Accessibility links

сишәмбе, 6 декабрь 2016, Казан вакыты 21:07

►Yul saluçılar Bolğar istäleklären aqtarıp taşlağan ►Tatarstanda üzgärtelgän minimäl azıq-tölek kärzine buldırıldı ►19 yıldan soñ Omskida tatar teatrı

--------------------------------------------------------------------------------------------

►Yul saluçılar Bolğar istäleklären aqtarıp taşlağan

Prokuratura belä torıp ber çara da kürmägän. Tarixi häykällärne cimerü däwam itärme?

Peterburdan Qıtayğa qädär tiz yöreşle häm tüläwle yul salğanda Tatarstan cirendä Bolğar çorına qarağan berniçä toraq urınnı häm möselman zıyaratın aqtarıp taşlağannar. Toraq urınnar, yäğni awıllar 11-15 ğasırğa qarıy torğan, tarixi mirasqa iä häykällär dip belderde arxeologia tikşerenülär milli üzägeneñ fänni xezmätkäre Zöfär Şaqirov. Bu urınnarnı ul äle yaña ğına üz küzläre belän kürep qaytqan.

“Yul tözüçelär ber toraq urnın tulısınça yuq itkännär. Tatar ziratı da yuq itelgän. Ul 11-12 ğasırğa qarıy”,- di Şaqirov. Traktorlar belän aqtarıp taşlanğan cirdä mäyet söyäkläre äle xäzer dä kürenep tora ikän. Bu zıyrat Alekseyevski rayonındağı Kürküle awılı yanında.

Tatarstan transport häm yul xucalığı ministrlığı bu tarixi urınnarnıñ häm tatar ziratınıñ tabıluı turındağı xäbärne äkiätkä tiñläde. Ministrlıqnıñ matbuğat xezmätennän yul tözeleşe öçen böten doqumentlarnıñ da kileşengän buluın äyttelär. Häm mondıy waq-töyäklär belän şöğellänep torırğa alarnıñ waqıtı yuq ikän, ministrlıq bügenge köndä zur eşlär belän mäşğül.


Arxeoloğlar uzğan yıl bu yul tözeläse cirneñ 90 çaqrımın tikşergän bulsa, bıyıl tağın 50 çaqrımğa eksperteza ütkärä. Ä qanunğa kürä, eş başlağançı uq bu eşlärne yul tözüçelär üz öslärenä alırğa, belgeç-arxeoloğlar cälep itergä häm finanslarğa tieş bulğan. Problema xaqında yulçılar belän ike tapqır söyläşü dä bulğan.

--------------------------------------------------------------------------------------------

►Tatarstanda üzgärtelgän minimäl azıq-tölek kärzine buldırıldı

Sişämbe Tatarstan Däwlät Şurası utırışında qaralğan töp sorawlarnıñ berse – respublikada yäşäw minimumın täşkil itkän azıq – tölek kärzinen qaru buldı. Bilgele bulğança ul biş yılğa ber tapqır yañartılıp torırğa tieş.

2006-2007 yıllarda Däwlät Şurası deputatları minimäl azıq-tölek kärzinen nıq tänqıytläp, anı tağın da qämilläşterergä kiräk dip, kire xökümätkä qaytarğan ide. Şuña kürä dä bu kärzinneñ, ber yıl soñarıp qabul itelüen, deputatlar, hiçtä, üzläreneñ ğäyepläre dip sanamıy. Bu yulı dikqät belän tıñlap utıruçı deputatlar aldında Tatarstan iqtisad ministrınıñ berençe urınbasarı, respublikanıñ sosial' häm iqtisadıy tikşerülär üzäge citäkçese Alevtina Kudryavseva imtixan tottı.

Bügenge köndä Tatarstanda 35% keşe yäşäw minimumınnan azraq aqça ala. Respublikanıñ 2005 – 2010yılğa sosial' – iqtisadıy üseş planı buyınça, bu yıllarğa respublikadağı iñ tübän xezmät xaqı yäşäw minimumı belän täñgäl bulırğa tieş.

Şulay itep, Däwlät Şurasında minimäl azıq - tölek kärzin mäsäläse qaraldı. Deputatları älege kärzinneñ küläme, sıyfatı belän qänäğät bulmasalar da, Däwlät Şurası başlığı Färit Möxämmätşin quşuı buyınça bu qanunnı ikençe çaqırılışqa qaldırmıyça qabul ittelär.

--------------------------------------------------------------------------------------------

►19 yıldan soñ Omskida tatar teatrı

19 yıldan artıq waqıt ütkännän soñ Omski tatarları, nihäyät, tuğan tellärendä spektakl qarıy aldılar.

Tatarstan- Tinchurin Teatrı Omskidä
Mondıy mömkinlekne alarğa Seber yaqlarına ğastrollär belän çıqqan Kärim Tinçurin isemendäge Qazan däwlät drama häm komediä teatrı kollektivı tudırdı. Omski tamaşaçısına “Gäyfi babay, öylän daway...” digän spektakl' täqdim itelde.

Omskiğä qädär bu spektakl Surğut, Tübän Warta, Neftiuganski, Kagalım, Tubıl häm Tömän şähärelärendä kürsätelde. Omskidan soñ Kärim Tinçurin teatrı gastrolläre Novosibirski ölkäseneñ Kuybeşev şähärendä, Novosibirskinıñ üzendä häm Tomski şähärlärendä däwam itäçäk.

Artistlar, tamaşaçılar oçraşudan qänäğät qaldılar. “Yullar yıraq, autobuslar belän yörülär uñaysız bulsa da, ozaqqa suzmıy, qabat bu yaqlarğa kilep çığarbız äle ”, - dide Tatarstannıñ xalıq, Rusiäneñ atqazanğan artistı, küp kenä spektakllärneñ autorı häm qayber äsärlärne säxnägä quyuçı İslamia Mäxmütova.

Menä şundıy ike yaq öçen dä faydalı oçraşu buldı Omski şähärendä. Qabat oçraşular bik ozaqqa suzılmasın ide inde, digän teläktä qalıyq.
XS
SM
MD
LG