Accessibility links

шимбә, 3 декабрь 2016, Казан вакыты 20:46

Myanmarnıñ xärbi xaqimiäte axırda faciğada ziyan kürgännärgä bulışırğa ölgerä almawın tanıy başladı. Xärbi citäkçelek bügen 3 könlek matäm iğlan itep xalıqara yärdäm köçläre belän bergä eşlärgä kileşä.

Myanmar xärbi xaqimiäte başta ülüçelär sanın äz kürsätep yärdäm itü eşendä üz başına citä aluın beldergän ide. Läkin ülgännär häm yuğalgannar sanı 133 meñgä citkäç genä, Myanmarnıñ xärbi xaqimiäte axırda faciğada ziyan kürgännärgä bulışırğa ölgerä almawın tanıy başladı.


Myanmar xärbi xaqimiäteneñ xäzergäçä Myanmarda afät waqıtında bulğan ziyan turında açıq bilderü yasarğa telämäwe , xalıqara yärdäm köçlärenen borçuda qaldıra. Xaqimiät tufan buluına inde 3 atna ütkäç kenä 3 könlek matämne iğlan itärgä buldı. Älege matäm köne isä, xaqimiät başlığı Than Shweneñ 100 meñläp keşe hälaq bulğan afät cirlärenä, bügen berençe tapqır yasağan ziäräte waqıtında ğına iğlan itte.

Bügen afättä ülgännär häm yuğalğannar sanı 133 meñgä citte. Läkin xalıqara yärdäm köçenläre, bu sanıñ äle küpkä arta aluı turında kisätä. Çönki Myanmar xaqimiäte bu xaqta açıq itep bilderü yasarğa telämi. Xalıqara yärdäm köçläre isäpläwençä, 2 million 400 meñläp keşe açlıq belän köräşä yäisä daru tabalmıy iñtegä.

Myanmar xaqimiäte, monnan ber atna elek, afät cirläredä xalıqqa yärdäm itärgä telägän yärdäm köçläre taqdimnäre kire qağıp kilde. Xäzer BMO başlığı Ban Ki Moonınıñ afät cirlärenä kilep ziärät itüenä häm yärdäm köçläreneñ xezmättäşlek taläplären röxsät itä. BMO başlığı wäkile Michele Montas, düşämbe kön yasağan çığışında, BMO sekretarı Ban ki Moonmın Myanmarga bulaçaq säfäre turında bolay dide:

“General sekretar, irtägä Tayland häm Myanmarga baraçaq. Çärşämbe kön ul Yangonda bulaçaq. Ul barğaç ta afättä iñ küp ziyan kürgän cirlärdäge xällär belän tanışaçaq. Annañ soñ Myanmarnıñ yuğarı räsmiläre belän oçraşaçaq. İkençe könne isä, Bangkokka barıp, anda ike yaqlı söyläşülär başlıyaçaq. 25 mayda isä Yangonga kire qaytıp BMO häm ASEAN illärennän kilgän il wäkilläre belän bergä cıyın uzdıraçaq.”

Axır çiktä xäzer Myanmar xalqına xalıqara yärdämne citkerü eşendä çikläwne beterde sıman, Läkin xaqimiät yärdäm köçläre belän tiyeşleçä xezmättäşlek itme.

ASEAN yäğni Azia berlege illärennän cibäreläçäk 300 tabipne Myanmar qabul itäçägen belderde.

BMO dönya aşamlıq programı belderüençä, İrriwaddy qultığında afät cirenä cibäreläse dögeneñ ni barı 750 meñ xalıqtnıñ 3/1 öleşenä genä citkän.

AQŞtağı, keşe xoquqları küzätüçese, Myanmar xaqimiäteneñ ASEAN illäre yärdämnären qabul itä başlawı problemnı xäl itüdä faydası bulmayaçaq di. Küp taläp bulğan cirlärgä bu illärneñ ölgerüe mäsäläse soraw astında.



XS
SM
MD
LG