Accessibility links

якшәмбе, 11 декабрь 2016, Казан вакыты 16:47

►Tuğan tel – zamana qorbanımı? ►Eşmäkärlekkä xaq sorap cıyın uzdı ►2011 yılda Tatarstan iqtisadı niçek bulaçaq? ►2010 yıl canisäbe öçen millät isemlege äzerlänä ►Migrantlar kübäygän sayın problemalar da arta ►Qazanda tatar telennän berdäm imtixannı 107 keşe genä tapşırğan

--------------------------------------------------------------------------------------------

►Tuğan tel – zamana qorbanımı?

Tügäräk östäldä qatnaşuçılar
Comğa könne Tatarstan parlamentında milli mäğärif mäsälälärenä bağışlanğan tügäräk östäl söyläşüe uzdı. Qazan şähäreneñ mäğärif citäkçeläre, mäktäp direktorları belän bergä Qazan şähäreneñ milli cämäğätçelege qatnaşqan bu söyläşü bik üzençälekle buldı.

Monda süz 2007 yılnıñ 1 dekabrendä çıqqan federal qanunğa tayanıp, däwlät belem birü standartınnan milli-töbäk komponentı beterelgäç, Qazan mäktäplärendäge wäzğeyät turında bardı. Mäğärif citäkçeläre federal' qanunğa buysınıp, xäzer ük milli komponenttan başqa uqıtu programmaların äzerli başlağannar. Xäzer bu qanunnı ütärgäme, ällä anı ğämäldän çığaru maqsatına ireşü yulınnan barırğamı digän sorawlar quyıldı.

--------------------------------------------------------------------------------------------

►Eşmäkärlekkä xaq sorap cıyın uzdı

Yulçı taşuçılar, yabıluçı kibetlärneñ xucaları, alarnıñ eşçeläre häm satıp aluçılar, yulçılar üzläre Qazanda uram cıyını yasadı.

Tatarstanda häm başqalada yulçı taşuçılar, yabıluçı kibetlärneñ xucaları, eşçeläre, bazarlardan äyber satıp aluçılar Qazanda uram cıyını yasadı. Alar Rusiäneñ yaña prezidentına yazılğan şikayät tarattı. Uram cıyının yasağan urta häm waq eşmäkärlär gildiäse Rusiä prezidentı bulıp Dmitriy Medwedev kilgännän soñ Tatarstanda alarğa qarata "mönäsäbät yaxşırır," - dip ömetlänä.


--------------------------------------------------------------------------------------------

►2011 yılda Tatarstan iqtisadı niçek bulaçaq?

Tikşerülär kürsätkänçä, bügenge köndä Tatarstanda urta xezmät xaqı 14 meñ sum täşkil itä. Belgeçlär isä aldağı öç yılda bu kürsätkeç tağın 20%qa artırğa tieş, di.

Ämma keremnär 1,5 tapqırğa artsa da, xalıqnıñ satıp alu säläte barıber dä, bernikadär tübänräk bula, inflasiane onıtırğa yaramıy. Pänceşämbe Tatarstannıñ iqtisad ministrlığında uzğan kollegia utırışında 2011 yılğa iqtisadıy üseş farazları häm bäyälärneñ torışı qaraldı.


--------------------------------------------------------------------------------------------

►2010 yıl canisäbe öçen millät isemlege äzerlänä


Valeriy Kandilov
2010 yılğı xalıq sanın aluğa äzerlek başlandı. Bu yulı keşegä öç törle millätne saylaw täqdim itelergä mömkin.

Bügen Tatarstandağı statistika, migrasia, ustisia, tözeleş oyışmaları wäkilläre matbuğat oçraşuın ütkärep, 2010 yılğı xalıq sanın aluğa barğan äzerlek turında söyläde. Statistika komitetı wäkilläre, ütkän canisäp waqıtında xatalar barlığın tanıdı häm alğa taba millätne bilgeläwne başqaça alıp barırğa wäğdä itte.

