Accessibility links

шимбә, 3 декабрь 2016, Казан вакыты 12:47

Dalay Lama wäkilläre Qıtay räsmiläre belän söyläşä


Şencän – Tibät ruxi citäkçese Dalay Lama wäkilläre bügen Qıtay räsmiläre belän söyläşülär başlar öçen Qıtaynıñ könyağındağı Şencänga kilde. Mart ayında Tibet başqalası Lhasada bulğan çualışlardan soñ, bu söyläşü ike taraf arasında bulğan berençe oçraşu bulaçaq. Niçä kön däwam itäçäge älegä mäğlüm bulmağan Tibet wäkilläre belän Qıtay räsmiläre arasında bulaçaq söyläşülär yabıq eşeklär artında ütäçäk. Qıtay prezidentı Hu Jintao, Yapon matbuğat çaralarına bu söyläşülärdä uñay näticälärgä ireşeläçägenä ışanuın belderde.

Mart ayında Tibettä Qıtay xaqimiätenä qarşı bulğan protest çaralarıñ köç qullanıp taratıluınnan soñ, olimpia utınıñ dönya säfäre "öleşçä" Tibettä bulğan çualışlarnı protest itü çarasına äylänä başlağan ide. Tibet belän diologlar başlarğa çaqırğan xalıqara basımnardan soñ, Qıtay Tibet wäkilläre belän söyläşergä buldı. Tibetlelär Qıtaydan üzlärenä avtonom statusı birelüen taläp itä.

XS
SM
MD
LG