Accessibility links

шимбә, 3 декабрь 2016, Казан вакыты 16:43

Rusiänen Abxaziada tınıçlıq saqlaw köçen nığıtu qararına tänqit


Brussel – Yewropa berlege, Rusiäneñ qarışılıqlı Abxazia töbägendäge tınıçlıq saqlaw köçlären nığıtu qararın tänqitläde. Rusiä, tınıçlıq saqlaw köçlären nığıtu maqsatın, Gruziänen höcümenä qarşı töbäkne saqlaw bularaq añlata.

Yewropa Berlege tışqı eşlär häm iminlek ölkäsendäge yuğarı wäkile, Javier Solana, kiçä Rusiä tışqı eşlär ministrı Sergey Lavrov belän oçraşuınnan soñ yasağan belderüendä, bu adım Mäskäw belän Tiflis arasındağı kiyerenkelekne bastıruğa ber nindi faydası bulmayaçaq dip äytte:

“Ägär dä töbäktäge kiyerenkelekne kimetergä cıyınabız ikän, ul çağında Rusiäneñ çiklängän külämdä bulsa da, Abxaziädäge tınıçlıq saqlaw köçlären arttıruı ber dä aqıllı adım bulmayaçaq, min monı Rusiä tışqı eşlär ministrına dustanä äyttem”

Lavrov tınıçlıq saqlaw köçläre 3.000 xärbi xezmätkär belän çiklängän külämdä genä arttırılaçağın belderde.

Uzğan atna Gruziä, pilotsız ber oçqıçın bärep töşerüdä Rusiäne ğayeplägännän soñ, ike il arasındağı kiyerenkelek tağın artqan ide. Gruziä şulay uq Rusiäne abxaz ğisyançıların yaqlawda da ğayeple.

XS
SM
MD
LG