası”, ä “İñ yaxşı yumoristik film” dip Alia Dusayeva häm İlşat Räximovnıñ “Rawşanda ber kön” filmnarı tabıldı. Ä menä “İñ yaxşı qısqa metrajlı uyın filmı” isemenä “Ğädi bulmağan Lilianeñ ğädi ber köne” filmı layıq buldı. Şunnan soñ xatın-qız häm ir-at rollären iñ yaxşı başqaruçılarnı da büläklädelär. Ciñüçe isemnärenä Miläwşä Safina belän İlnaz Safiullina layıq dip tabıldı.

Festivalne oyıştıruçılar älege ciñüçelär kiläçäktä milli kino sänğäten torğızuda töp köçlär bulaçağına ışana. Yäşüsmerlärneñ kiläçäktä kino sänğäte yulınan cibärü yünäleşendä eş alıp baru küzdä totıla ikän. Äytik, kiläse uqu yılınnan Qazan mädäniät häm sänğät universitetında kinorejisserlar äzerli torğan maxsus qurslar açılaçaq. Monda yäşlär kino ölkäsendä professionäl belem alaçaq.


--------------------------------------------------------------------------------------------

“Üzebez" Tatarstannı söyläşterä

“Min tatarça söyläşäm” aksiase, berençe çiratta, anı ütkärüdä qatnaşqan yäşlärgä üzlärenä oşağan. Bu xaqta, 26 äprel könne, respublikanıñ törle mäktäplärennän cıyılğan uquçılar äytte. Hiç yuğında, alar üzläre tatarça söyläşergä künegä başlar, dip farazlarğa bula. Alar, tuğan tel könendä, Qazanğa respublikada ütkärelgän bäygedä qatnaşuçılarnı büläkläw çarasında häm Bauman uramındağı tamaşada qatnaşu öçen kilgän ide.

Bu çarada bıyıl da, Mäğärif ministrlığı aktiv qatnaştı. “Min tatarça söyläşäm” isemle çaralarğa mäktäplärne cälep itte. İñ yaxşı itep, bu çaralarnı Bögelmädä ütkärgännär. Andağı 3nçe mäktäp, respublikada üzdırılğan bäygedä berençe urınnı alğan.

Şundıyraq çaralar respublikanıñ başqa rayonnarında da ütkärelgän, Arça, Aqsubay, Çallı yäşläre dä kibetlärgä çığıp, tatarça söyläştep qarağan häm tatar süzläre basılğan qäğäz broşyularnı taratıp yörgän.

“Üzebez”neñ süze dä ütemle bula başlağan. Mäsälän, xäräkät wäkile Ruslan Aysin äytkänçä, xäräkätneñ tatarça söyläşmäwçe oyışmalar isemlegenä kerü Pensiä fondına täesir itkän. “Üzebez” kisätü yasağannan soñ, fond tatarça söyläşüçelär öçen cawaplı xezmätkärne bilgelägän.

“Üzebez”lelärneñ äytüenä qarağanda, xäräkätneñ “Min tatarça söyläşäm” aksiaseneñ Bauman uramında uzğan yomğaqlaw çarasın 3 meñläp keşe qarap kitkän bulğan, berniçä säğätkä genä bulsa da, tatar yäşläre, Qazannıñ üzäk uramın üz qulına alğan.

“Üzebez” 26 äpreldän soñ da, çaralarnı däwam itterergä, alğa taba şirkät, kibetlärne tatarça söyläşterärgä uylıy.

--------------------------------------------------------------------------------------------

►Türä kilep kürsä şaqqatır ide

Düşämbe Tatarstan prezidentı Miñtimer Şäymiev citäkçelegendä uzğan xökümät utırışında toraq mäsäläse tikşerelde. Ber yıl öçendä Qazanda 2046 yort tözekländerelergä tieş.

Bıyıl tözeklänergä tieşle yortlarğa barlığı 4 milliard aqça sarıf iteläçäk. Anıñ yartısı federal idarädän bulsa, qalğanı Tatartan häm Munitsipal berämlek budjetınnan, qazanlılar xisabınnan başqarıla.

Miñtimer Şäymiev boyırığı buyınça, Qazanda 2000gä yaqın yort inde bıyılnıñ üktäber ayına tözekländerelergä tiyeş. Federal idarädän bu maqsatlarğa tağın 6 milliard sum alır öçen, isä tözekländerü eşlären ber yıl eçendä tämamlarğa kiräk.


--------------------------------------------------------------------------------------------

Qazan Qıtay täcribäsen öyränä

Tatarstan 2013 yılğı cäyge olimpiadanı Qazanda ütkärügä ireşü öçen Qıtay täcribäsenä dä ömet itä.

Tatarstan xökümäte başlığı Röstäm Miñnexanov Pekinğa bulğan säfäre waqıtında studentlarnıñ dönyaqüläm sport uyınnarı- Universiadanı äzerläw, oyıştıru häm ütkärüdä Qıtay yağı belän täcribä urtaqlaşu turında kileşte.

İnde bilgele bulğança, Xarbinda 2009 yılda Xalıqara qışqı Universiada ütäçäk. 2011 yılğı cäyge Universiada da şulay uq Qıtayda Şençjen şähärendä bulaçaq. 29 äprel könne Miñnexanov citäkçelegendäge räsmi törkem Pekinda Olimpiada-2008 qorılmaların da qaradı.

Äle 2013 yılğı Universiadanıñ qayda ütäse täğäyenlänmägän. FISU may urtasında mömkinleklär belän tanışu öçen Qazanğa kiläçäk. Ä 31 mayda Brüsseldä 2013 yılda Universiadanıñ qayda ütäse Qazandamı, yäisä başqa urındamı bilgele bulaçaq. Bu Universiadanı Polşanıñ Poznane, Könyaq Koreyänıñ Giañ Cu, İspanianeñ Mursiä häm Vigo, Kanadanıñ Edmonton häm Kübek şähärläre üzlärendä ütkärergä teli.

--------------------------------------------------------------------------------------------

Awılğa da barır idek, tik säxnägä sıymıybız

29 äprel- Xalıqara biü köne Tatar däwlät cır häm biü ansamble öçen ikelätä bäyräm.

Tatarstan Sabantuyı
Monnan 70 yıl elek 30 äpreldä bu ansambl' üzeneñ berençe konsertın quyğan bulğan. “Ul waqıtta “Bormalı su”, “Yegetlär biüe”, “Sabantuy küreneşläre”, “Tuy”, “Tula ömäse” kürsätelgän bulğan”,- dide ansamblneñ citäkçese Ayrat Xämitov.

Tatar däwlät cır-biü ansamble isä, Tömän, Xantı-Mansi, Yamal yaqlarına bulğan çirattağı säfäre waqıtında berençe tapqır Omski häm Tara qalalarına uq barıp citkän.

Xalıqara biü, dönyadağı böten biüçelärneñ xönäri bäyrämnäre köne 1982 yıldan YüNESCO qararı belän bilgeläp ütelä.
XS
SM
MD
LG