Bush üz säfären bäyrämnän başlıy: İzraildä ul yähüd däwläteneñ 60 yıllığı tantanalarında qatnaşaçaq. Şulardan iñ ähämiätlese - İzrail prezidentı Şimon Peres oyıştırğan häm yähüdlärneñ İzraildäge häm ğomumän dönyadağı kiläçägenä bağışlanğan olı konferensiä.
Amerikan prezidentınnan tış anda başqa elekke häm xäzerge citäkçelär dä qatnaşa. Misal öçen, Mixail Gorbaçov, Vaclav Havel, Mixail Saakaşvili, Henry Kissinger häm başqalar.
Ämma bäyrämnän bigräk Bushnı Yaqın Könçığışta töbäkne inde yartı ğasırdan artıq bitärlägän häm älegä çişeleşe bötenläy kürenmägän problemalar turında awır söyläşülär kötä.
Uzğan noyäbrdä amerikan prezidentı İzrail belän fälästinnär arasında söyläşülärne yañartu maqsatında Annapolis şähärendä xalıqara kiñäşmä ütkärgän ide. Anda ike yaq ta - yähüdlär dä, fälästinnär dä Bush şuşı yıl azağında prezidentlıqtan kitkänçe solıx kileşüenä ireşergä wäğdä itte.
George Bush üze prezidentlığın şundıy zur uñış belän yomğaqlap quyunı bik teli häm bu maqsatqa ireşü mömkin dip sanıy.
Ämma könnär, aylar uza tora, tik solıx mäs'äläsendä ällä ni qazanışlar kürenmi. Xäzer inde amerikan prezidentı üze dä maqsatına ireşü turında sağraq belderülär yasıy.
Elegräk süz "ike däwlät", yäğni İzrail yänäşäsendä möstäqil fälästin däwläten dä qoru xaqında barsa, soñğı belderülärendä Bush maqsatın "däwlätneñ nindi buluın açıqlaw" dip bilgeli.
"Yul xaritası kebek ütälüe tieş, mäcbür yöklämälär bulırğa tieş. Monısın härkem añlıy. Berençe adım bulıp taswirlama tora. Däwlät şvitsar çıtqısı, sırı kebek tişek bula almıy, ul çikläre bilgelängän häm qaçaqlar mäs'äläse xäl itelgän totaş cir bulırğa tieş", dip beldergän ide prezident Bush BBCneñ ğäräp kanalına.
İzraildän soñ AQŞ prezidentı töbäktäge ikençe möhim berektäşe - Söğüd Ğäräbstanına yul totaçaq. Anda da Bushnı üzençä bäyräm kötä, ike il arasında diplomatik mönäsäbätlärne urnaştıruğa 75 yıl tula.
Läkin bäyrämgä başqa ber problema - neft bäyäläreneñ qotırıp üsüe külägä töşerü säbäple, prezident söyläşüläre üzägendä şul torır dip farazlana. Aq yort xucası söğüd patşasın neft bäyälären awızlıqlaw ölkäsendä ni dä bulsa eşlärgä öndiäçäk, gärçä ğinwar ayındağı soñğı säfäre waqıtında ul monı inde ber ütengän ide, ämma neft şäyexläre yağınnan berni dä bulmadı, kiresençä, bäyälär tağın da üste genä.
Şimbä häm yäkşämbene Bush Mısırda ütkäräçäk, anda ul Xösni Möbäräk belän genä tügel, ä Äfğanstan prezidentı Xämit Qarzai häm Liban premyer-ministrı Fuat Siniora belän dä oçraşaçaq.
Siniora belän söyläşülärgä ayıruça zur ähämiät birelä - Washington şulay üzeneñ "Xizbulla" xäräkäte belän qarşılıqqa kergän Liban xökümäten yaqlawın kürsätergä teli. Könbatış häm İzrail, Xizbullanıñ Liban xökümäten qaqşatu tırışlığı artında İran häm Süriä tora dip belderä.
Amerikan prezidentınnan tış anda başqa elekke häm xäzerge citäkçelär dä qatnaşa. Misal öçen, Mixail Gorbaçov, Vaclav Havel, Mixail Saakaşvili, Henry Kissinger häm başqalar.
Ämma bäyrämnän bigräk Bushnı Yaqın Könçığışta töbäkne inde yartı ğasırdan artıq bitärlägän häm älegä çişeleşe bötenläy kürenmägän problemalar turında awır söyläşülär kötä.
Uzğan noyäbrdä amerikan prezidentı İzrail belän fälästinnär arasında söyläşülärne yañartu maqsatında Annapolis şähärendä xalıqara kiñäşmä ütkärgän ide. Anda ike yaq ta - yähüdlär dä, fälästinnär dä Bush şuşı yıl azağında prezidentlıqtan kitkänçe solıx kileşüenä ireşergä wäğdä itte.
George Bush üze prezidentlığın şundıy zur uñış belän yomğaqlap quyunı bik teli häm bu maqsatqa ireşü mömkin dip sanıy.
Ämma könnär, aylar uza tora, tik solıx mäs'äläsendä ällä ni qazanışlar kürenmi. Xäzer inde amerikan prezidentı üze dä maqsatına ireşü turında sağraq belderülär yasıy.
Elegräk süz "ike däwlät", yäğni İzrail yänäşäsendä möstäqil fälästin däwläten dä qoru xaqında barsa, soñğı belderülärendä Bush maqsatın "däwlätneñ nindi buluın açıqlaw" dip bilgeli.
"Yul xaritası kebek ütälüe tieş, mäcbür yöklämälär bulırğa tieş. Monısın härkem añlıy. Berençe adım bulıp taswirlama tora. Däwlät şvitsar çıtqısı, sırı kebek tişek bula almıy, ul çikläre bilgelängän häm qaçaqlar mäs'äläse xäl itelgän totaş cir bulırğa tieş", dip beldergän ide prezident Bush BBCneñ ğäräp kanalına.
İzraildän soñ AQŞ prezidentı töbäktäge ikençe möhim berektäşe - Söğüd Ğäräbstanına yul totaçaq. Anda da Bushnı üzençä bäyräm kötä, ike il arasında diplomatik mönäsäbätlärne urnaştıruğa 75 yıl tula.
Läkin bäyrämgä başqa ber problema - neft bäyäläreneñ qotırıp üsüe külägä töşerü säbäple, prezident söyläşüläre üzägendä şul torır dip farazlana. Aq yort xucası söğüd patşasın neft bäyälären awızlıqlaw ölkäsendä ni dä bulsa eşlärgä öndiäçäk, gärçä ğinwar ayındağı soñğı säfäre waqıtında ul monı inde ber ütengän ide, ämma neft şäyexläre yağınnan berni dä bulmadı, kiresençä, bäyälär tağın da üste genä.
Şimbä häm yäkşämbene Bush Mısırda ütkäräçäk, anda ul Xösni Möbäräk belän genä tügel, ä Äfğanstan prezidentı Xämit Qarzai häm Liban premyer-ministrı Fuat Siniora belän dä oçraşaçaq.
Siniora belän söyläşülärgä ayıruça zur ähämiät birelä - Washington şulay üzeneñ "Xizbulla" xäräkäte belän qarşılıqqa kergän Liban xökümäten yaqlawın kürsätergä teli. Könbatış häm İzrail, Xizbullanıñ Liban xökümäten qaqşatu tırışlığı artında İran häm Süriä tora dip belderä.