Accessibility links

якшәмбе, 4 декабрь 2016, Казан вакыты 05:00

Rice: Yaqın könçığışta tınıçlıq omtılışı yıl axırına qadär näticä kürsätä alır


Ramallah – AQŞ däwlät sekretarı Condoleezza Rice, İzrail-Fälästin arasındağı tınıçlıq söyläşüen canlandıru maqsatında Yaqın könçığışqa bardı.

Bıyıl axırına qadär, kileşengän şartlarnı ütär öçen Rice här ike tarafqa da basım yasadı. Noyabr ayında yañadan başlanğan söyläşülärdän birle, İzrail belän Fälästin arasında tınıçlıq mäsäläsendä ällä ni alğarış bulmadı.

Bügenge söyläşülärdä, Rice ber yaqtan İzrailgä suğışçılardan saqlanu maqsatında torğızılğan saqlanu diwarların qaldırırğa basım yasağanda, ikençe yaqtan Fälästingä İzrailgä qarşı bulğan suğışçı höcümnärne tuqtatu öçen tırışlıq kürsätergä çaqırdı.

Rice bügen bulğan söyläşülärdän soñ yasağan çığışında, alğa quyılğan maqsatlarnıñ yıl axırına qadär ütälä alaçağına ömet belderde:

“Bez İzrail belän Fälästin arasında bıyıl axırına qadär yağni Prezident Bushnıñ wazifası tämamlanır aldınnan tınıçlıq söyläşülärendä alğa quyılğan maqsatlarnıñ ütälä alaçağına ışanabız.”

Rice bu atna Londonda bulğan tınıçılıq söyläşülärendä aradaşçı, Yewropa Berlege, BMO häm Rusiä wäkilläre belän söyläşülärne tämamlap Yaqın könçığışqa bardı. Londonda bulğan söyläşülär waqıtında, BMO general sekretarı Ban ki-moon da Fälästen xökümätenä aqçalata yärdäm itärgä wağdä itkän iğanäçe illärgä birgän süzlären ütärgä çaqırğan ide. Fälästin xaqimiätenä yärdäm itärgä wağdä birgän Ğaräp illäreneñ, xäzergäçä tiyeşle wazifalarınıñ ni barı 10 % ütäwläre cıyılışta tänqitlägän ide.

XS
SM
MD
LG