Accessibility links

якшәмбе, 4 декабрь 2016, Казан вакыты 11:24

Berläşkän millätlär oyışması başlığı Ban Ki-moon, köçle cil dawılda ziyan kürgän töbäkne urnında kürep, xalıqara yärdämnär mäsäläsendä xärbi başlıq Than Shwe belän söyläşer öçen bügen Myanmarga bardı.

Xärbi xökümät xalıqara yärdäm köçlärenä, xaqimiätneñ köçen kimetü qurquı belän röxsät itme ide. BMO başlığı säfäre waqıtında xärbi xaqimiätne xalıqara yärdämnärgä röxsät itärgä könderergä ömetlänä.

2 mayda bulğan köçle cil afätennän soñ atnalar ütüenä qaramastan, xärbi xaqimiät, xalıqqa yärdäm itüdä üzebez ölgeräbez dip belderep xalıqara yärdämnärne kire qağıp kilde. Ul ğına tügel afät cirlären kürergä telägän BMO başlığının telefonnarı da cäwapsız qalğan ide. Läkin afättä ülgännär sanı artıp, xalıqqa yärdäm itüdä ölgärä almağan xaqimiät säyäsäten yomşarta töşte, xäzer kübräk kürşe ASEAN yäğni azia berlege illärennäñ qala, qaysı ber xalıqara yärdämnärgä dä röxsät itelä başladı. Läkin çiklängän külämdäge yärdäm moxtaç xalıqnıñ ixtiyacınıñ ni barı 30 % ğına citkän.

Faciğa belän köräştä citeşsezlegen añlağan xärbi xaqimiät, çittän yomşara töşkän kebek kürensä dä, xalıqara yärdämnärgä şik belän qarawı säbäple yärdämne iltü eşendä barlıq uñaylıqlarnı äle buldırmıy.

BMO yärdäm köçe, barı tik ixtiyaç bulğan iñ kiräkle äyberlärne genä kertergä röxsät birelä dip belderä.

“Xalıqara cämäğatçelek, afättän ziyan kürgän xalıqqa tulısınça bulışa almıy, yärdämnär xalıqnıñ ni barı 20-30 %ına ğına citkän. Bu xispalar isä qanäğatländererlek tügel”

Bu, Bankoktağı xökümättän bäysez Mercy Malaysia dip isemlängän yärdäm oyışmasınıñ başlığı Cämilä Mäxmut süzläre buldı.

Läkin xalıqara yärdäm oyışmaları, Ban Ki-Moonnıñ Myarmargä säfäre belän yabıq eşeklärneñ açılaçağına ömet bağlıy. BMO başlığının Myanmar räsmiläre belän oçraşuda berençe bulıp, xalıqara yärdämnärgä röxsät itü mäsläsen söyläşäçäk.

Ban Ki-moon xärbi xökümätneñ qayğıların bastırıp, söyläşülärdä säyäsi mäsälälär tügel, xalıqnı qotqarıp qalu mäsäläläre turında söyläşeläçägen belderede.

Myanmar xaqimiäte generalläre xalıqara cämäğatçelektän 11 milliard dollar aqça taläp itä. Bu şaqtıy küp külämdäge aqçanı cibärergä riza bulğan xalıqara citäkçelär isä xärbi rejimneñ anı tiyeşleçä xalıqqa yärdäm eşendä qullanaçağına şik belderä.

Azia illäre berlege başlığı Surin Pitsuwan, xalıqara cämäğatçelekneñ başta iğanäçelek itär aldınnan Myanmarğa iñ berençel kiräkle bulğan äyberlärne öyränäse bar dip belderde.

Afätneñ berençe atnasınnan uq, Myanmar xaqimiäte çit il yärdämnären üzen alıp üze ül taratırğa teläde. Läkin çit illlärdän kilgän täñqitlär säbäple BMOğa afät cirlärenä turından turı yärdäm eltergä röxsät itelde.

Şulay da Yangon xaqimiäte AQŞ häm Fransia cibärgän yärdäm köymälären kötterä, alarğa röxsät birme. Xaqimiät könbatış illäreneneñ ilgä yoğıntı yasayağınnan şiklänä. Närges dip isemlägän bu cil dawılı, ildä bulğan iñ zur afätlärdän dip sanala.

XS
SM
MD
LG