Accessibility links

якшәмбе, 4 декабрь 2016, Казан вакыты 00:51

Bügen Pekinneñ Tiananmän mäydanında açı sirän tawışı yañgıradı. Qıtay bayrağı yartılaş töşerelde. Xalıq bügen uzğan atna zilzilä bulğan säğattä yäğni cirle waqıt belän säğat 2’28-dä faciğada ülgännärne iskä aldı.

Uzğan atna 7.9 däräcädä Qıtaynı teträtkän zur zilzilädän soñ bügen Qıtayda 3 könlek matäm iğlan itelde. Näk ber atna elek Qıtaynıñ könyaq-könçığış Siçuan wilayätendä bulğan zilziälädä ülgännär sanı 32.500 gä citte.Qıtay räsmiläre bu sannıñ soñgı tabılğan mäyetlär belän 50 meñgä artaçağı turında kisätä.

Uzğan atna bulğan cir teträwendä, räsmi çığanaqlarğa kürä 9 meñ keşeneñ cimerelgän binalar astında qaluı isäplänä, qalğan 30 meñ keşedän isä xäbär yuq. Qaldıqlar astınnañ çığarılğan keşelär sanı 34 meñnän artıq. Yaralanğannar isä 220 meñ tiräse. Qotqaruçılar inde zilziläneñ öçençe könennnän uq bina qaldıqları arasınnan isän keşe tabu ömete qalmadı dip beldergän ide, ä xäzer bu mömkinçelek bötenläy qalmadı.

Teträwlär däwam itä

Soñgı könnärdä köçle yañgır yawıu arqasında, ezläw häm qotqaru eşläre, tağın da qıyınlaştı. Qotqaru çaralarında xäzer inde töp iğtibar qaldıqlar astınnan keşe ezläwdän kübräk, isän qalğannarnı daru häm yäşäw urınnarı belän tämin itü eşlärenä yünälderelä. Monnañ qala zilziläneñ täsire däwam itä, arada tübän däräcädä bulsa da teträwlär bula. Bu isä xalıqnı tağın da qurquğa sala häm qotqaru eşlären totqarlıy. Soñgı mäğlümätlärgä qarağanda qotqaru xezmätlärlärennäñ dä 200 keşe, qotqaru waqıtında hälaq bulğan.

Sannarğa tayanğan mäğlümätlär aşa zilziläneñ zur täsiren çamalap bulsa da, mäydandağı xalıq fikere belän urtaqlaşırğa buldıq. Çığışı belän zilzilä töbägennäñ bulğan xanım kiçereşlären bolay añlattı:

“Barı tik bik citdi waqıyğalar zamanındağına bayraqlar yartığa iñderelä. Läkin buyılı çınnan da bik citdi waqıyğa bu. Min fäciğadän soñ xäbärlärnee qarağanda yaralanğannarnı, yaqınnarın yuğaltkan keşelär belän alarnıñ balaların kürügä çıdıyalmim, yılap cibäräm. Çınnan da xällär bik faciğale, añlatıp ta bulmıy.”

Çit illärgän kilgän yärdäm, 860 million dollarga citkän

12 mayda bulğan cir teträwendä, 5 millionnan artıq keşe öysez qaldı. Qıtay öysez watandaşların waqıtlıça bulsa da çatırlar belän tämin itär öçen xalıqara cämäğatçelekkä yärdäm sorap möräcäğat itte. Qıtay räsmiläre çit illärgän cibärelgän yärdämeñ, 860 million dollarga citüen belderde. Zilzilädän soñ küp kenä il tiz arada, faciğa cirendäge keşelärne qotqaru öçen üz qotqaru törkemnären cibärde.

Taşu qurqınıçı

Zilzilä säbäple ziyan kürgän töbäktä, yılğa yulında tufraq eşelüe säbäple taşu qurıqınıçı yanıy ide. Räsmilär taşu bulu ixtimalı belän kisätkännäñ soñ, xalıq töbäktän qaça başladı küplär baş töbäklärgä köçerelde. Räsmilär belderüençä xäzer, taşu qurqınıçı betkän.


XS
SM
MD
LG