Accessibility links

Кайнар хәбәр

İldä nilär bulıp yata? - 23.V.2008


►Törek mädäniäte könnäre başlandı ►Ere tatar awılları berläşä başlıy ►Yazuçılar millät yazmışı öçen xäweflänä ►Açıq mikrofon:Tatar matbuğatınıñ kiläçägen niçek küzallıysız? ►Acdahanıñ elekke kriminal macaraları

--------------------------------------------------------------------------------------------

►Törek mädäniäte könnäre başlandı

Tatarstan mädäniät ministrı Zilä Wäliewa häm Törkiäneñ Qazandağı baş konsulı Ahmet Ergin dä qatnaştı.

«Piramida» yal itü üzägendä «TÜRK DÜNYASI» atlı törek ansamble çığış yasadı. Çara Tatarstan mädäniät ministrı yärdämendä oyıştırıldı.

Şulay itterep Rusiädäge Törkiä mädäniät yılı uñayınnan Tatarstanda da çaralar başlandı. Alar Tatarstanda Törkiä mädäniäte könnäre dip atala. Anıñ räsmi açılışında qatnaşqan Tatarstan xökümäte başlığı urınbasarı, mädäniät ministrı Zilä Wäliewa qunaqlarnı törekçä sälamläde. Qunaqlar da tatarça söyläp tamaşaçı küñelen kürde.

--------------------------------------------------------------------------------------------

►Ere tatar awılları berläşä başlıy

Xäydär İşkin Penza yağınnan kilgän. İverkin rayonı Dömä awılı idaräse başlığı.

Comğa könne zur tatar awılları wäkilläre Tatarstanda oçraşa. Rusiädän 107, Tatarstannan 33 tatar awılı citäkçeläre Tatarstandağı Aqtanış rayonında oçraşuda qatnaşırğa çaqırulı. Başqortstannan da 42 tatar awılı wäkilen çaqırğannar. Alarnıñ maqsatı Rusiädäge zur tatar awılları berläşmäsen qoru. Anıñ citäkçese Käzim Deberdiev bulır, dip kötelä.

Bu nisbättän tatar kongressı xezmätkäre Mars Tuqay tatar awılların berläşterü turında ideyäsı turında xäbärçegä söyläde. Eşne ere awıllardan başlarğa bulğannar. Tuqay Penza ölkäsendäge şuşı Deberdiev idarä itkän Äläzän atlı zur awılnı “danlıqlı”, dip atıy.


--------------------------------------------------------------------------------------------

►Yazuçılar millät yazmışı öçen xäweflänä


Qazanda Tatarstan yazuçılar berlege qorıltayı buldı.

“İnde menä tağın milli kügebez imperia küsäge külägäse belän yabıldı. Bezne telebezdän yazdıru öçen mäktäplärebezdä üz telebezdä uqıtu mömkinlegen yuqqa çığara torğan qırğıy qanunnar qabul itelde. Üz grafikabızda yazu tıyıldı”,- dide yazuçı Tufan Miñnullin. Bu süzlär anıñ älege çarağa prolog, yäğni kereş bulıp tordı. Tatarstan yazuçılar berlegeneñ 16-nçı qorıltayında başta süz qäläm iäläreneñ başqarğan eşläre häm alğa plannar turında tügel, ä ğömümän millät yazmışı turında bardı diärgä bula.
Yazuçılar çığışları waqıtında da, urınnan da, prezident Şäymiev süzen bülderep tä Rusiäneñ mäğäriftäge milli qomponentı beterüe; tatar-törek mäktäplären yolıqqalawı; qulaylaştıru, yäğni optimälläşterü säyäsäte näticäsendä tatar awıllarındağı mäktäplärneñ yabıluı häm anda uquçılarnı urıs mäktäplärenä taşıp uqıtunıñ millät yazmışın qurqınıç astına quyuı turında äytelde.


--------------------------------------------------------------------------------------------

►Açıq mikrofon:Tatar matbuğatınıñ kiläçägen niçek küzallıysız?


-------------------------------------------------------------------------------------------

►Acdahanıñ elekke kriminal macaraları

Qazanda küptän tügel Rusiäneñ tanılğan eşmäkäre Radik Yusupovnıñ qulğa alınuı atna däwamında cirle häm federal mäğlümat çaraları iğtibarında buldı.

Eçke eşlär ministrı Äsğät Säfärov jurnalistlar belän söyläşkändä, artıq sorawlar birmäskä häm oçraşu tämamlanğannan soñ da Yusupov tuında başqa mäğlümat sorap yörmäskä kiñäş itte

“Dragon”, yäğni “acdaha” digän quşamat tağıp, cinayät eşenä tartsalar da, Radik Yusupov moña qädär Rusiädä iñ abruylı, däräcäle, bay eşquarlarnıñ berse sanalğan, bügenge köndä dä şulay qala birä. Ul törle ölkädä eşläwçe küp kenä kommersia idaräläreneñ citäkçese. “Zvezda Povoljya”dağı imeş - mimeşlärgä qarağanda, Qazanda da küp kenä binalar anıqı ikän.
Qayber mäğlümatlarğa qarağanda Rdik Yusupovnı baylığı eşmäkär Ayrat Xäyrullinıqına qarağanda öçlätä kübräk ikän. Xäyrullinnıqı yaqınça 500million dollar ikänen isäpkä alğanda, “Drakon”nıñ nikadär bay ikänen küz aldına kiterep bula inde. Ämma ber närsä añlaşılmıy. Şundıy aqçalar belän dä, legendar “Drakon”nı törmägä yapmaqçı bulalar. Dimäk bu hiçşikez kemgäder tağın da zurraq eşlär başqarır öçen eşlängän ğämäl, di Räşit Äxmätov.

XS
SM
MD
LG