Rusiä Däwlät Statistqa federal xezmäteneñ Tatarstan bülege başlığı Waleriy Qandilov, kiläse xalıq sanın alu turında äytkändä, bezneñ täqdimnärne isäpkä alğannar, dip belderde. Belgänegezçä, ütkän canisäp waqıtında, tatar milläte berniçä törkemgä bülenep kürsätelde. Tatar, keräşen, seber tatarları, tiptär, mişär törkemnäre ayırım millätlärgä ayırıldı.

Bu millätlär isemlege tiräsendä qaynar bäxäslär çıqtı. Tatarstanda häm tatarlar yäşägän başqa töbäklärdä dä, bülgäläwgä qarşılıq belderelde, respublikanıñ iñ yuğarı citäkçelege qatnaşlığında “Tatar milläten bülgälämägez, bez berdäm xalıq!” digän kampania bardı.

Bıyıl Rusiäneñ berniçä töbägendä canisäp sınaw räweşendä ütäçäk. Anda qullanıla torğan soraw alu isemlege inde raslanğan. Anda millät sorawı niçek quyıluı turında, äle bilgele tügel. Ütkän can isäp belän çağıştırğanda, kiläsesendä yäşäw şartları turında täfsilläbräk mäğlümat cıyu, internetnı qullanu häm çit illärgä kitep yäşäw turında sorawlar birü dä küz aldında totıla.

--------------------------------------------------------------------------------------------

►Möselman akademiklar Qazanğa faydamı?

Qazanda Islam dönyası Akademiase cıyılışı uzaçaq. Islam dönyasınıñ nıqlı üseşennä bağışlana. Aña Nobel büläge iäläre dä kiler dip kötelä.

25-29 august könnärendä Qazanda Islam dönyası Akademiaseneñ XVI fänni cıyılışı uzaçaq. Ul: “Islam dönyasınıñ nıqlı üseşe öçen fän, texnologialär, yaña ısullar. Säyäsätçelär häm ğälimnärneñ yaqınayuı», - dip atala.

--------------------------------------------------------------------------------------------

►Migrantlar kübäygän sayın problemalar da arta

Tatarstan xalıqları Assambleyäsı; xezmät, mäşğüllek häm sosial' yaqlaw; iqtisad; eçke eşlär ministrlıqları häm Tatarstan migrasia xezmäte idaräse wäkilläre Respublikanıñ migrasia säyäsäte turında kileşü imzaladı.

Tatarstanda törle tarmaqlarda küpme migrant eşli digän sorawğa kilgändä isä, sannar aldağını kürsätä. İñ kübe tözeleştä- 63 prosent. Annan qala bazarlardağı kommersiadä 15, säwdä häm azıq-tölek tarmağına 10 prosent täşkil itä.Sälamätlek saqlaw ministrı äytüençä dä, çit ildän kilep eşläwçe tabiplarnıñ sanı könnän kön arta bara.


Törle tarmaqlarnıñ bu urtaq kileşüe migrantlar häm eşkä çaqıruçılar aldında tuğan problemalarnı cayğa saluğa yärdäm itäçäk dip ömetlänä anı imzalawçılar. Bu berençe kileşü tügel. Şundıy ber doqument 2006 yılnıñ 1 yünendä 3 yılğa imzalanğan. Äle waqıtı çıqmağan bulsa da menä yañası äzer. Başqarma xakimiattä üzgäreşlär, yaña migrasia qanunı häm şulay uq Tatarstan xalıqları assambleyäsı oyışu da bu yaña kileşüne imzalarğa etärgän.

--------------------------------------------------------------------------------------------

►Qazanda tatar telennän berdäm imtixannı 107 keşe genä tapşırğan

Rinat Ğıyläciev jurnalist bulırğa teli
16 may könne Berdäm däwlät imtixanı qısalarında Tatarstandağı 385 çığarılış sıynıf uquçısı da tatar telennän Berdäm respublika sınawı birde.

Uquçılar comğa könne tapşırğan imtixannı berniçä tapqır YeRE dip atadı. Tatar telennän tapşırılğan sınaw änä şulay Yedinıy respublikanskiy ekzamen, yäğni Berdäm respublika imtixanı dip ataldı. Häm Qazan şähärendä anı 107 uquçı ğına birergä cörät itkän.
XS
SM
MD
LG