Accessibility links

дүшәмбе, 5 декабрь 2016, Казан вакыты 07:28

►Hawa alanın tözekländerü dä FISUğa bäyle ►FISU qararı “Tatarstan yaña ğasır”da turı efirda ►Kolesov Qazanğa qaytırmı? ►Boris Çubnıñ cäsäde tabıldı




Hawa alanın tözekländerü dä FISUğa bäyle

Qazanda zur çaralar ütkärü turında zur proektlar qalqıp çıqqan sayın, hawa alanı mäsäläne kilep basa.

Qazannıñ 2013 yılğı Universiadanıñ ütkärü mömkinleklären öyränergä kilgän FISU komissiase wäkilläre, citeşsez yaqlar arasında başqalanıñ hawa alanına iğtibarnı yünältkän ide.Çittän kilgän häm cirle türälär dä, hawa alanı binaları meñärçe keşene ütkärä alırlıq xäldäme, zamançamı, iminme, digän sorawlarnı quya. Çönki Universiada ütkärelgän oçraqta, hawa alanı 10 meñ keşene ütkärä alırlıq däräcädä bulırğa tieş.

Qazan hawa alanı 70nçe yıllarda tözelgän bulğan. Anı xäzerge Yewropa taläplärenä turı kitererlek däräcägä citkerügä, 3,5 milliard sum kiräk bulaçaq. Tözekländerü proektın Dönya banqı bağıp toraçaq, dip planlaştıra.

Qazan hawa alanın tözekländerü proektların ni räweşle häm qayçan tormışqa aşırıluı Brusseldäge tawış birü näticäsenä dä bäyle. Ämma 2013 yılğı Universiada Qazanda ütsä dä, ütmäsä dä, hawa alanın barıber tözekländereläçäk, dip ışandıra xakimiatlär.

--------------------------------------------------------------------------------------------

►FISU qararı “Tatarstan yaña ğasır”da turı efirda

31 may kiçendä 2013 yılğı cäyge Universiadanı ütkärüçe bilgele bula

31 mayda FISU oyışmasınıñ baş fatirı Bryüsseldä 2013 yılğı Universiadanı üzendä ütkärergä telägän nämzät şähärlärdän ciñüçene iğlan itü çarasın “Tatarstan yaña ğasır” televideniäse turı efirda kürsätäçäk. Bu çara Qazan waqıtı belän kiçke 10 da başlanır dip kötelä.

Ä 30 mayda Bryüsseldä nämzät-şähärlärneñ kürgäzmäläre açıldı. 29 mayda bu qalağa Qazan-Bryüssel xalıqara marafonında qatnaşuçılar kilep citte. Alarnı anda aldaraq barıp citkän Tatarstan räsmiläre qarşı aldı. Marafonda qatnaşuçılar Qazannı yaqlawçılanıñ yulda cıyılğan imzaların alıp kilde.

31 may könne irtän nämzät qalalarnıñ täqdim itü çarası başlanaçaq. Berençe bulıp 2013 yılğı qışqı Universiadanı ütkärergä telägän Sloveniäneñ Maribor şähäre üzen täqdim itäçäk. Annan soñ cäyge Universiadanı ütkärüçelär süz ala. Qazanğa qädär İspanianeñ Vigo wäkilläre çığış yasasa, Tatarstan başqalasınnan soñ Könyaq Koreyänıñ Guañ Cuğa süz bireläçäk.

Brüsselgä kiter aldınnan Qazan başlığı İlsur Metşin: “Qazan ciñsen öçen bez quldan kilgänneñ barsın da eşlädek”,-dip belderde

--------------------------------------------------------------------------------------------

Kolesov Qazanğa qaytırmı?

Amurda ğubernatorğa yaqın bulğan keşelärgä qarata açılğan cinayät eşläre tuqtatılmağan, ä menä Nikolay Kolesov üze, başta äytkän süzlärennän taypıldı. Äle ber ay elek ul “Mine Amurğa prezident tärtip urnaştırırğa cibärde, min monnan kitergä cıyınmıym” disä, xäzer ul ğäriza yazıp ğubernator wazıyfalarınnan, şul isäptän töbäktän dä kitä.


--------------------------------------------------------------------------------------------

Boris Çubnıñ cäsäde tabıldı

Soñğı waqıtta Tatarstanlılarnı borçığan mäsälä “Suwar – Qazan” şirkäte başlığı Boris Çubnıñ kinät kenä yuqqa çığuı.


Küplär bu xälne Qazanda Rusiäneñ däräcäle eşmäkäre Radik Yusupov “Dragon”nıñ tıtıluına bäyläde. İkençelär anı “Qazan” hawa şirkäteneñ navigasia cihazların urlawda qatnaşqan da xäzer cawaplılıqqa tartıludan qaçıp yöri, dip farazlağan ide. “Vrema i dengi” gazetasınıñ şuşı könnärdä çıqqan sanında isä, Çubnıñ “Dragon” belän bäyle tügellegen taswirlap zur ğına mäqälä basılıp çıqtı.

29 may könne Çub turındağı farazlarğa noqta quyıldı. Balıq Bistäse rayonında Kama yılğasında balıqçılar anıñ cäsäden taptı. Tikşerüçelär fikerençä ülemneñ töp säbäbe - bäla qaza. Ämma alar Çubnı ütergännär, yäisä ül üz-üzen ütergän digän fikerne dä älegä kire qaqmıy.


“Suwar - Qazan” şirkäte xezmätkärläre isä, xucalarınıñ ülüenä mönäsäbätle mäğlümat birmi. Comğa alar “Kommersant” gazetasında üzläreneñ qayğı urtaqlaşuların beldergän. Çubnı soñğı yulğa ozatu çarası şimbä Qazannıñ “Basket - holl” zalında bulaçaq.

--------------------------------------------------------------------------------------------
XS
SM
MD
LG