Accessibility links

сишәмбе, 6 декабрь 2016, Казан вакыты 15:04

►19 may – Tatarstan matbuğatı köne ►FISU sınawı tämam, ä “bilgene” kötäse ►Möselman yäşläre köräşä ►Çıñğız Aytmatov awır xäldä Germaniagä ozatıldı ►Yäşlär tuğan tel dawlıy

--------------------------------------------------------------------------------------------

►19 may – Tatarstan matbuğatı köne

Düşämbe könne respublika citäkçeläre dä jurnalistlarnı, mäğlümät çaraları wäkillären respublika matbuğatı köne belän täbrikläde.

Gädättä, matbuğat köne respublikada bik zurlap ütkärelä ide. Bıyıl bu könne “Watanım Tatarstan” gazetasınıñ 90 yıllığına bağışlanğan fänni cıyın uzdı. Ul “Milli matbuğatnıñ kiläçäge” iseme astında ütte. Matbuğat köne uñayınnan töp çaralar isä, 23 may – comğa könne uzaçaq. Bu könne «Bällür käläm» jurnalistlar bäygesendä ciñüçelärne büläkläw, Bawman uramında «Mäğlümat çaraları» mäydançığı eşliaçäk.

--------------------------------------------------------------------------------------------

►FISU sınawı tämam, ä “bilgene” kötäse
Tamer Kemal, Malumbete Michael Ralethe, Stefan Bergh, Jasnic Sinisa, Douvis Stavros, Isaato Igarashi.
Tatarstan citäkçelege FISU bäyäläwçeläre aldında imtixan tottı, bilgelär 31 mayda bilgele bulaçaq. Maynıñ soñğı köne 2013 yılğı Dönya külämendäge Universiadanıñ qayda ütäçägen açıqlayaçaq. İspanianeñ Viğo häm Könyaq Koreanıñ Guang Ju şähärläre Qazannıñ köndäşläre älegä. Nämzät şähärlärneñ mömkinleklären tikşerep bäyä birüçe törkem uzğan şimbä, yäkşämbe könnärendä Tatatrstan başqalasında buldı. Aña qädär alar älege ike nämzät qala belän tanışqan ide inde.

FISUnıñ bäyäläw törkeme Qazan belän tanışıp qaytıp kitte inde. Yäkşämbe kiçendä uzğan matbuğat oçraşuı waqıtında bu törkem başlığı Stefan Bergh Qazannıñ iğtbirğa layıq yaqların sanadı. Sport qorılmalarınıñ küplegenä iğtibar itte. Qunaqlarnı urnaştıru häm yörtü öçen Universiadanı ütkärgändä qänäğätlänerlek plannar buluın äytte. Şulay uq bu çaranı Rusiä külämendä häm xakimiatneñ barlıq basqıçlarında da xuplawları alarnıñ küñellärenä xuş kilgän.


--------------------------------------------------------------------------------------------

►Möselman yäşläre köräşä


Çallıda qor'än uqu, azan äytü buyınça bäygelär küp buldı. Xäzer inde möselmannar arasında köräş oyıştıruğa igtibar birelä. Berençe bäygene Tatarstan Diniä Näzaräte Çallı möxtäsibäte belän uzğan yılnıñ deqäberendä qul köräşe buyınça oyıştırdı. 17 mayda tatarça köräş buyınça yarış uzdı. Anda Tatarstannıñ 21 rayon häm şähärennän 125 keşe qatnaştı. Yarış şartları buyınça köräşçelär 5 waqıt namazlı, islam qanunnarın ütäwçe bulırğa tieş.

--------------------------------------------------------------------------------------------

►Çıñğız Aytmatov awır xäldä Germaniagä ozatıldı

Qazanda yazuçı turında “Ğasırdan da ozınraq kön” doqumentäl film töşerelergä tieş ide. Şulay uq Çıñğız Aytmatovnıñ respublikağa ike könlek säfäre qısalarında Tatarstan prezidentı Miñtimer Şäymiev belän oçraşuı da niätlängän ide. Östäwenä, yazuçı üzeneñ tuğannarı belän oçraşıp, Baltaç häm Quqmara rayonında bulırğa telägän. Ämma 16 may könne irtän Çıñğız Aytmatovnıñ xäle naçarayuı säbäple, ul respublika klinik xastaxanäsenä ozatıla.

Monda Çıñğız Aytmatovnıñ xälen Tatarstannıñ äydäp baruçı medisina belgeçläre daimi räweştä küzätep torıp, kiräkle böten medisina yärdämen kürsätte. Äytergä kiräk, Çıñğız Aytmatovnı xastaxanägä saluğa bäyle räweştä, Qazanğa Qırğızstan respublikasnıñ Rusiädäge ilçese Raimqol Attakurov ta kilde.

Tabiblar dönya ädäbiätı klassiğınıñ xälen bik awır dip bäyäli. Tatarstan tabibları däwalawnıñ böten bilgele alımnarın da qullanıp qarağan, ämma yazuçını xäle tağın da naçarlanıp kitkän. Xätta Tatarstannıñ häm Rusiäneñ äydäp baruçı qardioloğları häm nevropatoloğlarnıñ qonsiliumın uzdırırğa turı kilde. Yazuçığa böyer awıruı diagnozın quyılğan ide. Ämma yaxşı yaqqa üzgäreşlär bulmağanlıqtan düşämbegä qarşı töndä yazuçını Germaniadä urnaşqan klinikalarnıñ bersenä däwalanuğa ozatqannar.

--------------------------------------------------------------------------------------------

►Yäşlär tuğan tel dawlıy

Mitingqa cıyılğan yäşlär
Yäkşämbe könne Şärıq klubına yörüçe tatar yäşläre Qazan üzägende oyıştırğan uram cıyını uzdı.

Monda milli töbäk qomponentın mäktäptä uqıtu standartlarınnan töşerep qalu turındağı federal' qanunğa tözätmägä qarşı çığışlar yañğıradı. Mintingqa cıyılğannarnı borçığan töp mäsälä mäktäplärdä milli tellärne uqıtu bulsa da, biredä yañğırağan çığışlar kisken säyäsi eçtälek aldı.

Bu cıyınğa kilüçelärn az buluı Qazanda näq şul könnärdä böten dönya studentlar uniwersiadasın ütkärü komissiaseneñ eşläwe belän dä añlatıla. Xakimiat studentlarnıñ bayraq kütärep mäydanda qıçqırıp toruınıñ mäğn”senä töşenep tormadı. Qazannıñ uniwersiada ütkärergä layıqlı buluın kürsätü törle mäydannarda sport çaraları öçen uramnarda automaşinalar xäräkäte dä çiklände. Uram cıyının kürüçelär häm işetüçelär az ide.
XS
SM
MD
LG