Accessibility links

якшәмбе, 4 декабрь 2016, Казан вакыты 05:09

Şimbä könne yöz millionlağan yewropalı, telefon häm smslär aşa 53. Eurovision cır bäygesendä üz yaratqan cırları öçen tawış biräçäk.

Yartı ğasırdan da artıq tarixı bulğan bäyge, başta könbatış yewropa illärendä başlansa, xäzer aña könçığış häm kavkaz illäredä quşıla. Läkin ni qadär kiñäyünä qaramastan, Eurovision digäçtä ike äyber kilä başqa, zäwıqsız cırlar häm säyäsät...

Bäygegä İralandadan qatnaşqan Dustinneñ şämäxä tösttäge kürkä qurçağı, Yewrovedenie yarışında säxnädä äle başın çığarıp cırlarğada ülgermäde, kiçä yarım-finaldä töşep qaldı.

Eurovision tänqitçeläreneñ Dustinne, urtaqlıq taba almağan, tübän zäwıqlı, qabatlanğan süzlär belän cırlağan mısqıl kiyemnär kigän törkem bularaq qaradı.

Läkin tamaşaçı qaytawazınnan tış anıñ töşep qaluında, Eurovisionnıñ üz säyäsäte täserle buldı.

Eurovision cır yarışması säyäsättän çittä, 2 böten dönya suğışınıñ qaldıqlarınnan arınırğa tırışğan Yewropada, barlıq bülengän illärne bergä cıyu maqsatında oyıştırıla başlağan ide. Ul 1956 yılda berençe bularaq Şvetseriada uzdırıldı. Läkin berençe bäygedän birle, ul da säyäsätkä äylänäçäk digän qurqu gel bar ide.

Küñelle genä cır bäygesendä säyäsätneñ ni qatnaşı bar diärsez. Xäyer xäzer inde qayberäwlär Eurovision süzen dä telgä almıy, anı bik ğadi itterep ‘kürşelärneñ berbersenen küñlen kürü yarışı” dip atıy başladı.
Mäsälän ike qardäş il, Gresiä belän Kıbrıs kimendä 12 ball belän ber-bersen yaqlap kilä. Monnañ qala, Balkan yäisä Skandinavia töbäklärendäge illär gel yuğarı bäyälär birep, ber-bersen quandırğan bulalar.

Könbatıştağı illärneñ qayberäwläre här töbäkneñ üz kürşelären qayğırtu säyäsätenä eçe awırtsa da, ikençelär bäygedäge cır süzlärenä xättä säxnä artislarının kiyenü tärtebenä qadär säyäsät kerep kitüenä borçıla.

Mäsälän 2005 yılda Kiyevtä ütkän bäygedä, Serbiadan ayrılğan serb ile Montonegrodan qatnaşqan “isemsez” dip atalğan törkem, säxnäğä Montonegro bayrağına törenep çığuı, Serbianı tabiğiy ki açulandırğan ide. Sonınnan törkem Belgradta çığış yasağanda xalıq törkemne säxnädän şeşälär ırğıtıp qudı.

Uzğan yıl isä İzraineñ “Push the button” töymägä bas digän cırı küplärdä qarşılıq uyattı. İran, atom suğışı häm prezidentlarnıñ köç sınaşuı cırda çağıldırılğan ide.

Bıyıl isä cırlar äle säxnäğä çığar aldınnañ säyäsi qarşılıqlar tua başladı. 1990 yıllarda Qarabağ nizağında ike döşman millät, xäzer cir tügel, cır öçen berberse belän awız talaşına kerde.

Nizaqnı çığargan töp säbäp isä, älege cır....

Bolay ğına tıñlağanda, älege cır öçen nizaq çığarırlıq ber nindi dä säbäp yuq diärsez. Läkin eş Azärbaycanlılarnıñ youtube saxifäsendä älege cırnıñ urlanğan buluın däğwä itep bäxäslär tudıruında.

Azärbaycanlılar Ärmänstannıñ bıyılğı çığışında yaxşı belengän 3 azärbaycan milli köyeneñ qullanıluın däğwä itä.

Monnañ qala soñgı waqıtta bäygegä kertelgän tağın ber ğadät, bäygedä tilifon yäisä smslär belän tawış berü mömkinçelege.

Läkin bu mömkinçelek härkemne qızınsındırmıy. Bolardan berse Eurovision bäygesen, Britaniä televideniäsendä alıp barğan, Terry Wogan. Ul bäygegä timer pärdä töşerelde di.

Bu atna Daily Telegraph basmasına bergän äñgämäsendä Wogan, Eurovisionnıñ maqsatı barıbıznıda bergä cıyu ide. Läkin xäzer ul bezneñ ber berebezdän ni qadär ayrı bulğanıbıznı kürsätü çaratusına äylänä” dip äytä.

Qayberäwlär bäygegä kübräk illär quşılu belän, kürşene qayğırtu isäbenä bäygeneñ berläşterü maqsatı yuğala bar disä, ikençelär bäygeneñ kiñäyüe anıñ üzençälegen arttıra dip isäple.

Eurovision canatarı Keith Mills, bäygegä yaña illäneñ quşıluı yaxşığa taba adım di:

“Könçığış yewropa illäre, bik tekä saylanğan cırçıların cibärä, alarnıñ üzlärenä kürä iskitkeç zamança üzençälekle ısulları bar, häm alar çınnan da üzlären sınata belä. Läkin könbatış yewropa illäre , añlaşılmağan, tübän zäwıqlı cırlar cibärä dip äyter idem, bu isä bäygegäneñ mäğnäsenä turı kilmi....”
XS
SM
MD
LG