Accessibility links

пәнҗешәмбе, 8 декабрь 2016, Казан вакыты 03:23

►Xalıq tatar-törek mäktäplären yaqlap kütärelä ►Watanım tantanası ►Säfärov "Acdaha"nıñ utırtıluında şiklänmi ►Kolesov kemneñ tägärmäçe?


--------------------------------------------------------------------------------------------

►Xalıq tatar-törek mäktäplären yaqlap kütärelä

7-nçe tatar-törek mäktäbe uquçıları
Düşämbe Qazanda ata-analarnıñ berläşterelgän zur cıyılışı uzsa, çärşämbe könne uram cıyını-piket bulaçaq.

Qazannıñ näq üzägendäge Ğumilev häykäle yanında Tatarstandağı tatar- törek litseyların yaqlap uram cıyını, yäğni piket uzaçaq. Bu çara çärşämbe könne säğät 11-dä başlana. Uram cıyınına Tübän Kamadan häm tatar-törek litseyları bulğan başqa şähärlärdän dä wäkillär kiler dip kötelä. Bu mäktäplär Tatarstanda 7. Bäysez çığanaqlar xäbär itüençä, Tübän Kamadağı bu uqu yortı mödiren eşennän alırğa telilär ikän.


20 may könne Mäskäw waqıtı belän 22 säğättä internet aşa Rusiä prezidentı säxifäsenä kerep, bu mäktäplär yazmışına canı ärnegän häm borçılğan härkem, Rusiä räsmiläre tarafınnan bu tatar-törek litseyları östennän alıp barılğan säyäsätkä qarşılıq belderep, xat yullarğa cıyına. Şulay berdäm räweştä fiker belderü 26 may kiçke 10 ğa qädär däwam itäçäk.

Tatar-törek litseyları Tatarstanda 16 yıl eşläp kilä. Çit tellärne yaxşı belgän uquçılar här tör olimpiadalarda, bäygelärdä gel ciñü yawlap kilä. Älege mäktäplärne betergännärneñ barsı da dip äyterlek abruylı yuğarı uqu yortlarında belem ala.


--------------------------------------------------------------------------------------------

►Watanım tantanası

19 may Tatarstan qanunnarı nigezendä menä inde 10 nçı yıl matbuğat köne bularaq bilgeläp ütelä.
Näq bu könne üzäk uramnarda gazeta-jurnallarnıñ, tele-radio kompanialärneñ maxsus kürgäzmäläre, uyın-kölke bäyrämnär, här mäğlümat çarasınıñ üz-üzen kürsätü yolası ütkärelä, “Bällür qäläm” bäygeseneñ yomğaqları da şul könne tantanalı räweştä iğlan itelä. Uzğan düşämbedä Tatarstan matbuğatı köne räsmi räweştä iskä alınsa da, bäyräm çaraları ütkärelä. Bu kön tulısınça “Watanım Tatarstan” gazetasınıñ 90 yıllığına bağışlandı.

Bäyrämgä bağışlap foto kürgäzmälär oyıştırılğan ide. Soñınnan “Tatarstan” qunaqxanäseneñ restoranında tön urtasına qädär aş mäclese däwam itte. Uzğan ğasırnıñ 30-40 yıllarında redaksianeñ ber suqır atı buluı turında M.Säfärov istäleklärdän belä. Bügen isä tatarça çığuçı räsmi gäzitneñ eş şartları bötenläy başqaça. Maşinalar, bülmälär, mäcleslär üzgäräk…
Şulay ütte «Watanım»nıñ bäyräme. Tatar matbuğatına bäyle härkem bu könne räsmi gazetanıñ märtäbäsen kürep ğorurlandı diärgä bula. “Watanım”da bik küplär eşlägän, anıñ elekke ütken qälämle jurnalistları, baş möxärrirläre dä bügenge tantanada üzläreneñ xezmäte barlığın yaxşı belä. Bu barlıq tatar qäläm iäläreneñ urtaq bäyräme buldı.


--------------------------------------------------------------------------------------------

►Säfärov "Acdaha"nıñ utırtıluında şiklänmi

İñ "abruylı" kriminäl citäkçegä 12 yıl elek qılınğan cinayätlär öçen ğäyepläw belderelgän

Tatarstan mäğlümat çaraları iñ möhim xäbär bulıp, “Draqon”, yäğni "Acdaha" iseme belän tanılğan cinayätçel törkem başlığınıñ qulğa alınuı häm cawaplıqqa tartılu mömkinlege turında yaza. Süz Radik Yusıpov turında bara. Anı soñğı waqıtta, zur biznes wäkile, ere eşmäkär dip belälär ide. Ä yılegräk ul, Qazanda bilgele cinayät terkemnäreneñ aktiv äğzäse bulğan, soñınnan, berniçä törkemne berläşterüçe "abruylı" citäkçe isemenä ireşkän, dip xäbär itelä.

Xäzer Radik Yusıpov qulğa alınğaç, Tatarstan eçke eşlär ministrı Äsxät Säfärov üze belderü belän çıqtı.


--------------------------------------------------------------------------------------------

►Kolesov kemneñ tägärmäçe?

Tatarstan -- Amur ölkäse citeksese Nikolay Kolesov
Nikolay Kolesov tägärmäçenä Amur yarlarında tayaq tıqqanda, ul yärdämne Qazannan alırğa tırışa. Ämma biredä bu tägärmäç bumerang kebek kire äylänep oçırğa tora.

Kolesovnıñ tözelep betä almağan yortı Nikolay Kolesov tägärmäçenä Amur yarlarında tayaq tıqqanda, ul yärdämne Qazannan alırğa tırışa. Yal itergä barğan oçqıç öçen tüläwne dä Qazannan dip aqlana.Ämma biredä bu tägärmäç bumerang kebek kire äylänep oçırğa tora. Çönki qosmik apparatlar şirkäten citäkläwçe Kolesovnıñ 23 yäşlek qızı, şähär Dumasında LDPR firqäse deputatı Anastasiä häm zur aqçalar belän uynawçı ulı qazanlılarnıñ açuın çığara. Tägärmäçneñ qaya taba äylänüen “Komsomol'sqaya prawda”nıñ çärşämbe sanında tağın kürsätäçäklär.
XS
SM
MD
LG