Accessibility links

Кайнар хәбәр

İldä nilär bulıp yata? - 09.V.2008


►Qazanda Alıp batır bäyräme uzaçaq ►Näfis süz ostası Ayrat Arslanovqa 80 yäş ►9 maynı Qazan yañaça ütkärde ►"Şärıq"ta iñ popular cır ►Başqorttar Putindıñ xökümät başlığı buluına quana

--------------------------------------------------------------------------------------------

►Qazanda Alıp batır bäyräme uzaçaq

Çara çal tarixlı Qazansu yarında yasala. Anda balalar öçen onıtılğan milli sport töre - uq belän atu yarışı da oyıştırıla.

Läysän Karieva säxnä "alıbı", milli köräş ostası, häm qaharman ruxlı cırlar başqaruçı Säwbän Zaqir belän. 8 may, 2008.
Qazandağı bu bäyräm 1 yün könne, xalıqara balalarnı yaqlaw könendä uzaçaq. Çara "Qazan" milli-mädäni üzäge artında, Qazansu yarında yasala. Anda onıtılğan milli sport töre - uq belän atu yarışı da oyıştırıla. Şulay uq balalar çın timer aqçanı suğıp qarap ta yarışaçaq. Monıñ öçen zur çükeçlär, maxsus qalıplar da kiterteläçäk. Alar muzeylarda bar ikän. "Qazan" milli-mädäni üzägenä bu eşne oyıştıruda mäktäplär, Abdulla Aliş isemendäge balalar icat üzäge dä yärdäm itäçäk.

Äle dä Alıp süze bahadir, zur gäwdäle keşe, qıyu digänne añlata. Ul tatar, altay, qazaq häm başqa xalıq äkiätlärenä kerep qalğan. Rafail Bädretdinov äytik tatarlarğa şundıy mäcüsi ir-yeget isemnären dä qullanırğa quşa. Ul Alparıslan, Alıpqol, Alıpxuca kebeklärne isem itep täqdim itä.


--------------------------------------------------------------------------------------------

►Näfis süz ostası Ayrat Arslanovqa 80 yäş

8 may könne G.Tuqay isemendäge Tatar däwlät filarmoniasendä Rusiäneñ häm Tatarstannıñ xalıq artistı, G.Tuqay isemendäge däwlät büläge iäse Ayrat Arslanovqa 80 yäş tulu uñayınnan, yübiley kiçäse uzdı.

Ayrat Arslanov çäçäkkä kümelde
Bu kiçädä respublikanıñ bilgele däwlät häm cämäğät eşlekleläre, sänğätkärlär näfis süz ostası häm radio, televidenie diktorı Ayrat Arslanovnıñ icat yulı turında fiker alıştılar. Radio dönyası şaqtıy üzgärde. 7 may – radio könnedä Bauman uramında beryülı ike tatar FM radiosınıñ üz tamaşaçıları belän oçraşuı bik qızıqlı ütte. Başta “Yaña ğasır” alıp baruçıları häm popular estrada artistları Çäy yortı qarşında yañğır astında cıyılğan student yeget häm qızlar qarşında çığış yasadı. Ä kiçke säğät altıdan soñ Universitet tıqrığı belän Bawman uramı kiseşkän urında “Tatar radiosı” üzeneñ tıñlawçıların cıydı. Bu radionıñ iğlannarın işetep kilüçelär 5 meñnän artıp kitte. Yaqın tirädäge uram, tıqrıq yäşlär belän tulı ide.

Tärcemäi xäle

Ayrat Gäräy ulı Arslanov 1928 yılda Başqortstannıñ Büzdäk rayonında tuğan. Şul uq respublikanıñ Baltaç rayonında mäktäpne tämamlap, Qazanğa kilgän. Qazan teatr uçilişçesın 1949 yılda uñışlı tämamlağan yäş akter Mäskäwdäge A.Lunaçarskiy isemendäge teatr sänğäte institutına yul ala. Xezmät eşçänlegen artist 1949 yılda Tatar radio komitetında diktor bularaq başlap cibärä.1956-1960 yıllarda A.Arslanov G. Kamal teatrında drama artistı bulıp eşli, biredä küp kenä üzençälekle obrazlar tudıra.

--------------------------------------------------------------------------------------------

►9 maynı Qazan yañaça ütkärde

Meñellıq mäydanında 3 meñ yarımlap keşe xärbi paradta qatnaştı. Qarawçılar da başqa yıllar belän çağıştırğanda kübräk ide.
9 may könne Rusiä Mäskäwdä häm başqa şähärlärdä ütkän xärbi yöreş belän dönyağa üzeneñ köçen kürsätergä teläde. Döres, Tatarstan başqalasında ike yuğarı xärbi uqu yortı bulsa da Qazanda ütkän paradqa bügenge könneñ xärbi texnikası çıqmadı. Döres, aldan qayber mäğlümat çaraları bronetexnika bula dip xäbär itkän ide itüen. Şulay da, 9 may qazanlılarğa üz yañalığı belän kilde. Bıyıl ul elekke yıllardağı kebek Ciñü parqında tügel, ä Meñellıq mäydanında ütte. Manzarası belän dä bu urın üzençälekle. Kirmängä ük terälep tora. Ber yağında oçar tälinkägä oşağan sirk, ikençe yaqta Piramida. Qol Şärif mäçete dä köne buyı törle cırlı-byüle küreneşlär barğan säxnä artında uq ide.


--------------------------------------------------------------------------------------------

►"Şärıq"ta iñ popular cır

Qazandağı «Şärıq» klubında yıl tatarları qotlandı. Anda Läylä Däwlätowa, Zinnur, Tamçığöl, İsmail, Säwbän cırladı.

Läylä Däwlätowa.
Şärıq” klubında Qazanda yäşäwçe yıl tatarların qotladılar. Alar arasında sportçı “Aq Bars” qomandası xoqkeyçısı Danis Zaripov, “Üzebez” xäräkäte qoordinatorı Rezidä Safiullina häm başqalar bar. Ä ufalı Ramil Bignov tatar säyäsätçese bularaq tanılu alğan. Tik ul kilä almağan. Anı Ufağa barıp qotlayaçaqlar.

“Mäskäwdän kilgän “Tatarlar.ru” portalı xucası Timur Söläymanov, bäyge inde İnternetta un yıl çaması törle saytlarda häm forumnarda uzdırıldı, dide. Tuqsanınçı yıllarda “İdel” jurnalı yasıy başlağan yıl tatarı bäygese xäzer “Tatarlar.ru” portalında bilgelänä. Timur Söläymanov İnternettağı tawış birülärne demoqratik dip sanıy. “Anı jyüri xäl itmi ikän, barı tik qullanuçılar üzläre genä”, - di ul.

--------------------------------------------------------------------------------------------

►Başqorttar Putindıñ xökümät başlığı buluına quana

Räsäy Däwlät Dumahındagı Başqortostan deputtarı la Vladimir Putindıñ Räsäy xökümäte başlıgı bulıuҙarına ıñgay tawış birҙyı.Mäglüm bulıuınsa, respublikanan dumala Berzäm Räsäy firqähenän 14 deputat eşläy. Başqortostandan duma deputatı Säliä Mırzabayıwa fekerensä, Vladimir Putin Däwlät Şurahı ultırışında bildälägän plandarın xökümät platformahı itep algan.





XS
SM
MD
LG